याकूब 1:1 - कोन्छ्‌योककी सुङ

¹ टसी देलेक! कोन्‍छ्‍योक ताङ चोवो येशू ख्रीष्‍टला शब्‍ज्‍यी बुलुप ङ याकूबकी छ्‍योक नेमा जम्‍बुलिङकी दासा दासाला टम्‍नी देतुप कोन्‍छ्‍योकला तेपा कितुप मीतिवा तेरीला दी यिकी ति टिवु यिनो।

याकूब 1:1 Iomraidhean Croise

मत्ती 10:3

फिलिप ताङ बारथोलोमाइ, थोमा ताङ से दुतुप मत्ती, तमा अल्‍फयसकी पुज्‍युङ याकूब ताङ थेदियस,

मत्ती 13:55

काङ दी मी याङ शिङ्‍जोकी पुज्‍युङ मिन? दीकी आमा याङ मरियम मिन? दीकी नुपतिवा याकूब ताङ योसेफ ताङ सिमोन ताङ यहूदा मिन रो?

मत्ती 19:28

तमा येशूकी तिवाला “वुतुङ के ङ ख्‍यिराङला सिरिन, दी जम्‍बुलिङ तेरी सम्‍बा फोनी ङ मी पुज्‍युङ खोरो मोवा वोतुप ग्‍येल्‍ठिकला देनी ग्‍येला कितुप पेला ख्‍यिराङ ङे तिङ्‍ला तिङ्‍योकुपतिवा साङ ग्‍येल्‍ठिक च्‍यिङ्‍ङीला देनी इस्राएलकी मिरिक च्‍यिङ्‍ङीकी खला ठिम कितो।

मर्कूस 3:18

तमा अन्‍द्रियास ताङ फिलिप ताङ बारथोलोमाइ ताङ मत्ती ताङ थोमा ताङ अल्‍फयसकी पुज्‍युङ याकूब ताङ थेदियस ताङ कनानकी मी सिमोन ताङ

लूका 22:30

तुक क्‍यानी ख्‍यिराङ ङे ग्‍येल्‍खापला ङ ताङ मुला देनी साप ताङ थुङ्‍गुप ङ्‍येकितो, तमा ग्‍येल्‍ठिकला देनी इस्राएलकी मिरिक च्‍यिङ्‍ङीतिवी खला ठिम कितो।”

लूका 6:15

मत्ती, थोमा, अल्‍फयसकी पुज्‍युङ याकूब, लुङ्‍बाकी थोक्‍ला टेमु कितुप छोक्‍पाकी मी सिरुप सिमोन,

यूहन्‍ना 12:26

चुका मी तीकी ङला शब्‍ज्‍यी कितुप नो किवे, ती ति ङे तिङ्‍ला तिङ्‍योक गोकिवी। तमा ङ कनी नोके, ङला शब्‍ज्‍यी कितुप ती साङ ङे मुला राङ तेराङ गिवितो। सी ङला शब्‍ज्‍यी किवे, तीला ङे पपी छ्‍ये जेवितो।”

यूहन्‍ना 7:35

तमा यहूदी गोमा कितुप छ्‍येतिवा खोप्‍राङ नाङ्‍ला च्‍यिककी च्‍यिकला “ला, दी मी ति कनी डोप नो किताङ? दीला दाक्‍पी ठे मुथुपी सिरुप ति काङ यिनाङ? काङ दी मी ति ग्रीककी लुङ्‍बाला टम्‍नी देतुप यहूदीतिवी पर्ला गल्‍नी येन्‍देन तेरुप नो किते की?

लोमा छ्‍येतिवी लाका 1:13

तिवा यरूशलेम लेप्‍सिमा खोप्‍राङ देतुप खाङ्‍बी तेङाङ तेला गाल। तिवा ति पत्रुस ताङ यूहन्‍ना ताङ याकूब ताङ अन्‍द्रियास ताङ फिलिप ताङ थोमा ताङ बारथोलोमाइ ताङ मत्ती ताङ अल्‍फयसकी पुज्‍युङ याकूब ताङ जिलोट सिनी ङो शेवु सिमोन ताङ याकूबकी पुज्‍युङ यहूदा यिनोक।

लोमा छ्‍येतिवी लाका 12:17

तमा पत्रुसकी तिवाला खरक्‍पा दे सिनी लाक्‍पी छ्‍याक के क्‍यानी कोन्‍छ्‍योककी खोरुङला चुक क्‍यानी चोन्‍खाङ नेमा तेन्‍सुङ सिरुप ताम्‍ङे ति तिवाला लाप्‍सुङ। तमा ती ताम्‍ङे ति याकूब ताङ यम्‍बा तेपा कितुपतिवाला साङ लोपा सिनी खोरुङ ति दासा यम्‍बाला गाल।

लोमा छ्‍येतिवी लाका 15:13

तिवी लाप्‍नी सिन्‍सिमा याकूबकी दुक सिक्‍यासुङ, “ओ अच्‍युनुपतिवा, ङे ताम्‍ङे ङ्‍येना!

