हिब्रू 8:10 - कोन्छ्‌योककी सुङ

¹⁰ येलुङ चोवोकी दुक सुङ्‍सुङ, “ती तुजेकी ज्‍युक्‍ला ङ इस्राएलकी मीतिवी मुला थाक्‍छ्‍येवु ताम्‍ङे च्‍यिक जोयिनो। तिवी नासामला ङ ङे ठिम ति ज्‍याङ तेरिन, तमा तिवी सेमला ति दी ठिमतिवा टिकिनो। तमा ङ ति तिवी कोन्‍छ्‍योक यिनो, तिवा ति ङे ज्‍यिक्‍तेम्‍बातिवा यिनो।

हिब्रू 8:10 Iomraidhean Croise

मत्ती 22:32

कोन्‍छ्‍योककी ‘ङ अब्राहामकी कोन्‍छ्‍योक ताङ इसहाककी कोन्‍छ्‍योक ताङ याकूबकी कोन्‍छ्‍योक यिन।’ सिनी सुङ्‍सुङ। कोन्‍छ्‍योक ति शेप मीकी कोन्‍छ्‍योक मिन, यिने सेन्‍बु वोतुप मीकी कोन्‍छ्‍योक यिन।”

रोमी 11:27

येलुङ खोकी सुङ्‍गिवी, “ङे तिवी मुला थाक्‍छ्‍येवु ताम्‍ङे ति दी यिन। ङ तिवी दिक्‍पातिवा तेरी ता ज्‍यितिन।”

१ कोरिन्‍थी 6:16

छ्‍येमुतिवी मुला शम्‍डेन कितुप मी जु ति छ्‍येमु ताङ च्‍यिक्‍पा राङ डिवी सिरुप ति ख्‍यिराङला छ्‍या मे? च्‍यिलासिसिन कोन्‍छ्‍योककी सुङला साङ दुक सिनी टि वे, “तिवा ङ्‍यी ति जु च्‍यिक राङ डिवी।”

२ कोरिन्थी 3:3

वुतुङ के ख्‍यिराङ ति ख्रीष्‍टकी टिवु यिकी यिन। ती यिकी क्‍योलुप ति ङ्‍यिराङ राङ यिन। ती यिकी ति नक्‍ची थ्‍वोनी टिवु मिन, ङोसु वोतुप कोन्‍छ्‍योककी थु चाङ्‍माकी टिवु यिन। दे येम्‍ज्‍येला टिवु मिन, मी सेमला टिवु यिनो।

तीतस 2:14

ती ख्रीष्‍टकी राङ दाक्‍पुला रङगी तेरी दुक्‍टातिवा नेसुर थर ज्‍यितुपला खोरे मिजी साङ दाक्‍पी थोक्‍ला नाङ्‍सुङ। तमा लाका ल्‍यामु कितुप खक्‍छ्‍येवु मिरिक जोपला सेम टेङ्‍बु जो नाङ्‍सुङ।

हिब्रू 11:16

बोरु तिवी याङ ती सिनाङ मङ ल्‍यामु वोतुप देवाच्‍येनकी ग्‍येल्‍खापकी कोर्ला छासे नो क्‍यासुङ। तुक क्‍यानी कोन्‍छ्‍योककी तिवाला “ङ तिवी कोन्‍छ्‍योक यिन।” सिनी सुङ्‍गुपला ङोछा मिकिवी। वुतुङ के खोकी तिवी थोक्‍ला ग्‍येसा च्‍यिक टडिक क्‍यानी ज्‍याङ नङ्‍नी वे।

याकूब 1:18

तमा खोकी ज्‍येवु च्‍यालकतिवी नाङ्‍ला दाक्‍पु ति थल्‍माला गरुप डुप्‍सेन दोके जोपला खोकी टेङ्‍बु वोतुप सुङ नेमा खोकी नोवा नेसुर दाक्‍पुला जो नङ्‍गुप यिन।

याकूब 1:21

तुक क्‍यानी तेरी लाका मेटेङ्‍बु ताङ दुक्‍टा कितुप क्‍युर। तमा कुसु ज्‍यम्‍बु क्‍यानी ख्‍यिरा सेमला ज्‍यकुप कोन्‍छ्‍योककी सुङला मिजी क्‍योङ। ती कोन्‍छ्‍योककी सुङगी राङ ख्‍यिरा मिजी ति र्‍होक थुप्‍किवी।

१ पत्रुस 1:23

ख्‍यिराङ ति ङोसु वोतुप ताङ नरी लुवु कोन्‍छ्‍योककी सुङ नेसुर मिजी सम्‍बा ङ्‍येतुप यिनो। खोकी सुङ ति ना डोप मिन, यिने नाम्‍साङ ना मोडोवु यिन।

१ पत्रुस 2:9

यिने ख्‍यिराङ याङ तुकै मिन, ख्‍यिराङ ति कोन्‍छ्‍योककी पेन नङ्‍गुप गिपा ताङ खोकी ग्‍येल्‍खापकी कोङ्‍यार ताङ टेङ्‍बु वोतुप मिरिक ताङ कोन्‍छ्‍योककी खोरे मीतिवा यिन। खोकी ख्‍यिराङला नक्‍तोमी ने थेन्‍नी खोकी हलेवु वोसिरला टिन फेप्‍सुङ। तुक क्‍यानी ख्‍यिरा खोकी हलेवु लाकातिवा मी यम्‍बाला ख्‍याप्‍टाक कि थुप्‍शी।