हिब्रू 9:3 - कोन्छ्‌योककी सुङ

³ तमा जेतिवी पर्ला ति गोयोल ग्‍यप्‍नी नोक। ती गोयोलकी ग्‍यप्‍ला वोतुप नङगी जे तीला ति तेरी सिनाङ चाङ्‍मा वोतुप दासा सिनोक।

हिब्रू 9:3 Iomraidhean Croise

मत्ती 27:51

ती पेला राङ यहूदी ल्‍हङाङ नाङ्‍ला ग्‍यावु गोयोल ति गो नेमा ज्‍युनी शाप सेक फेका ङ्‍यी गल्‍नी राल्‍सुङ। तमा सयी ग्‍यप्‍नी दो ग्‍येर्पु साङ टुम्‍सुङ।

हिब्रू 6:19

ती रेवाला राङ दाक्‍पी मिजी ति रेन्‍नी देन वे। दी रेवा ति ग्‍येम्‍छो नाङ्‍ला वोतुप टुला लङ्‍गर ग्‍यप्‍सिमा टु ति र्‍होकुप दोके दाक्‍पी सेमला रम्‍बु ताङ र्‍होकुप च्‍युङ्‍नी वे। तमा ती रेवा ति यहूदी ल्‍हङाङला ग्‍यपुप गोयोल नङगी छासे चाङ्‍मा वोतुप दासा सेक लेपुपला दाल्‍जा किवी।

हिब्रू 9:7

यिने जे ङ्‍यिवी नाङ्‍ला ति कोङ्‍यार छ्‍ये तिराङ लोला थेङ्‍मा च्‍यिक ठक खुर्नी डिनोक। ठक माखुर्सिन ती नाङ्‍ला शुक मुथुप्‍नोक। ती ठक ति खोरो दिक्‍पी थोक्‍ला ताङ मीतिवी हाक्‍माकोनी क्‍यावु दिक्‍पी थोक्‍ला जिन्‍बा बुलुपला यिन।

हिब्रू 9:8

तुक क्‍यानी कोन्‍छ्‍योककी थु चाङ्‍माकी दाक्‍पुला काङ लोप्‍किवी सिसिन, जे तङ्‍बुला वोतुप दासा चाङ्‍मा ति मादोवा सेक्‍ला तेरी सिनाङ दासा चाङ्‍माला शुकुप लाम ति मेपेवी।