हिब्रू 8:8 - कोन्छ्‌योककी सुङ

⁸ यिने मीतिवाला क्‍येन फोकुप हाक्‍कोनी कोन्‍छ्‍योककी दुक सिनी सुङ्‍सुङ, “त ती तुजे गितो, चोवो कोन्‍छ्‍योककी सुङ्‍गिवी, ती तुजेला इस्राएलकी मीतिवा ताङ यहूदाकी मीतिवी मुला ङ थाक्‍छ्‍येवु ताम्‍ङे सम्‍बा च्‍यिक जोयिनो।”

हिब्रू 8:8 Iomraidhean Croise

मत्ती 26:28

ती ति मी बङीकी थोक्‍ला दिक्‍पा ने थर ज्‍यितुपला देन्‍दुप कोन्‍छ्‍योककी थाक्‍छ्‍येन नङ्‍गुप ङे ठक यिन।

मर्कूस 14:24

येशूकी तिवाला सुङ्‍सुङ, “दी ति मी बङीकी थोक्‍ला देन्‍दुप कोन्‍छ्‍योककी थाक्‍छ्‍येन नङ्‍गुप ङे ठक यिन।

लूका 17:22

ती ज्‍युक्‍ला येशूकी लोमातिवाला सुङ्‍सुङ, “तुका तुजे यी गिवी, ती पेला ख्‍यिरा ङ मी पुज्‍युङकी तुजेला ङ्‍यिमा च्‍यिक यिन्‍सिनाङ ल्‍हाप नो किवी, यिने ल्‍हाप मेङ्‍येवी।

लूका 22:20

तमा गोमुकी सोल शेन सिन्‍सिमा खोकी गोमी दोके क्‍यानी कोरा लानी दुक सुङ्‍सुङ, “दी कोरा ति ख्‍यिरा थोक्‍ला देन्‍दुप ङे ठक नेसुर कोन्‍छ्‍योककी थाक्‍छ्‍येन नङ्‍गुप खोकी ठिम सम्‍बा यिन।

लूका 5:38

गुन्‍डुम छ्‍याङ सम्‍बा ति क्‍वा ग्‍यिवु सम्‍बी नाङ्‍ला राङ ज्‍योक गोकिवी।

१ कोरिन्‍थी 11:25

तुक राङ क्‍यानी खोकी कोरा लकला लानी दुक सिनी सुङ्‍सुङ, “दी ति ङे ठक नेसुर कोन्‍छ्‍योककी थाक्‍छ्‍येन नङ्‍गुप ठिम सम्‍बा यिन। नम पेला ख्‍यिरा दी कोरा नेमा थुङ्‍गिवे, ती पेला ङला टेन्‍दा किसा।”

२ कोरिन्थी 3:6

खोकी ङ्‍यिराङला खो ताङ ङ्‍यिरा पर्ला थाक्‍छ्‍येवु ठिम सम्‍बाकी थोक्‍ला शब्‍ज्‍यी कितुप ङार नाङ्‍सुङ। दी थाक्‍छ्‍येवु ठिम सम्‍बा ति यिकीला टिवु मिन, कोन्‍छ्‍योककी थु चाङ्‍माकी टिवु यिन। यिकीला टिवु ठिमकी मीला शि ज्‍यिकिवी, यिने कोन्‍छ्‍योककी थु चाङ्‍माकी याङ मिजी नङ्‍गिवी।

हिब्रू 12:24

तमा ख्‍यिराङ याङ कोन्‍छ्‍योक ताङ मीतिवी पर्ला थाक्‍छ्‍येतुप ताम्‍ङे सम्‍बा जो नङ्‍गुप येशू ताङ खोकी थोरुप ठकला वा वे। ती ठक ति हाबिलकी ठक सिनाङ मङ ल्‍यामो क्‍यानी दाक्‍पुला येन्‍देन तेर्किवी।

हिब्रू 7:22

तुक सुङ्‍गुप तप्‍की येशू ति कोन्‍छ्‍योक ताङ मीकी पर्ला थाक्‍छ्‍येवु ताम्‍ङेकी थोक्‍ला तेन्‍तेन क्‍या नाङ्‍सुङ।

हिब्रू 8:13

खोकी “थाक्‍छ्‍येवु ताम्‍ङे सम्‍बा” सिनी खोकी गोमाला थाक्‍छ्‍येवु ताम्‍ङेला ङ्‍यिङ्‍बा जो नाङ्‍सुङ। तमा ती ङ्‍यिङ्‍बा गलुप ताङ फेन मोथोवुतिवा ति तेरी ङमु राङ तोर्नी डिवी।

हिब्रू 8:6

यिने येशू ख्रीष्‍टकी क्‍या नङ्‍गुप कोङ्‍यारकी लाका ति कोन्‍छ्‍योककी मोशाला नङ्‍गुप ठिमला वोतुप कोङ्‍यारकी लाका सिनाङ मङ खक्‍छ्‍येवु वे। तुक क्‍यानी येशूकी कोन्‍छ्‍योक ताङ मीतिवी पर्ला थाक्‍छ्‍येवु ताम्‍ङे जोपला डिक्‍सुङ। ती थाक्‍छ्‍येवु ताम्‍ङे ति मोशाला नङ्‍गुप ठिम ङ्‍यिङ्‍बा सिनाङ मङ खक्‍छ्‍येवु वे। च्‍यिलासिसिन कोन्‍छ्‍योककी मीतिवाला ती सिनाङ मङ ल्‍यामु ताम्‍ङे तेरुपला थाक्‍छ्‍येनी खोकी मी ताङ मुला ताम्‍ङे सम्‍बा थाक्‍छ्‍येन नाङ्‍सुङ।

हिब्रू 9:15

तुक क्‍यानी ख्रीष्‍ट ति कोन्‍छ्‍योक ताङ मीतिवी पर्ला थाक्‍छ्‍येतुप ताम्‍ङे सम्‍बाला डिङ तेरुप लाका क्‍या नङ्‍गिवी। खोकी तुक क्‍या नङ्‍गुप ति कोन्‍छ्‍योककी कतङ्‍गुप मीतिवाला नरीकी थोक्‍ला खोकी थाक्‍छ्‍येन नङ्‍गुप मोलाम ति थोप्‍शी सिनी यिन। च्‍यिलासिसिन खो मीतिवी गोमी थाक्‍छ्‍येतुप ठिमला क्‍यावु दिक्‍पा ने थर ज्‍यितुपला टुङ्‍सुङ।