हिब्रू 8:3 - कोन्छ्‌योककी सुङ

³ तेरी कोङ्‍यार छ्‍येतिवा ति बुल्‍वा ताङ सेम्‍ज्‍येन सेनी जिन्‍बा बुलुपला पेतुपतिवा यिन। तुक क्‍यानी दी कोङ्‍यार छ्‍येकी साङ काङ रे च्‍यिक रे बुल्‍वा बुल राङ गोकिवी।

हिब्रू 8:3 Iomraidhean Croise

यूहन्‍ना 6:51

ङ ति देवाच्‍येन नेमा पाम वोवु सेन्‍बु वोतुप शुब्‍ज्‍याङ यिन। सी दी शुब्‍ज्‍याङ सेवे, तिवा नाम्‍साङ मिशिवी। ती शुब्‍ज्‍याङ ति ङे जु यिन, तमा ती जुकी जम्‍बुलिङकी मीतिवा तेरीला मिजी तेर्किवी।”

रोमी 4:25

येशू ख्रीष्‍ट ति दाक्‍पी दिक्‍पी थोक्‍ला टुङ्‍सुङ, तमा दाक्‍पु कोन्‍छ्‍योककी थोङ्‍दाङला टेङ्‍बु ङ्‍येतुपला खो ङोसु लासुङ।

रोमी 5:6

तुक क्‍यानी दाक्‍पु दिक्‍पी ओङला शोर्नी काङ साङ कि मुथुपुप पेला राङ येशू ख्रीष्‍ट दाक्‍पी दिक्‍पी थोक्‍ला टेके तुजेला टुङ्‍सुङ।

रोमी 5:8

यिने कोन्‍छ्‍योककी दाक्‍पु दिक्‍छेन वोसिनाङ दाक्‍पी दिक्‍पी थोक्‍ला येशू ख्रीष्‍ट टुङ च्‍यिनी खोकी दाक्‍पुला ङ्‍यिङ्‍ज्‍ये छ्‍या तेन्‍सुङ।

गलाती 2:20

ङ ख्रीष्‍ट ताङ मुला ग्‍यङ्‍शिङ लोला कलुप यिन। तुक क्‍यानी तन्‍दा ङे क्‍योङ्‍गुप मिजी ति ङे ति मिन, ख्रीष्‍टकी ति यिन। दी मिजी ति ङला ङ्‍यिङ्‍ज्‍ये क्‍यानी खोरे मिजी साङ ङे थोक्‍ला नङ्‍गुप कोन्‍छ्‍योककी सेवुला तेपा क्‍यानी क्‍योङ्‍गिवी।

एफिसी 5:2

येशू ख्रीष्‍टकी दाक्‍पुला ङ्‍यिङ्‍ज्‍ये क्‍या नङ्‍नी कोन्‍छ्‌योकला गा लङ्‍गुप बुल्‍वा ताङ जिन्‍बा च्‍युङ्‍नी दाक्‍पी दिक्‍पी थोक्‍ला टुङ्‍सुङ। तुक राङ क्‍यानी ख्‍यिराङ साङ च्‍यिककी च्‍यिकला ङ्‍यिङ्‍ज्‍ये की।

तीतस 2:14

ती ख्रीष्‍टकी राङ दाक्‍पुला रङगी तेरी दुक्‍टातिवा नेसुर थर ज्‍यितुपला खोरे मिजी साङ दाक्‍पी थोक्‍ला नाङ्‍सुङ। तमा लाका ल्‍यामु कितुप खक्‍छ्‍येवु मिरिक जोपला सेम टेङ्‍बु जो नाङ्‍सुङ।

हिब्रू 2:17

तुक क्‍यानी तेरी ताम्‍ङेला खो रङगी अच्‍युनुपतिवा दोके च्‍युङ गोसुङ। तमा मीतिवी क्‍यावु दिक्‍पी ठिलेन च्‍योलुपला खो कोन्‍छ्‍योकला शब्‍ज्‍यी बुलुप च्‍यम्‍बा ताङ खोङ्‍तेर्मु वोतुप कोङ्‍यार छ्‍ये च्‍युङ्‍सुङ।

हिब्रू 3:1

तुक क्‍यानी कोन्‍छ्‍योककी कताङ नङ्‍गुप चाङ्‍मा वोतुप अच्‍युनुपतिवा, दाक्‍पी ख्‍याप्‍टाक क्‍यावु लोमा छ्‍ये ताङ कोङ्‍यार छ्‍ये यिन्‍दुप येशूला नासाम तोङ।

हिब्रू 5:1

चुका कोङ्‍यार छ्‍ये साङ कोन्‍छ्‍योककी मीतिवा नेसुर बेकिवी। तमा मी छ्‍योक नेसुर कोन्‍छ्‍योककी थोक्‍ला तीकी दिक्‍पाकी थोक्‍ला बुल्‍वा ताङ सेम्‍ज्‍येन सेनी जिन्‍बा बुलुपकी थोक्‍ला ज्‍योकिवी।

हिब्रू 7:27

खो ति यम्‍बा कोङ्‍यार छ्‍येतिवा दोके मिन। यम्‍बा कोङ्‍यार छ्‍येतिवी खोरो दिक्‍पी थोक्‍ला ताङ ती ज्‍युक्‍ला मी यम्‍बी दिक्‍पी थोक्‍ला ङ्‍यिमी टेङ जिन्‍बा तोङ गोकिवी, यिने खो याङ थेङ्‍मा च्‍यिकला राङ खोरो मिजी ति जिन्‍बा च्‍युङ्‍सुङ।

हिब्रू 8:4

खो दी जम्‍बुलिङला राङ ज्‍यु वोतुप यिन्‍सियाङ कोङ्‍यार मुच्‍युङ्‍गिवी। च्‍यिलासिसिन मोशाकी टिवु कोन्‍छ्‍योककी ठिमला सुङ्‍गुप दोके बुल्‍वा बुलुप कोङ्‍यारतिवा याङ गोमा नेज्‍यु राङ वोतुप्‍जा।

हिब्रू 9:14

नरीकी नरी लुवु कोन्‍छ्‍योककी थु चाङ्‍माकी ओङला खुरुङ राङ क्‍येन मेतुप बुल्‍वा च्‍युङ्‍नी कोन्‍छ्‍योकला बुलुप ख्रीष्‍टकी ठककी याङ मङ छासे क्‍यानी शेप ते क्‍योलुप लाकातिवा नेसुर दाक्‍पी सेम ति टेङ्‍बु जोनी ङोसु वोतुप कोन्‍छ्‍योकला शब्‍ज्‍यी कि थुपुप मोजोवी रो?