याकूब 1:18 - कोन्छ्‌योककी सुङ

¹⁸ तमा खोकी ज्‍येवु च्‍यालकतिवी नाङ्‍ला दाक्‍पु ति थल्‍माला गरुप डुप्‍सेन दोके जोपला खोकी टेङ्‍बु वोतुप सुङ नेमा खोकी नोवा नेसुर दाक्‍पुला जो नङ्‍गुप यिन।

याकूब 1:18 Iomraidhean Croise

यूहन्‍ना 1:13

तमा तिवा ति मीकी ठक याङ्‍ना सेम नोजु याङ्‍ना मीकी नोवा नेसुर क्‍येवु मिन, यिने कोन्‍छ्‍योककी नोवा नेमा क्‍येवु यिन।

रोमी 4:17

ती ति कोन्‍छ्‍योककी अब्राहामला “ङ ख्‍युरुङला मिरिक बङीकी पपा जोयिनो।” सिनी खोकी सुङला टिवु दोके राङ यिन। ती थाक्‍छ्‍येन नङ्‍गुप ति अब्राहामकी तेपा क्‍यावु कोन्‍छ्‍योककी तेन्‍तेन क्‍या नङ्‍गुप यिन। खो ति शेपतिवाला मिजी नङ्‍गुप ताङ मेतुप च्‍यालकतिवाला वोतुप जो नङ्‍गुप कोन्‍छ्‍योक यिन।

१ कोरिन्‍थी 4:15

येशू ख्रीष्‍टकी कोर्ला ख्‍यिराङला लाम तेरुप मीतिवा याङ तोङ्‍डा च्‍यिथम्‍बा चोयी वोज्‍यिवी, यिने पपा ति च्‍यिक राङ वे। ङे ख्‍यिराङला ख्रीष्‍ट येशूकी थोक्‍ला लेन ल्‍यामु ख्‍याप्‍टाक क्‍यावु तप्‍की ङ ति ख्‍यिरा पपा दोके च्‍युङ वे।

२ कोरिन्थी 6:7

सुङ टेङ्‍बु तेरुप ताङ कोन्‍छ्‍योककी नङ्‍गुप ङारला ती लाका तेरी किवी। सु ताङ मुला थमु ग्‍यक गोसिनाङ ङ्‍यिरा टेङ्‍बु वोतुप लक्‍च्‍ये थ्‍वोनी

एफिसी 1:12

तुक क्‍यानी दाक्‍पु गोमाला नेज्‍युनी ख्रीष्‍टला रेवा कितुपतिवा तेरीकी कोन्‍छ्‌योकला मोवा ताङ सोवा देकुपला खोकी पेन नङ्‍गुप यिन।

एफिसी 1:13

ती ख्रीष्‍ट नेसुर दाक्‍पु साङ कोन्‍छ्‌योककी सुङ टेङ्‍बु थोनी खोकी थाक्‍छ्‌येन नङ्‍गुप थु चाङ्‍माकी त ग्‍यप्‍नी वे। ती सुङ टेङ्‍बु ति ख्‍यिराङला दिक्‍पा ने थर ज्‍यितुप लेन ल्‍यामु यिन।

२ तिमोथी 2:15

ख्‍युरुङ अछ्‍योता सेक कोन्‍छ्‍योककी सुङ टेङ्‍बु ति ल्‍यामु क्‍यानी ख्‍याप्‍टाक की, तुक क्‍यासिन खोकी ख्‍युरुङला गा किवी, तमा ख्‍युरुङ ङोछाला साङ मेख्‍येल्‍वी।

हिब्रू 12:23

तमा ख्‍यिराङ याङ गोमाला क्‍येवु पुज्‍युङ दोके वोतुप तेपा कितुप मीतिवा तेरी जोम्‍बुप चर्चला वानी वे। तिवी मिङ तेरी ति देवाच्‍येनला टिनी ज्‍याङ वे। तमा ख्‍यिराङ याङ तेरी मीतिवाला ठिम क्‍या नङ्‍गुप कोन्‍छ्‍योक ताङ खोकी खोरे मोवा वोतुप दोके क्‍यानी टेङ्‍बु जोवु मीतिवी थुतिवा वोतुप दासाला वानी वे।

याकूब 1:15

तमा मी सेमला नासाम मेलोवा शर्नी तीकी दिक्‍पा किवी, दिक्‍पा मङ टासिमा ती दिक्‍पाकी मीला ङ्‍येलाला क्‍योल्‍गिवी।

याकूब 1:21

तुक क्‍यानी तेरी लाका मेटेङ्‍बु ताङ दुक्‍टा कितुप क्‍युर। तमा कुसु ज्‍यम्‍बु क्‍यानी ख्‍यिरा सेमला ज्‍यकुप कोन्‍छ्‍योककी सुङला मिजी क्‍योङ। ती कोन्‍छ्‍योककी सुङगी राङ ख्‍यिरा मिजी ति र्‍होक थुप्‍किवी।

याकूब 3:14

यिने दोजो ख्‍यिरा सेमला ठतोक कितुप ताङ खुरुङला तिराङ नासाम तोङ्‍गिवी सिसिन, छासे रिक्‍पा वे सिनी तुका ताम्‍ङेला हम्‍बा माकी, यिने ताम्‍ङे टेङ्‍बु तिराङ की।

१ पत्रुस 1:23

ख्‍यिराङ ति ङोसु वोतुप ताङ नरी लुवु कोन्‍छ्‍योककी सुङ नेसुर मिजी सम्‍बा ङ्‍येतुप यिनो। खोकी सुङ ति ना डोप मिन, यिने नाम्‍साङ ना मोडोवु यिन।

१ पत्रुस 1:3

दाक्‍पी चोवो येशू ख्रीष्‍टकी पपा कोन्‍छ्‍योकला सोवा देकिन। च्‍यिलासिसिन खोकी येशू ख्रीष्‍टला शेप ने ङोसु लाङ्‍नी खोकी खोरे छासेकी कटिन नेमा दाक्‍पुला मिजी सम्‍बा नाङ्‍सुङ। तमा दाक्‍पु शिसिनाङ सेन्‍बु लुवु रेवा ङ्‍येन वे।

१ यूहन्‍ना 3:9

कोन्‍छ्‍योककी पुज्‍युङ पुमतिवा सी साङ दिक्‍पा मिकिवी। च्‍यिलासिसिन खोकी सुङ ति तिवी मुला गिवी। तिवा खोकी पुज्‍युङ पुमतिवा यिन्‍दुप तप्‍की दिक्‍पा क्‍या क्‍यावा मेदेवी।

ज्‍यल्‍का 14:4

ती मीतिवा नाम्‍साङ पुम्‍पेजी मुला शम्‍डेन कितुप लाका माक्‍यानी चाङ्‍मा देतुपतिवा यिनोक। तिवा लुक रुक कनी डिवे, तीकी तिङ्‍ला तिङ्‍योकुपतिवा यिनोक। तिवा ति मीतिवी नाङ ने थर्वा ङ्‍येनी कोन्‍छ्‍योक ताङ लुक रुककी थोक्‍ला थल्‍माकी डेलु दोके च्‍युङ्‍गुप मीतिवा यिनोक।