हिब्रू 5:2 - कोन्छ्‌योककी सुङ

² ती कोङ्‍यार छ्‍ये तीकी खोरो साङ दिक्‍पा कि थुप्‍किवी। ती तप्‍की टेङ्‍बुला ङो माशेनी लाम नोरुपतिवाला तीकी कुसु ज्‍यम्‍बु क्‍यानी टोङ्‍गु तेर थुप्‍किवी।

हिब्रू 5:2 Iomraidhean Croise

लूका 22:32

यिने सिमोन, ख्‍योरो तेपा ति मोतोर्शी सिनी ङे मोपोर क्‍यायिन। ख्‍युरुङ येलुङ लोक्‍नी वुङ्‍गुप पेला ख्‍योरो तेपा कितुप अच्‍युनुपतिवाला रम्‍बु जोसा।”

२ कोरिन्थी 11:30

ङे तेके राङ कि गोसिन ङला ङार मेतुपकी थोक्‍ला राङ तेके किवी।

२ कोरिन्थी 12:5

ङ ती मी तीकी कोर्ला तेके क्‍यानी सि थुप्‍किवी, यिने ङरा थोक्‍ला ति ङार मेतुप कोर्ला मिसिन ज्‍येन ताम्‍ङेला तेके मिकी।

गलाती 4:13

ङ अमोछ्‍यो वोतुप तप्‍की ङे ख्‍यिराङला थल्‍माला लेन ल्‍यामु ख्‍याप्‍टाक क्‍यावु ति छ्‍या राङ वे।

एफिसी 4:18

तिवी सेम क्‍योङ्‍बु गल्‍नी नक्‍तोमी गलुप तप्‍की तिवी कोन्‍छ्‌योककी टेङ्‍बु हाक्‍माकोनी खोकी नङ्‍गुप मिजी ति तिवी माङ्‍ये वे।

१ तिमोथी 1:13

गोमाला याङ ङे खोला मारे तङ्‍नी तेपा कितुपतिवाला दुक्‍पा बिन्‍नी ङ्‍यप्‍च्‍ये क्‍यायिन। ती ति ङे खोला तेपा माक्‍यावु पेला हाक्‍माकोनी क्‍यावु तप्‍की तन्‍दा खोकी ङला च्‍यम्‍बा नाङ्‍सुङ।

हिब्रू 12:13

तमा ख्‍यिराङ युकुप लाम ति थेकाङ जोसा, तुक क्‍यासिन काङ्‍बा रम्‍बु मेतुपतिवी काङ्‍बी छिङ्‍गुर ति मोटोल्‍शी, यिने टेक्‍शी।

हिब्रू 2:17

तुक क्‍यानी तेरी ताम्‍ङेला खो रङगी अच्‍युनुपतिवा दोके च्‍युङ गोसुङ। तमा मीतिवी क्‍यावु दिक्‍पी ठिलेन च्‍योलुपला खो कोन्‍छ्‍योकला शब्‍ज्‍यी बुलुप च्‍यम्‍बा ताङ खोङ्‍तेर्मु वोतुप कोङ्‍यार छ्‍ये च्‍युङ्‍सुङ।

हिब्रू 2:18

खो खोरे साङ बङी शैतानकी खोक्‍पा ल्‍हापला ख्‍येल्‍नी दुक्‍पा खुरुप तप्‍की त याङ खोक्‍पा ल्‍हापला ख्‍येलुपतिवाला खोकी दाल्‍जा किटे क्‍या नङ्‍गिवी।

हिब्रू 4:15

खो दाक्‍पुला छेटाङ दुङल ख्‍येलुप पेला टोङ्‍गु तेर मुथुपुप कोङ्‍यार छ्‍ये मिन। च्‍यिलासिसिन खो ति दाक्‍पु दोके तेरी ताम्‍ङेला शैतानकी खोक्‍पा ल्‍हापला ख्‍येल्‍सुङ, यिन्‍सिनाङ खोकी दिक्‍पा माक्‍यासुङ।

हिब्रू 7:28

मोशाकी ठिमकी याङ खोकी सुङ्‍गुप दोके कि मुथुपुप मीतिवाला कोङ्‍यार छ्‍ये सिनी चिसुङ, यिने ती ठिमकी ज्‍युक्‍ला वावु कोन्‍छ्‍योककी थाक्‍छ्‍येन नङ्‍गुप सुङगी नरीकी थोक्‍ला खोकी सुङ्‍गुप दोके वुतुङ के तेरी क्‍या नङ्‍गुप खोरे पुज्‍युङला पेन नाङ्‍सुङ।

हिब्रू 9:7

यिने जे ङ्‍यिवी नाङ्‍ला ति कोङ्‍यार छ्‍ये तिराङ लोला थेङ्‍मा च्‍यिक ठक खुर्नी डिनोक। ठक माखुर्सिन ती नाङ्‍ला शुक मुथुप्‍नोक। ती ठक ति खोरो दिक्‍पी थोक्‍ला ताङ मीतिवी हाक्‍माकोनी क्‍यावु दिक्‍पी थोक्‍ला जिन्‍बा बुलुपला यिन।

याकूब 5:19

अच्‍युनुपतिवा, ख्‍यिरा पर्ला ललाइकी कोन्‍छ्‍योककी सुङला युकुप क्‍युर्नी ज्‍याक्‍सिन तीला येलुङ लोक्‍नी टि शोक।

१ पत्रुस 2:25

च्‍यिलासिसिन तोङ्‍ला ख्‍यिराङ ख्‍यम्‍नी गलुप लुकतिवा दोके यिन, यिने त याङ ख्‍यिरा सेम ल्‍हाटे कितुप गोठाला दोके यिन्‍दुप ताङ ख्‍यिराङला र्‍होकुप येशू ख्रीष्‍टकी ते ख्‍यिराङ लोक्‍नी वा वे।