हिब्रू 7:2 - कोन्छ्‌योककी सुङ

² तमा अब्राहामकी साङ खोरो मक नेसुर ग्‍येल्‍नी खुर वावु तेरी च्‍यालकतिवी नाङ्‍ला छो च्‍यिथम्‍बी नाङ ने छो च्‍यिक ति मल्‍कीसेदेकला बुल्‍वा पुल्‍नोक। मल्‍कीसेदेक सिक्‍यावु तेन्‍दोक ति गोमाला टेङ्‍बुकी ग्‍येल्‍वु सिक्‍यावु यिन। तमा ती ज्‍युक्‍ला शालेमकी ग्‍येल्‍वु साङ च्‍युङ्‍गुप तप्‍की तीला लोदिमुकी ग्‍येल्‍वु सिक्‍यावु यिन।

हिब्रू 7:2 Iomraidhean Croise

मत्ती 1:23

“ल्‍होसा, जेन्‍दी माक्‍यावु पुम्‍पेजा यीला पुज्‍युङ यी क्‍येकितो, तमा मीतिवी खोला इम्‍मानुएल सिनी सिवितो।” दी इम्‍मानुएलकी तेन्‍दोक ति ‘कोन्‍छ्‍योक दाक्‍पी मुला ज्‍यु वे।’ सिक्‍यावु यिन।

लूका 2:14

“तेरी सिनाङ येर देवाच्‍येनला कोन्‍छ्‍योकला मोवा वुङ्‍शी, जम्‍बुलिङला कोन्‍छ्‍योककी सु सुला गा क्‍या वे, तिवाला लोदिमु वुङ्‍शी।”

रोमी 3:26

खोकी हम क्‍यानी पर्च्या माताङ्‍नी तन्‍दा दी कल्‍वाला टेङ्‍बु वोतुप छ्‍या तेन्‍दुप तेन्‍दोक ति खो टेङ्‍बु वोतुप ताङ येशूला तेपा कितुपतिवा तेरी टेङ्‍बु वोतुप ति मीतिवाला हाक्‍को ज्‍यितुपला यिन।

हिब्रू 7:1

ती मल्‍कीसेदेक ति शालेमकी ग्‍येल्‍वु ताङ चोछ्‍येवु कोन्‍छ्‍योककी कोङ्‍यार यिनोक। अब्राहामकी ग्‍येल्‍वुतिवी मुला मक ग्‍यप्‍नी तिवी खला ग्‍येल्‍नी लोङ वुङ्‍गुप पेला तीकी अब्राहामला ठेनी मोलाम बिन्‍दुप यिन।

हिब्रू 7:3

ती मल्‍कीसेदेककी पपाआमा ताङ पगावा हङ्‍गावातिवा सु यिन सिरुप ति कोन्‍छ्‍योककी सुङगी नाङ्‍ला कनी साङ टिनी मे। तमा खो क्‍येवु ताङ खो शेपकी कोर्ला साङ टिनी मे। यिने खो ति कोन्‍छ्‍योककी सेवु दोके क्‍यानी नरीकी थोक्‍ला कोङ्‍यार च्‍युङ्‍नी देकिवी।