लोमा छ्‍येतिवी लाका 15:21

च्‍यिलासिसिन ताङ्‍बो नेज्‍युनी ग्‍येसा ग्‍येसाला वोतुप यहूदी छ्‍योखाङला ज्‍यिङ्‍बा बाक्‍यम तङ्‍नी सेतुप सेम्‍ज्‍येनकी कोर्ला मोशाकी ठिम ति ङासोप ङ्‍यिमाला नरी रोकिनोक।”

लोमा छ्‍येतिवी लाका 15:23

तमा तिवी लकला दुक सिनी यिकी ताङ्‍सुङ, “टसी देलेक, एन्‍टिओखिया ताङ सिरिया ताङ किलिकियाला वोतुप चोवोला तेपा कितुप यहूदी मिन्‍दुप मिरिक यम्‍बाकी अच्‍युनुपतिवाला दे वोतुप ख्‍यिरे अच्‍युनुप यिन्‍दुप लोमा छ्‍ये ताङ चर्चकी गोमा कितुप मी छ्‍येतिवी छ्‍योक नेसुर दी यिकी टिवु यिनो।

लोमा छ्‍येतिवी लाका 2:5

ती पेला जम्‍बुलिङकी तेरी लुङ्‍बा लुङ्‍बा नेसुर कोन्‍छ्‍योकला सोवा देकुप यहूदीतिवा साङ ती तुछ्‍येनकी थोक्‍ला यरूशलेमला वानोक।

लोमा छ्‍येतिवी लाका 21:18

ती सला तीला पावल ङ्‍यिराङ ताङ क्‍यानी याकूबकी खाङ्‍बा गलिन। ते यरूशलेम चर्चला गोमा कितुप मी छ्‍येतिवा साङ तेरी जोम्‍नोक।

लोमा छ्‍येतिवी लाका 23:26

“यहूदिया लुङ्‍बाला ग्‍येला कितुपला रोम ने वावु मी छ्‍ये फेलिक्‍सला क्‍लौडियस लुसियसकी टसी देलेक!

लोमा छ्‍येतिवी लाका 26:7

दाक्‍पी गिपा च्‍यिङ्‍ङीकी मीतिवी ङ्‍यी ताङ नुप्‍ज्‍या सेम च्‍यिक राङ च्‍युङ्‍नी ती कोन्‍छ्‍योककी थाक्‍छ्‍येन नङ्‍गुप ति ङ्‍येतुपला सोवा तेक्‍नी रेवा क्‍यासुङ। ओ ग्‍येल्‍वु, दी रेवाकी थोक्‍ला यहूदीतिवी ङला क्‍येन ग्‍यम वे।

लोमा छ्‍येतिवी लाका 8:1

स्‍तिफनसला सेतुप मीतिवी पर्ला शाऊल साङ ख च्‍यिक नोक। ती छेर्मु राङ यरूशलेमकी तेपा कितुप मीतिवाला यहूदी गोमा कितुपतिवी जिम्‍नी छेटाङ तेरुप छाल्‍सुङ। तमा लोमा छ्‍येतिवा मिसिन यम्‍बा तेपा कितुप मीतिवा तेरी यहूदिया ताङ सामरियाकी दासा दासा नेवा थरा थुरा गाल्‍सुङ।

रोमी 1:1

रोमला वोतुप मीतिवा तेरीला टसी देलेक! दी यिकी ति येशू ख्रीष्‍टकी थोक्‍ला लावा च्‍युङ्‍गुप ङ पावलकी टिवु यिनो। ङ ति कोन्‍छ्‍योककी लेन ल्‍यामु ख्‍याप्‍टाक कितुप ताङ लोमा छ्‍ये च्‍युङ्‍गुपला खोकी पेन नङ्‍गुप यिन।

गलाती 1:19

यिने ते ङे चोवो येशूकी नुप याकूबला मिसिन यम्‍बा लोमा छ्‍ये सुला साङ माठे।

गलाती 2:12

ते याकूबकी तङ्‍गुप यहूदी दाल्‍जातिवा वुङ्‍गुप गोमाला पत्रुस ति यहूदी मिन्‍दुप मिरिक यम्‍बाकी मीतिवी मुला देनी साप थुङ्‍गुप क्‍यानोक। यिने तिवा ते वासिमा तीकी तिवी मुला साप थुङ्‍गुप क्‍युर ज्‍याक्‍नी गाल्‍सुङ। च्‍यिलासिसिन ती ति यहूदी च्‍येतुप लुक्‍सु तेन्‍दुपतिवी मुला ज्‍यिवा किनोक।

