हिब्रू 4:1 - कोन्छ्‌योककी सुङ

¹ दाक्‍पुला कोन्‍छ्‍योककी ङप्‍सु ङ्‍येतुपला थाक्‍छ्‍येतुप ति तन्‍दा साङ लुनी वे। तुक क्‍यानी दाक्‍पु च्‍यक्‍पु कितुप। तमा ख्‍यिराङ सु साङ ती ङासोप दासाला शुकुप मेङ्‍येवु मोडोशी।

हिब्रू 4:1 Iomraidhean Croise

मत्ती 24:48

यिने दोजो ती लावा ति मेलोवा वे, तमा तीकी खोरो सेमला ‘ङे ज्‍यिन्‍दाक याङ फिमु गिते।’ सिनी नासाम तोङ्‍यिन सिरा

लोमा छ्‍येतिवी लाका 3:19

ती तप्‍की ‘ङ दिक्‍छेन यिनोक’ सिनी सेम ग्‍युर्नी कोन्‍छ्‍योककी थाकाला ग्‍युर! तुक क्‍यासिन खोकी ख्‍यिरा दिक्‍पा ता च्‍यिनी लोदिमु नङ्‍गिवी।

रोमी 11:20

ती ताम्‍ङे ति टेङ्‍बु राङ यिन। यहूदीतिवी तेपा माक्‍यावु तप्‍की वुतुङ्‍की जैतुन दोङ्‍बी येल्‍कातिवा च्‍येतुप दोके गलुप यिन। यिने ख्‍यिराङ ति तेपा क्‍यावु तप्‍की वुतुङ्‍की जैतुन दोङ्‍बुला थितुप दोके यिन। तुक क्‍यानी ख्‍यिराङ ङराङ यिन सिनी अम्‍बारङ्‍शिङ माकी, यिने ज्‍यिवा क्‍यानी दे।

रोमी 3:23

च्‍यिलासिसिन मी तेरीकी दिक्‍पा क्‍यावु तप्‍की सु साङ मोवा वोतुप कोन्‍छ्‍योककी चिप्‍ला लेप मुथुप्‍नोक।

१ कोरिन्‍थी 10:12

तुक क्‍यानी ख्‍यिराङ तेपा रम्‍बु वे सिनी सिरुपतिवा च्‍याङ्‍से क्‍यानी देता। मिसियाङ ख्‍यिराङ तला ग्‍यकितो।

२ कोरिन्थी 6:1

ङ्‍यिरा कोन्‍छ्‍योककी थोक्‍ला मुला राङ लाका क्‍यावु तप्‍की ख्‍यिराङला ठाकुरे सिरिन, खोकी ख्‍यिराङला नङ्‍गुप कटिन ति तेर्मेला डो माज्‍यी।

गलाती 5:4

ख्‍यिराङ खुरुङला टेङ्‍बु जोपला मोशाकी ठिमला तेन्‍नी देसुङ सिसिन ख्रीष्‍टकी मुला तम्‍जी मे, तमा खोकी कटिन साङ ङ्‍ये मुथुपी।

२ तिमोथी 2:13

दाक्‍पु खोङ्‍तेर्मु मेसिनाङ खो खोङ्‍तेर्मु वे, च्‍यिलासिसिन खोकी सुङ्‍गुप ति नाम्‍साङ मोफोवी।

हिब्रू 12:15

नासाम तोङा, ख्‍यिराङ सु साङ कोन्‍छ्‍योक नेमा थोपुप कटिनला क्‍युर्नी मोज्‍योक्‍शिता, तमा सेमला लाका मेलोवा कितुप नासाम माज्‍योक। नासाम मेलोवा ज्‍याक्‍सिन तीकी मङ मङ फेल्‍नी मी बङीला मेटेङ्‍बु जेवी।

हिब्रू 12:25

तुक क्‍यानी ख्‍यिराङ च्‍याङ्‍से देनी कोन्‍छ्‍योककी सुङ्‍गुप कला ल्‍यामो क्‍यानी ङ्‍येन। सीनै री नेसुर मोशाकी बिन्‍दुप कला मेङ्‍येन्‍दुप मीतिवा थर माथुप सिसिन देवाच्‍येन नेमा नङ्‍गुप कोन्‍छ्‍योककी कला मेङ्‍येन्‍दुप दाक्‍पु चुक क्‍यानी थर थुप्‍किवी रो?

हिब्रू 13:7

ख्‍यिराङला कोन्‍छ्‍योककी सुङ लोपुप गेकेनतिवाला नासाम तोङ। तिवी चुक क्‍यानी मिजी क्‍याङ्‍सुङ, तिवा चुक क्‍यानी शिसुङ, तीकी कोर्ला ल्‍यामु क्‍यान ल्‍हानी ख्‍यिराङ साङ तिवी दोके तेपा किसा।

हिब्रू 3:11

तुक क्‍यानी खो ङ्‍यिर्मु लानी तिवाला दुक सिनी न क्‍याल्‍सुङ, ‘ङे ङासोप दासाला तिवा नाम्‍साङ शुकुप मेङ्‍येवी।’”

हिब्रू 4:11

ती तप्‍की दाक्‍पु साङ खोकी ङप्‍सु ङ्‍येतुपला अछ्‍योता सेक टेमु कितुप। तुक क्‍यानी दाक्‍पु सु साङ तेपा माक्‍यानी खोकी कला मेङ्‍येन्‍दुप मीतिवा दोके तेन्‍नी मोतोङ्‍शी।

हिब्रू 4:9

तुक क्‍यानी कोन्‍छ्‍योककी मीतिवी थोक्‍ला ङप्‍सु लङ्‍गुप ति लुनी वे।