हिब्रू 4:2 - कोन्छ्‌योककी सुङ

² दाक्‍पी हङ्‍गावातिवाला दोके दाक्‍पुला साङ लेन ल्‍यामु सिक्‍यानी वे। यिने तिवाला सिक्‍यावु सुङ ति तेर्मेला गाल वे। च्‍यिलासिसिन तिवी ती लेन ल्‍यामु थोसिनाङ तेपा माक्‍या।

हिब्रू 4:2 Iomraidhean Croise

लोमा छ्‍येतिवी लाका 13:46

यिने पावल ताङ बारनाबासकी ङाडेङ क्‍यानी सिक्‍यासुङ, “कोन्‍छ्‍योककी सुङ ति थल्‍माला ख्‍यिराङ यहूदीतिवाला राङ ख्‍याप्‍टाक कि गोवु ति यिन्‍जा। यिने ख्‍यिरा दी सुङला माङ्‍येन्‍नी नाम्‍साङ मिशिवु मिजी ङ्‍ये छ्‍योवु मेतुप तप्‍की ङ्‍यिराङ यहूदी मिन्‍दुप मिरिक यम्‍बाकी मीतिवी ते डिवी।

लोमा छ्‍येतिवी लाका 3:26

ख्‍यिराङ रे रेला ख्‍यिरा क्‍यावु लाका दुक्‍टा नेमा ग्‍युर च्‍यिनी मोलाम नङ्‍गुपला कोन्‍छ्‍योककी खोरुङला शब्‍ज्‍यी बुलुप मी यी पेसुङ। पेसिमा तेरी सिनाङ गोमाला तीला ख्‍यिरा ते ताङ्‍सुङ।”

रोमी 2:25

दोजो ख्‍युरुङ कोन्‍छ्‍योककी नङ्‍गुप ठिमला युकिवी सिसिन यहूदीतिवी च्‍येतुप लुक्‍सु तेन्‍दुप साङ तेन्‍दोक वे, यिने ठिम मातेन्‍सुङ सिसिन च्‍येतुप लुक्‍सु तेन्‍दुप साङ तेन्‍दोक मे। ख्‍युरुङ ति यहूदी मिन्‍दुप मिरिक यम्‍बाकी मीतिवा दोके राङ यिन।

रोमी 3:3

दोजो तिवा ललाइकी ती सुङला तेपा माक्‍यासिन तिवी तेपा माक्‍यावु तप्‍की कोन्‍छ्‍योक ति खोङ्‍तेर्मु मेतुप कोन्‍छ्‍योक यिन रो?

१ कोरिन्‍थी 13:3

दोजो ङे मुला वोतुप नोर टोङ्‍बातिवा तेरी पेराङ्‍बुतिवाला गोनी बिनिन, तमा मीतिवाला छ्‍या देन्‍दुपला ङे जु तिरुङ मेला र्‍हेकुपला बिन्‍सिनाङ ङे सेमला ङ्‍यिङ्‍ज्‍ये मेसिन ङला काङ साङ ख्‍येप्‍साङ मेङ्‍गिवी।

गलाती 3:2

ङ ख्‍यिराङला ताम्‍ङे यी टेयिन। ती ति काङ यिन सिसिन, ख्‍यिरा कोन्‍छ्‍योककी थु चाङ्‍मा ति मोशाकी ठिमकी लाका क्‍यानी थोपुप यिन की, कोन्‍छ्‍योककी सुङला तेपा क्‍यानी थोपुप यिन?

गलाती 3:8

खोकी सुङला खोरे राङ यहूदी मिन्‍दुप मिरिक यम्‍बाकी मीतिवाला तिवी क्‍यावु तेपा नेसुर टेङ्‍बु च्‍युङ्‍गुप ति गोमाला के हाक्‍कोसिमा “ख्‍युरुङ नेसुर राङ तेरी गिपातिवाला मोलाम थोप्‍किवी।” सिनी अब्राहामला गोमाला के सुङ्‍नी वे।

गलाती 4:13

ङ अमोछ्‍यो वोतुप तप्‍की ङे ख्‍यिराङला थल्‍माला लेन ल्‍यामु ख्‍याप्‍टाक क्‍यावु ति छ्‍या राङ वे।

