हिब्रू 9:1 - कोन्छ्‌योककी सुङ

¹ थल्‍माला कोन्‍छ्‍योक ताङ इस्राएलकी मीतिवा पर्ला थाक्‍छ्‍येतुप ताम्‍ङेला साङ कोन्‍छ्‍योकला सोवा देकुप कोर्ला ठिमतिवा नोक। तमा ती ठिमला वोतुप दोके सोवा देकुपला मीतिवी राङ जोवु चाङ्‍मा वोतुप कुर च्‍यिक नोक।

हिब्रू 9:1 Iomraidhean Croise

लूका 1:6

तिवा ङ्‍यिकर कोन्‍छ्‍योककी थोङ्‍दाङला टेङ्‍बु नोक, तमा कोन्‍छ्‍योककी तेरी क ताङ ठिमला क्‍येन मेता क्‍यानी तेन्‍गिनोक।

रोमी 9:4

तिवा ति इस्राएलकी मीतिवा यिन। कोन्‍छ्‍योककी तिवाला खोरो पुज्‍युङ जो नाङ्‍सुङ, खोकी तिवाला खोरे मोवा छ्‍या तेन्‍सुङ, खोकी तिवी मुला थाक्‍छ्‍येवु ताम्‍ङे जो नाङ्‍सुङ, मोशा नेसुर ठिम साङ जो नाङ्‍सुङ, खोकी तिवाला यहूदी ल्‍हङाङला सोवा देकुप ताङ थाक्‍छ्‍येन नङ्‍गुप ताम्‍ङे साङ तिवाला राङ नाङ्‍सुङ।

कलस्सी 2:8

ख्‍यिराङ च्‍याङ्‍से देता! सी साङ खोप्‍रे च्‍यु ताङ रिक्‍पा नेसुर जिनोक जोवु ताम्‍ङेतिवा लाप्‍नी ख्‍यिराङला मुलुशिता। तुका ताम्‍ङेतिवा ख्रीष्‍ट नेमा वावु मिन, यिने मीतिवी लुक्‍सु ताङ जम्‍बुलिङला वोतुप ङार नेसुर वावु यिन।

हिब्रू 8:13

खोकी “थाक्‍छ्‍येवु ताम्‍ङे सम्‍बा” सिनी खोकी गोमाला थाक्‍छ्‍येवु ताम्‍ङेला ङ्‍यिङ्‍बा जो नाङ्‍सुङ। तमा ती ङ्‍यिङ्‍बा गलुप ताङ फेन मोथोवुतिवा ति तेरी ङमु राङ तोर्नी डिवी।

हिब्रू 8:2

ते खो तेरी सिनाङ चाङ्‍मा वोतुप दासाला कोङ्‍यार छ्‍येकी लाका कियी वे। ती दासा ति यहूदीतिवी कोन्‍छ्‍योकला सोवा देकुप कुर यिन। ती ति मीतिवी जोवु मिन, चोवो कोन्‍छ्‍योककी जो नङ्‍गुप वुतुङ्‍की चाङ्‍मा वोतुप दासा यिन।

हिब्रू 8:7

दोजो थल्‍माला कोन्‍छ्‍योक ताङ मी पर्ला थाक्‍छ्‍येवु ताम्‍ङे ति क्‍येन मेतुप च्‍युङ्‍सियाङ थाक्‍छ्‍येवु ताम्‍ङे ङ्‍यिवा ति जो राङ मोगोवु ति यिन्‍जा।

हिब्रू 9:24

तुक क्‍यानी ख्रीष्‍ट याङ मी लाक्‍पी जोवु चाङ्‍मा वोतुप कुरकी नाङ्‍ला फेवु मिन, ती कुर ति देवाच्‍येनकी कुर नेसुर पेशुवु तिराङ यिन। यिने खो ती देवाच्‍येनला राङ फेप्‍सिमा दाक्‍पी छ्‍योकला कोन्‍छ्‍योककी थोङ्‍दाङला ज्‍यु वे।