हिब्रू 4:10 - कोन्छ्‌योककी सुङ

¹⁰ कोन्‍छ्‍योककी खोरे छ्‍यक्‍लेन नेसुर ङप्‍सु तङ्‍गुप दोके खोकी ङप्‍सु ङ्‍येतुप मीतिवी साङ खोप्‍रे लाका नेसुर ङप्‍सु ङ्‍येकिवी।

हिब्रू 4:10 Iomraidhean Croise

यूहन्‍ना 19:30

खोकी ती गुन्‍डुम छ्‍याङ क्‍युर्वु ति चेयी च्‍यिप क्‍यासिमा, “त याङ ङे लाका तेरी सिन्‍सुङ।” सिनी सुङ्‍सुङ। तमा खोकी गो कुक क्‍यानी उ छ्‍येसुङ।

हिब्रू 1:3

खोकी सेवुकी कोन्‍छ्‍योककी मोवा छासे चोछ्‍येवु वोतुप ति छ्‍या देन्‍गिवी, तमा खो ति वुतुङ के कोन्‍छ्‍योक दोके राङ यिन। खोकी खोरो ङार छ्‍येवु सुङ नेसुर राङ स ताङ नामगी तेरी च्‍यालकतिवी खला ग्‍येला किवी। मीतिवाला दिक्‍पा ने थरुप लाका सिन्‍सिमा खो देवाच्‍येनला चोछ्‍येवु कोन्‍छ्‍योककी छ्‍याक यावी थाकाला ज्‍यु वे।

हिब्रू 10:12

यिने ख्रीष्‍टकी याङ थेङ्‍मा च्‍यिकला नरीकी थोक्‍ला खोरुङ राङ जिन्‍बा च्‍युङ्‍सुङ। तमा खो कोन्‍छ्‍योककी यावी थाकाला ज्‍युसुङ।

हिब्रू 4:9

तुक क्‍यानी कोन्‍छ्‍योककी मीतिवी थोक्‍ला ङप्‍सु लङ्‍गुप ति लुनी वे।

ज्‍यल्‍का 14:13

ती ज्‍युक्‍ला देवाच्‍येन नेमा दुक सिरुप वोरु यी ङे थोसुङ, “दी ताम्‍ङे टिसा! तफेन्‍ला सी चोवो येशूला तेपा क्‍यानी शिवे, तिवा मोलाम थोपुप यिनो।” तमा कोन्‍छ्‍योककी थु चाङ्‍माकी दुक सुङ्‍गिवी, “ती ताम्‍ङे ति टेके यिन। तिवी लाका ल्‍यामु क्‍यावु तप्‍की तिवाला ङासोप ङ्‍येकिवी। तिवी क्‍यावु लाका ति कोन्‍छ्‍योककी टेन्‍सो क्‍या नङ्‍गिवी।”

ज्‍यल्‍का 6:11

तमा ती ज्‍युक्‍ला तिवा तेरीला मज्‍या कर्मु रे रे बिन्‍नी दुक सिक्‍यासुङ, “ख्‍यिरा मुला शब्‍ज्‍यी कितुप मीतिवा ताङ तेपा कितुप अच्‍युनुपतिवा साङ ख्यिराङला सेतुप दोके तेरी शिनी टङ्‍गा माछेवा सेक ङासोनी देता।”