हिब्रू 8:6 - कोन्छ्‌योककी सुङ

⁶ यिने येशू ख्रीष्‍टकी क्‍या नङ्‍गुप कोङ्‍यारकी लाका ति कोन्‍छ्‍योककी मोशाला नङ्‍गुप ठिमला वोतुप कोङ्‍यारकी लाका सिनाङ मङ खक्‍छ्‍येवु वे। तुक क्‍यानी येशूकी कोन्‍छ्‍योक ताङ मीतिवी पर्ला थाक्‍छ्‍येवु ताम्‍ङे जोपला डिक्‍सुङ। ती थाक्‍छ्‍येवु ताम्‍ङे ति मोशाला नङ्‍गुप ठिम ङ्‍यिङ्‍बा सिनाङ मङ खक्‍छ्‍येवु वे। च्‍यिलासिसिन कोन्‍छ्‍योककी मीतिवाला ती सिनाङ मङ ल्‍यामु ताम्‍ङे तेरुपला थाक्‍छ्‍येनी खोकी मी ताङ मुला ताम्‍ङे सम्‍बा थाक्‍छ्‍येन नाङ्‍सुङ।

हिब्रू 8:6 Iomraidhean Croise

लूका 22:20

तमा गोमुकी सोल शेन सिन्‍सिमा खोकी गोमी दोके क्‍यानी कोरा लानी दुक सुङ्‍सुङ, “दी कोरा ति ख्‍यिरा थोक्‍ला देन्‍दुप ङे ठक नेसुर कोन्‍छ्‍योककी थाक्‍छ्‍येन नङ्‍गुप खोकी ठिम सम्‍बा यिन।

रोमी 9:4

तिवा ति इस्राएलकी मीतिवा यिन। कोन्‍छ्‍योककी तिवाला खोरो पुज्‍युङ जो नाङ्‍सुङ, खोकी तिवाला खोरे मोवा छ्‍या तेन्‍सुङ, खोकी तिवी मुला थाक्‍छ्‍येवु ताम्‍ङे जो नाङ्‍सुङ, मोशा नेसुर ठिम साङ जो नाङ्‍सुङ, खोकी तिवाला यहूदी ल्‍हङाङला सोवा देकुप ताङ थाक्‍छ्‍येन नङ्‍गुप ताम्‍ङे साङ तिवाला राङ नाङ्‍सुङ।

एफिसी 2:12

ती पेला येशू ख्रीष्‍टला ख्‍यिरा ङो माशेवु तप्‍की इस्राएलकी गिपा माच्‍युङ। तमा ख्‍यिराङ ति कोन्‍छ्‌योककी थाक्‍छ्‌येतुप ठिम नेसुर थाक्‍रिङ्‍बु गल्‍नी दी जम्‍बुलिङला रेवा मेतुप ताङ कोन्‍छ्‌योक ङो माशेनी दे नोक।

१ तिमोथी 2:5

कोन्‍छ्‍योक ति च्‍यिक राङ ज्‍यु वे। तमा कोन्‍छ्‍योक ताङ मीतिवी पर्ला डिक्‍नी तम्‍जी ल्‍यामु जोप मिरा च्‍यिक वे। ती मी ति ख्रीष्‍ट येशू यिन।

तीतस 1:2

तुक क्‍यानी तिवा ति नाम्‍साङ मिशिवु मिजी ङ्‍येतुपला रेन्‍नी देन वे। ती मिजी ति जिनोक जो मनङ्‍गुप कोन्‍छ्‍योककी थल्‍मा नेज्‍युनी थाक्‍छ्‍येन नङ्‍गुप यिन।

हिब्रू 12:24

तमा ख्‍यिराङ याङ कोन्‍छ्‍योक ताङ मीतिवी पर्ला थाक्‍छ्‍येतुप ताम्‍ङे सम्‍बा जो नङ्‍गुप येशू ताङ खोकी थोरुप ठकला वा वे। ती ठक ति हाबिलकी ठक सिनाङ मङ ल्‍यामो क्‍यानी दाक्‍पुला येन्‍देन तेर्किवी।

हिब्रू 7:22

तुक सुङ्‍गुप तप्‍की येशू ति कोन्‍छ्‍योक ताङ मीकी पर्ला थाक्‍छ्‍येवु ताम्‍ङेकी थोक्‍ला तेन्‍तेन क्‍या नाङ्‍सुङ।

२ पत्रुस 1:4

खो ति मोवा ताङ च्‍यङ्‍च्‍यु सेम्‍बा वोतुप तप्‍की दाक्‍पुला छासे चोछ्‍येवु ताङ खक्‍छ्‍येवु ताम्‍ङे थाक्‍छ्‍येन नङ वे। तीकी तेन्‍दोक ति दाक्‍पु दुक्‍टा वोतुप सेम नेसुर वुङ्‍गुप दी जम्‍बुलिङकी नोवा मेलोवा नेसुर थर्नी कोन्‍छ्‍योक दोके टेङ्‍बु वोतुप मिजी क्‍योङ्‍गुपला यिन।