हिब्रू 6:3 - कोन्छ्‌योककी सुङ

³ दोजो कोन्‍छ्‍योककी नोवा वोसुङ सिसिन दाक्‍पु ती तेरी येन्‍देनतिवा मङ रम्‍बु हाक्‍कोवु च्‍युङ्‍गिवी।

हिब्रू 6:3 Iomraidhean Croise

लोमा छ्‍येतिवी लाका 18:21

तमा तिवी मुला क्‍येनी डोप पेला पावलकी तिवाला “कोन्‍छ्‍योककी नोवा वोसिन ङ येलुङ ख्‍यिरा ते लोङ वुङ्‍गुप्‍नो।” सिनी एफिसस नेसुर टुला जेनी गाल्‍सुङ।

रोमी 15:32

तमा कोन्‍छ्‍योककी नोवा वोसिन ङ ख्‍यिरा ते वासिमा ख्‍यिरा मुला सेम गा क्‍यानी च्‍यिककी च्‍यिकला टोङ्‍गु तेर थुप्‍शी सिनी मोपोर क्‍या नाङ।

१ कोरिन्‍थी 16:7

दी पाला ङ ख्‍यिरा ते उकुर च्‍यिक तिराङ ठेतुपला वुङ्‍गुप मिन, यिने कोन्‍छ्‍योककी नोवाला वोसिन ख्‍यिरा मुला चेयी पर सेक देतुप नो वे।

१ कोरिन्‍थी 4:19

यिने कोन्‍छ्‍योककी नोवा वोसिन, ङ ख्‍यिरा ते टिम्‍बु राङ वुङ्‍गुप्‍नो। तमा छ्‍येजु कितुपतिवी ताम्‍ङे ति कोन्‍छ्‍योककी ङार नेमा वावु यिनोक मिनोक सिनी ङ हाक्‍कोवा कितिन।

हिब्रू 6:4

च्‍यिलासिसिन सी थेङ्‍मा यी कोन्‍छ्‍योककी सुङ टेङ्‍बु थोवु ताङ देवाच्‍येनकी कटिन हाक्‍को वे, तमा कोन्‍छ्‍योककी थु चाङ्‍मा थोप्‍नी वे,

याकूब 4:15

ख्‍यिरा तुक सिरुप छोलेयाङ बोरु “कोन्‍छ्‍योककी नोवा वोसिन, दाक्‍पु सेन्‍बु देनी दुकै कितुप तुकै कितुप।” सिनी सि गोकिवी।