हिब्रू 8:2 - कोन्छ्‌योककी सुङ

² ते खो तेरी सिनाङ चाङ्‍मा वोतुप दासाला कोङ्‍यार छ्‍येकी लाका कियी वे। ती दासा ति यहूदीतिवी कोन्‍छ्‍योकला सोवा देकुप कुर यिन। ती ति मीतिवी जोवु मिन, चोवो कोन्‍छ्‍योककी जो नङ्‍गुप वुतुङ्‍की चाङ्‍मा वोतुप दासा यिन।

हिब्रू 8:2 Iomraidhean Croise

लूका 24:44

ती ज्‍युक्‍ला खोकी तिवाला सुङ्‍सुङ, “ङे गोमाला ख्‍यिरा मुला वोतुप पेला ख्‍यिराङला ‘मोशाकी ठिम ताङ कोन्‍छ्‍योककी लुङ्‍तेम्‍बाकी थेप ताङ भजनसंग्रहकी थेपकी नाङ्‍ला ङे कोर्ला टिवु तेरी ताम्‍ङेतिवा छे राङ गोकिवी।’ सिनी सिक्‍या वे।”

रोमी 15:8

ङ ख्‍यिराङला सिरिन, येशू ख्रीष्‍टकी कोन्‍छ्‍योक टेङ्‍बु वोतुप छ्‍या देन्‍दुपला लावा दोके क्‍यानी दी जम्‍बुलिङला फेप्‍नी च्‍येतुप लुक्‍सु क्‍यावु यहूदीतिवाला शब्‍ज्‍यी क्‍यासुङ। तुक क्‍यासिमा कोन्‍छ्‍योककी दाक्‍पी पगावा हङ्‍गावाला थाक्‍छ्‍येन नङ्‍गुप पङ्‍बु ति छ्‍या तेन्‍सुङ।

२ कोरिन्थी 5:1

दाक्‍पुला छ्‍या वे, दाक्‍पी जु ति ती जम्‍बुलिङला देतुपला ग्‍यावु कुर दोके यिन। दी ति ना डिवी, यिने कोन्‍छ्‍योककी दाक्‍पुला जु सम्‍बा नङ्‍नी वे। ती ति देवाच्‍येनला नरीकी नरी देतुप खाङ्‍बा यिन। ती खाङ्‍बा ति मी लाक्‍पी जोवु मिन।

कलस्सी 2:11

ख्‍यिराङ खोला तेपा क्‍यानी यहूदी च्‍येतुप लुक्‍सु क्‍यावु यिन। ती च्‍येतुप लुक्‍सु ति मी लाक्‍पी क्‍यावु मिन, ख्रीष्‍ट नेमा राङ च्‍युङ्‍गुप यिन। ती ति ख्‍यिराङला वोतुप दिक्‍पाकी किताङ नालु क्‍युरुप यिन।

हिब्रू 10:11

तेरी कोङ्‍यारतिवा जिन्‍बा नम्‍बा च्‍यिक तिराङ येलुङ येलुङ बुलुपला ङ्‍यिमी टेङ शब्‍ज्‍यी कितुपला लानी देकिवी। यिने ती बुल्‍वाकी नाम्‍साङ दिक्‍पा ता ज्‍यि मुथुपी।

हिब्रू 10:21

कोन्‍छ्‍योककी मिछाङला दाक्‍पी थोक्‍ला चोछ्‍येवु कोङ्‍यार मिरा च्‍यिक वोतुप तप्‍की

हिब्रू 11:10

च्‍यिलासिसिन अब्राहामकी नरी लुवु खासा वोतुप ग्‍येसाकी थोक्‍ला रेवा क्‍यानी गु देनोक। ती ग्‍येसाकी थोक्‍ला नासाम तोङ्‍गुप ताङ जो नङ्‍गुप ति कोन्‍छ्‍योक राङ यिन।

हिब्रू 9:1

थल्‍माला कोन्‍छ्‍योक ताङ इस्राएलकी मीतिवा पर्ला थाक्‍छ्‍येतुप ताम्‍ङेला साङ कोन्‍छ्‍योकला सोवा देकुप कोर्ला ठिमतिवा नोक। तमा ती ठिमला वोतुप दोके सोवा देकुपला मीतिवी राङ जोवु चाङ्‍मा वोतुप कुर च्‍यिक नोक।

ज्‍यल्‍का 21:3

ती ज्‍युक्‍ला ग्‍येल्‍ठिक नेमा दुक सिनी वोरु थोर ग्‍यपुप ति ङे थोसुङ, “ल्‍होसा, तफेन्‍ला कोन्‍छ्‍योककी देसा ति मीतिवी मुला गिवी। तमा खो मीतिवी मुला ज्‍युकिवी। मीतिवा खोकी गिपा च्‍युङ्‍गिवी। खो खुरुङ मीतिवी मुला ज्‍युकिवी, तमा खो ति तिवी कोन्‍छ्‍योक च्‍युङ्‍गिवी।