हिब्रू 7:3 - कोन्छ्‌योककी सुङ

³ ती मल्‍कीसेदेककी पपाआमा ताङ पगावा हङ्‍गावातिवा सु यिन सिरुप ति कोन्‍छ्‍योककी सुङगी नाङ्‍ला कनी साङ टिनी मे। तमा खो क्‍येवु ताङ खो शेपकी कोर्ला साङ टिनी मे। यिने खो ति कोन्‍छ्‍योककी सेवु दोके क्‍यानी नरीकी थोक्‍ला कोङ्‍यार च्‍युङ्‍नी देकिवी।

हिब्रू 7:3 Iomraidhean Croise

मत्ती 4:3

ती पेला खोक्‍पा ल्‍हाप शैतान ति खोकी चाला वानी, “दोजो ख्‍युरुङ कोन्‍छ्‍योककी सेवु यिन्‍सिन दी दोतिवाला शुब्‍ज्‍याङला डोशी सिनी सी।” सिनी सिक्‍यासुङ।

हिब्रू 4:14

तुक क्‍यानी देवाच्‍येनला तेक्‍नी फेवु कोन्‍छ्‍योककी सेवु येशू ति चोछ्‍ये वोतुप तेरी सिनाङ कोङ्‍यार छ्‍ये यिन्‍दुप तप्‍की दाक्‍पी मीतिवी मिङ्‍गाला सेमला लानी तेन्‍तेन क्‍यावु तेपाला मङ रम्‍बु क्‍यानी देतुप।

हिब्रू 7:1

ती मल्‍कीसेदेक ति शालेमकी ग्‍येल्‍वु ताङ चोछ्‍येवु कोन्‍छ्‍योककी कोङ्‍यार यिनोक। अब्राहामकी ग्‍येल्‍वुतिवी मुला मक ग्‍यप्‍नी तिवी खला ग्‍येल्‍नी लोङ वुङ्‍गुप पेला तीकी अब्राहामला ठेनी मोलाम बिन्‍दुप यिन।

हिब्रू 7:17

तीकी कोर्ला कोन्‍छ्‍योककी सुङला साङ “ख्‍युरुङ ति मल्‍कीसेदेक दोके नरीकी नरी थोक्‍ला कोङ्‍यार यिनो।” सिनी टि वे।

हिब्रू 7:2

तमा अब्राहामकी साङ खोरो मक नेसुर ग्‍येल्‍नी खुर वावु तेरी च्‍यालकतिवी नाङ्‍ला छो च्‍यिथम्‍बी नाङ ने छो च्‍यिक ति मल्‍कीसेदेकला बुल्‍वा पुल्‍नोक। मल्‍कीसेदेक सिक्‍यावु तेन्‍दोक ति गोमाला टेङ्‍बुकी ग्‍येल्‍वु सिक्‍यावु यिन। तमा ती ज्‍युक्‍ला शालेमकी ग्‍येल्‍वु साङ च्‍युङ्‍गुप तप्‍की तीला लोदिमुकी ग्‍येल्‍वु सिक्‍यावु यिन।

हिब्रू 7:6

यिने मल्‍कीसेदेक याङ लेवीकी गिपा मिन। यिन्‍सिनाङ अब्राहाम नेसुर च्‍यिथम्‍बी नाङ ने च्‍यिक ति लासुङ। तमा कोन्‍छ्‍योककी थाक्‍छ्‍येन नङ्‍गुप ति थोपुप अब्राहामला तीकी मोलाम बिन्‍सुङ।