१ थेसलोनिकी 1:5

च्‍यिलासिसिन ङ्‍यिरा ख्‍याप्‍टाक क्‍यावु लेन ल्‍यामु ति ख्‍यिरा ते सुङला तिराङ बिन्‍दुप मिन, यिने ओङ ताङ कोन्‍छ्‍योककी थु चाङ्‍मा नेमा तेन्‍तेन क्‍यानी बिन्‍दुप यिन। ङ्‍यिराङ ख्‍यिरा पर्ला वोतुप पेला चुक क्‍यानी ख्‍यिराङला दाल्‍जा किटे क्‍यासुङ सिरुप ति ख्‍यिराङला राङ छ्‍या वे।

१ थेसलोनिकी 2:13

तुक क्‍यानी ख्‍यिरा थोक्‍ला ङ्‍यिराङ कोन्‍छ्‍योकला नरी थुचिछे बुलिन। च्‍यिलासिसिन ख्‍यिरा सुङ ङ्‍येन्‍दुप पेला मी सुङ दोके क्‍यानी मिन, यिने कोन्‍छ्‍योककी सुङ दोके क्‍यानी सेमला लासुङ। वुतुङ के ती सुङगी ख्‍यिराङ तेपा कितुपतिवी मिजीला लाका साङ कियी वे।

१ तिमोथी 4:8

च्‍यिलासिसिन जुकी थोक्‍ला तालिम क्‍यावु ति चेयी तिराङ फेन थोकिवी। यिने कोन्‍छ्‍योककी थोक्‍ला तालिम क्‍यावु ति तेरी ताम्‍ङेला फेन थोकिवी, तमा ज्‍युक्‍थमाला कोन्‍छ्‍योककी थाक्‍छ्‍येन नङ्‍गुप नाम्‍साङ मिशिवु मिजी थोप्‍किवी।

हिब्रू 11:6

यिने कोन्‍छ्‍योकला तेपा माक्‍यासिन सी साङ खोला गा लोङ मुथुपी। सु खोकी चाला वुङ्‍गिवे, तीकी कोन्‍छ्‍योक ज्‍यु वोतुप ताङ खोला छोलुपतिवाला खोकी छ्‍यक्‍तक नङ्‍गिवी सिनी तेपा कि गोकिवी।

हिब्रू 3:12

अच्‍युनुपतिवा, च्‍यक्‍पु किसा। ख्‍यिराङ सु साङ तेपा मिकिवु सेम दिक्‍छेन गल्‍नी ङोसु वोतुप कोन्‍छ्‍योकला क्‍युर्नी माज्‍योका।

हिब्रू 4:6

तोङ्‍ला लेन ल्‍यामु थोवुतिवी दी लेन ल्‍यामुला माङ्‍येन्‍दुप तप्‍की खोकी ङप्‍सुला शुकुप माङ्‍ये। यिने ललाइ ति तरोङ साङ ती ङप्‍सुला शुकुप लुनी वे।

याकूब 1:21

तुक क्‍यानी तेरी लाका मेटेङ्‍बु ताङ दुक्‍टा कितुप क्‍युर। तमा कुसु ज्‍यम्‍बु क्‍यानी ख्‍यिरा सेमला ज्‍यकुप कोन्‍छ्‍योककी सुङला मिजी क्‍योङ। ती कोन्‍छ्‍योककी सुङगी राङ ख्‍यिरा मिजी ति र्‍होक थुप्‍किवी।

१ पत्रुस 1:12

कोन्‍छ्‍योककी लुङ्‍तेम्‍बातिवी नम्‍दर शेतुप ताम्‍ङे ति खोप्‍रे थोक्‍ला मिन, यिने ख्‍यिरा थोक्‍ला यिन। दी ताम्‍ङे ति देवाच्‍येन नेमा तङ्‍गुप कोन्‍छ्‍योककी थु चाङ्‍मा नेमा ख्‍यिराङला लेन ल्‍यामु ख्‍याप्‍टाक कितुपतिवी तसाम ख्‍यिराङला सिक्‍यावु यिन। ती ताम्‍ङे ति देवाच्‍येनकी लेन क्‍योलुप थुतिवी साङ छासे ल्‍हाप गा किवी।