गलाती 2:9

तुक क्‍यानी ते चर्चकी खक्‍छ्‍येवु याकूब ताङ पत्रुस ताङ यूहन्‍नातिवी कोन्‍छ्‍योककी ङला कटिन नङ्‍गुप थोङ्‍नी ङ ताङ बारनाबासला मुला थिन्‍नी लाका कितुप सिनी सिक्‍यासुङ। तमा ङ्‍यिराङ ति यहूदी मिन्‍दुप मिरिक यम्‍बाकी मीतिवी पर्ला, तिवा ति च्‍येतुप लुक्‍सु क्‍यावु यहूदीतिवी पर्ला लाका कितुपला ताम्‍ङे डिक्‍सुङ।

फिलिप्पी 1:1

टसी देलेक! दी यिकी ति ख्रीष्‍ट येशूकी थोक्‍ला शब्‍ज्‍यी कितुप ङ पावल ताङ तिमोथी नेसुर फिलिप्‍पीला वोतुप येशूला तेपा कितुप मीतिवा तेरी ताङ चर्चला गोमा कितुप मीतिवा ताङ चर्चला ल्हाटे कितुप मीतिवाला टिवु यिनो।

२ तिमोथी 4:21

च्‍युङ्‍सिन ख्‍युरुङ ङमु क्‍यानी गुन्‍बु थेन्‍दुप गोमाला राङ वुङ्‍गुप जोसा। युबुलसकी साङ ख्‍युरुङला टसी देलेक तङ्‍नी वोतो। तमा पुडेस ताङ लिनस ताङ क्‍लौडिया ताङ यम्‍बा तेपा कितुप मीतिवी साङ टसी देलेक तङ्‍नी वोतो।

तीतस 1:1

दी यिकी ति कोन्‍छ्‍योककी लावा ताङ चोवो येशूकी लोमा छ्‍ये ङ पावलकी तङ्‍गुप यिन। कोन्‍छ्‍योककी पेतुपतिवाला टेङ्‍बुला तेपा कि ज्‍यितुप ताङ खोकी रिक्‍पा वोतुप सुङ ति ल्‍यामु क्‍यानी हाक्‍को ज्‍यितुपला कोन्‍छ्‍योककी ङला लोमा छ्‍ये जो नाङ्‍सुङ।

१ पत्रुस 1:1

टसी देलेक! ङ येशूकी लोमा छ्‍ये पत्रुसकी छ्‍योक नेसुर पोन्‍टस ताङ गलातिया ताङ कापाडोकिया ताङ एशिया ताङ बिथिनिया लुङ्‍बातिवा नेवा थरा थुरा गल्‍नी छ्‍यिग्‍यपकी मी दोके टम देतुप कोन्‍छ्‍योककी पेन नङ्‍गुप मीतिवाला दी यिकी ति टिवु यिनो।

२ पत्रुस 1:1

येशू ख्रीष्‍टकी थोक्‍ला शब्‍ज्‍यी कितुप लोमा छ्‍ये ङ सिमोन पत्रुसकी छ्‍योक नेमा टसी देलेक! दी यिकी ति टेङ्‍बु वोतुप दाक्‍पी कोन्‍छ्‍योक ताङ दिक्‍पा ने थर ज्‍यितुप येशू ख्रीष्‍ट नेमा ङ्‍यिरा दोके खक्‍छ्‍येवु तेपा कितुप मीतिवाला टिवु यिनो।

यहूदा 1:1

टसी देलेक! ङ यहूदा ति याकूबकी नुप ताङ येशू ख्रीष्‍टला शब्‍ज्‍यी कितुप मी यिन। ङे छ्‍योक नेसुर कोन्‍छ्‍योककी कताङ नङ्‍नी ङ्‍यिङ्‍ज्‍ये क्‍या नङ्‍गुप ताङ येशू ख्रीष्‍टकी र्‍होकुप मीतिवाला दी यिकी ति टिवु यिनो।

ज्‍यल्‍का 7:4

ते लज्‍युर ग्‍यपुपतिवा तेरी इस्राएल गिपाकी मिरिक रे रे नेसुर वावु बुङ च्‍यिक ताङ तोङ्‍डा खल ङ्‍यी ताङ ज्यी वोतुप ति ङे थोसुङ।