हिब्रू 4:9 - कोन्छ्‌योककी सुङ

⁹ तुक क्‍यानी कोन्‍छ्‍योककी मीतिवी थोक्‍ला ङप्‍सु लङ्‍गुप ति लुनी वे।

हिब्रू 4:9 Iomraidhean Croise

मत्ती 1:21

मरियमला पुज्‍युङ यी क्‍येकितो, ख्‍योरो तीकी मिङ ति येशू सिनी तोसा। च्‍यिलासिसिन खोकी खोरो मीतिवाला दिक्‍पा ने थर ज्‍यिकितो।”

तीतस 2:14

ती ख्रीष्‍टकी राङ दाक्‍पुला रङगी तेरी दुक्‍टातिवा नेसुर थर ज्‍यितुपला खोरे मिजी साङ दाक्‍पी थोक्‍ला नाङ्‍सुङ। तमा लाका ल्‍यामु कितुप खक्‍छ्‍येवु मिरिक जोपला सेम टेङ्‍बु जो नाङ्‍सुङ।

हिब्रू 11:25

बोरु दिक्‍पा क्‍यानी चेयी पर सेक तिराङ किर्मु कितुप सिनाङ कोन्‍छ्‍योककी पेतुप मीतिवी मुला दुक्‍पा खुरुप राङ मङ ल्‍यामु यिन सिनी नोक्‍यासुङ।

हिब्रू 3:11

तुक क्‍यानी खो ङ्‍यिर्मु लानी तिवाला दुक सिनी न क्‍याल्‍सुङ, ‘ङे ङासोप दासाला तिवा नाम्‍साङ शुकुप मेङ्‍येवी।’”

हिब्रू 4:1

दाक्‍पुला कोन्‍छ्‍योककी ङप्‍सु ङ्‍येतुपला थाक्‍छ्‍येतुप ति तन्‍दा साङ लुनी वे। तुक क्‍यानी दाक्‍पु च्‍यक्‍पु कितुप। तमा ख्‍यिराङ सु साङ ती ङासोप दासाला शुकुप मेङ्‍येवु मोडोशी।

हिब्रू 4:10

कोन्‍छ्‍योककी खोरे छ्‍यक्‍लेन नेसुर ङप्‍सु तङ्‍गुप दोके खोकी ङप्‍सु ङ्‍येतुप मीतिवी साङ खोप्‍रे लाका नेसुर ङप्‍सु ङ्‍येकिवी।

हिब्रू 4:3

त याङ दाक्‍पु तेपा कितुपतिवा ति कोन्‍छ्‍योककी थाक्‍छ्‍येन नङ्‍गुप ङासोपकी दासाला शुकुप ङ्‍येकिवी। यिने तेपा मिकिवु मीतिवी कोर्ला खोकी दुक सुङ्‍नी वे, “ङला ङ्‍यिर्मु लानी तिवाला दुक सिनी न क्‍यलिन, ‘ङे ङप्‍सुला तिवा नाम्‍साङ शुकुप मेङ्‍येवी।’” जम्‍बुलिङ ज्‍येनी सिन्‍दुप पेला नेज्‍यु कोन्‍छ्‍योककी ती ङासोप टडिक क्‍या नङ्‍गुप ति छेसिनाङ खोकी तुक सुङ्‍सुङ।

हिब्रू 4:8

दोजो यहोशूकी इस्राएलकी मीतिवाला कोन्‍छ्‍योककी थाक्‍छ्‍येन नङ्‍गुप ङप्‍सुला क्‍यलुप यिन्‍सिन खोकी ज्‍युक्‍ला वुङ्‍गुप यम्‍बा ङ्‍यिमाकी कोर्ला मुसुङ्‍गुप ति यिन्‍जा।

१ पत्रुस 2:10

गोमाला ख्‍यिराङ सी गिपा साङ मिनोक, यिने त याङ ख्‍यिराङ खोकी गिपा च्‍युङ वे। गोमाला याङ ख्‍यिराङला खोकी च्‍यम्‍बा माथोप वे, यिने त याङ ख्‍यिराङला खोकी च्‍यम्‍बा थोप्‍नी वे।

ज्‍यल्‍का 14:13

ती ज्‍युक्‍ला देवाच्‍येन नेमा दुक सिरुप वोरु यी ङे थोसुङ, “दी ताम्‍ङे टिसा! तफेन्‍ला सी चोवो येशूला तेपा क्‍यानी शिवे, तिवा मोलाम थोपुप यिनो।” तमा कोन्‍छ्‍योककी थु चाङ्‍माकी दुक सुङ्‍गिवी, “ती ताम्‍ङे ति टेके यिन। तिवी लाका ल्‍यामु क्‍यावु तप्‍की तिवाला ङासोप ङ्‍येकिवी। तिवी क्‍यावु लाका ति कोन्‍छ्‍योककी टेन्‍सो क्‍या नङ्‍गिवी।”

ज्‍यल्‍का 21:4

खोकी मीतिवी मिक नेसुर मिक्‍च्‍युर तेरी पिनी तेर्किवी। तमा तिवा येलुङ नाम्‍साङ मिशिवी। सेम क्‍योके कितुप ताङ ङोप ताङ दुङल साङ मेवी। च्‍यिलासिसिन ती जम्‍बुलिङकी ताम्‍ङे ङि्‍यङ्‍बातिवा तेरी तोर्नी गाल।”