हिब्रू 4:11 - कोन्छ्‌योककी सुङ

¹¹ ती तप्‍की दाक्‍पु साङ खोकी ङप्‍सु ङ्‍येतुपला अछ्‍योता सेक टेमु कितुप। तुक क्‍यानी दाक्‍पु सु साङ तेपा माक्‍यानी खोकी कला मेङ्‍येन्‍दुप मीतिवा दोके तेन्‍नी मोतोङ्‍शी।

हिब्रू 4:11 Iomraidhean Croise

मत्ती 11:12

बप्‍तिस्‍मा तेरुप यूहन्‍नाकी ख्‍याप्‍टाक कितुप पे नेज्‍युनी तन्‍दा सेक कोन्‍छ्‍योककी ग्‍येल्‍खापला उर्च्युम ग्‍यकिन वे, तमा कशेन उर्च्युम ग्‍यकुपतिवाला ती ति ङ्‍येकिवी।

मत्ती 7:13

“गो गच्‍चा नाङ्‍ला शु। ङ्‍येलाला क्‍योलुप गो ति ठोल्‍मु वे, तमा ते डोप लाम ति जोल्‍हमु वे। ती तप्‍की ती नाङ्‍ला शुकुप मीतिवा बङी वे।

लूका 13:24

“गच्‍चा वोतुप गो नेमा शुकुपला हुर्ताक की। ङ ख्‍यिराङला सिरिन, मी बङी ती नाङ्‍ला शुकुप छल्‍सिनाङ शुक मुथुपी।

लूका 16:16

“मोशाकी ठिम ताङ कोन्‍छ्‍योककी लुङ्‍तेम्‍बातिवी येन्‍देनला तेन्‍दुप ति बप्‍तिस्‍मा तेरुप यूहन्‍ना वुङ्‍गुप सेक तिराङ यिन। ती ज्‍युक्‍ला ति कोन्‍छ्‍योककी ग्‍येल्‍खापकी लेन ल्‍यामु ति ख्‍याप्‍टाक कियी नोक, तमा तेरी मीतिवा ती नाङ्‍ला उर्च्युम ग्‍यप्‍नी शुकिनोक।

यूहन्‍ना 6:27

ख्‍यिराङ रुल्‍नी डोप समी थोक्‍ला लाका माकी, बोरु नाम्‍साङ मिशिवु मिजी तेरुप समी थोक्‍ला लाका की। ती मिजी ति ङ मी पुज्‍युङकी ख्‍यिराङला तेर्किवी, च्‍यिलासिसिन पपा कोन्‍छ्‍योककी ती मिजी तेरुप ओङ ति ङला नाङ्‍सुङ।”

लोमा छ्‍येतिवी लाका 26:19

ती तप्‍की ओ ग्‍येल्‍वु अग्रिपास, देवाच्‍येन नेमा सुङ्‍गुप ताम्‍ङेला ङे ङ्‍येनिन।

एफिसी 2:2

ती पेला दी जम्‍बुलिङ ताङ शैतानकी ओङ्‍ज्‍येनला वोतुप मीतिवी दोके ख्‍यिरा साङ लाका मेलोक्‍पा क्‍यासुङ। ती शैतानकी राङ तन्‍दा साङ कोन्‍छ्‌योककी सुङ मेङ्‍येन्‍दुप तिवी खला ओङ्‍ज्‍येन किवी।

एफिसी 5:6

सी साङ ख्‍यिराङला ताम्‍ङे मेशोलोक लाप्‍नी जिनोक मोजोशी, च्‍यिलासिसिन ती ताम्‍ङेकी जोसालेन्‍सिन कोन्‍छ्‌योककी सुङ मेङ्‍येन्‍दुपतिवी खला खोकी पर्च्या फोकिवी।

फिलिप्पी 2:12

ती तप्‍की ङे ङ्‍यिङ्‍ज्‍येवु अच्‍युनुपतिवा, ङ ख्‍यिरा मुला वोतुप पेला ख्‍यिरा ङे खला ङ्‍येन्‍सुङ। ती दोके त ङ मेतुप पेला मङ ङे ताम्‍ङे ङ्‍येन्‍नी सेमला ज्‍यिवा खुर्नी कोन्‍छ्‍योकला ताङ्‍देन क्‍यानी खोरुङ दिक्‍पा ने थरुप लाका तेरी सिन्‍दा कितुपला टेमु किसा।

कलस्सी 3:6

ती ताम्‍ङेतिवी जोसालेन्‍सिन कोन्‍छ्‍योककी पर्च्या ति खोकी कला मेङ्‍येन्‍दुपतिवाला ख्‍येल्‍गिवी।

तीतस 1:16

तिवा कोन्‍छ्‍योकला ङो शेकिवी सिनी सिरुप याङ सिवी, यिने रङगी किताङ नेसुर खोला मारे तोङ्‍गिवी। तिवा दुक्‍टा ताङ खोकी सुङला मेङ्‍येन्‍दुप गिवी। तमा काङ साङ लाका टेङ्‍बु कि छ्‍योवु मेङ्‍गिवी।

तीतस 3:3

च्‍यिलासिसिन येशूला तेपा कितुप गोमाला ङ्‍यिराङ साङ हम्‍बा कितुप ताङ अम्‍बारङ्‍शिङ कितुप ताङ थङ्‍गी कितुप ताङ शम्‍डेन कितुप ताङ किर्मु तिराङ छोलुप ताङ ठतोक कितुप ताङ मीतिवी ङ्‍यिङ्‍मर क्‍यावु ताङ च्‍यिककी च्‍यिकला ङ्‍यिङ्‍मर कितुप वोतुप्‍जा।

हिब्रू 3:12

अच्‍युनुपतिवा, च्‍यक्‍पु किसा। ख्‍यिराङ सु साङ तेपा मिकिवु सेम दिक्‍छेन गल्‍नी ङोसु वोतुप कोन्‍छ्‍योकला क्‍युर्नी माज्‍योका।

हिब्रू 3:18

तमा सुला “ङे ङासोप दासाला शुकुप मेङ्‍येवी।” सिनी कोन्‍छ्‍योककी न क्‍यल वे? काङ खोकी सुङ्‍गुप सुङला मेङ्‍येन्‍दुप मीतिवी थोक्‍ला राङ सुङ्‍गुप मिन रो?

हिब्रू 4:6

तोङ्‍ला लेन ल्‍यामु थोवुतिवी दी लेन ल्‍यामुला माङ्‍येन्‍दुप तप्‍की खोकी ङप्‍सुला शुकुप माङ्‍ये। यिने ललाइ ति तरोङ साङ ती ङप्‍सुला शुकुप लुनी वे।

हिब्रू 6:11

ख्‍यिराङ रे रेकी रेवा क्‍यावु ति तेरी च्‍युङ्‍गुपला तुक क्‍यावु ति तिङ्‍ला सेक तुकै राङ क्‍यानी देकिवी सिरुप ति ङ्‍यिरा नोवा वे।

२ पत्रुस 2:6

येलुङ खोकी सदोम ताङ गमोरा ग्‍येसातिवाला मे थ्‍वोनी ना डो च्‍यिसुङ। तमा ती ग्‍येसाकी मिराप तेरी तोर्नी डो च्‍यिसुङ। तमा खोकी सुङला मुयुकुप मीतिवाला खोकी चुक क्‍यानी ना तोङ्‍गिनोक सिरुप येन्‍देन बिन्‍सुङ।