5 मोशा कोन्छ्योककी मिछाङकी मीतिवाला लावा दोके क्यानी शब्ज्यी कितुपला खोङ्तेर्मु च्युङ्सुङ। तमा ज्युक्थमाला वुङ्गुप कोन्छ्योककी येन्देनकी कोर्ला पङ्बु बिन्सुङ।
“सु खोङ्तेर्मु ताङ रिक्पा वोतुप लावा वोज्यिवी? ज्यिन्दाककी तीला खोरो खाङ्बी लावातिवाला टेके तुजेला समा तेरुपला चेक तेसिन तीकी चुक कि गोकिवी?
तमा ज्यिन्दाक ति गा कियी सिरा ‘को छ्येसुङ, ख्युरुङ खोङ्तेर्मु ताङ लावा ल्यामु! ख्युरुङ ताम्ङे चेयीला खोङ्तेर्मु च्युङ्सुङ, तुक क्यानी ङ ख्युरुङला ताम्ङे बङी चेक तेतिन। ख्युरुङ वानी ङ ताङ मुला गा की।’ सिनी सिक्यासुङ।
तमा चोवोकी सुङ्सुङ, “चुका मी ति खोङ्तेर्मु ताङ रिक्पा वोतुप खाङ्बी लाका चेक लावु मी वोज्यिवी? ज्यिन्दाककी तीला खोरो यम्बा लावातिवाला टेके तुजेला समा तेरुपला चेक तेकिवी।
तमा येशूकी मोशा ताङ तेरी कोन्छ्योककी लुङ्तेम्बातिवा नेज्युनी तेरी कोन्छ्योककी सुङगी नाङ्ला खोरो कोर्ला टिवु ति तिवाला शेन नाङ्सुङ।
ती ज्युक्ला खोकी तिवाला सुङ्सुङ, “ङे गोमाला ख्यिरा मुला वोतुप पेला ख्यिराङला ‘मोशाकी ठिम ताङ कोन्छ्योककी लुङ्तेम्बाकी थेप ताङ भजनसंग्रहकी थेपकी नाङ्ला ङे कोर्ला टिवु तेरी ताम्ङेतिवा छे राङ गोकिवी।’ सिनी सिक्या वे।”
ख्यिरा कोन्छ्योककी सुङ लोपुप ति ती सुङ नेमा नाम्साङ मिशिवु मिजी ङ्येकिवी सिनी नासाम ताङ्नी यिन। तमा ती सुङगी ङे कोर्ला पङ्बु तेर्किवी।
तुक क्यानी तिवी ङ्यिमा च्यिक पावलला ठेतुप तुजे जोसुङ। तमा मीतिवा बङी पावल देतुप खाङ्बा वासुङ। पावलकी टोप नेज्युनी सोर्हिप सेक तिवाला कोन्छ्योककी ग्येल्खापकी कोर्ला लाप्सुङ। तमा मोशाकी ठिम ताङ कोन्छ्योककी लुङ्तेम्बाकी थेप नेसुर येशूकी कोर्ला तिवाला पङ्बु बिन्सुङ।
ती मोशाकी राङ इस्राएलकी मीतिवाला दुक सिक्या वे, ‘कोन्छ्योककी ख्यिरा रङगी उज्युनुपतिवी पर नेसुर ङ दोके खोकी लुङ्तेम्बा मिरा च्यिकला तोङ्गितो।’
यिने त याङ मोशाकी ठिम मेसिनाङ कोन्छ्योक नेमा वावु टेङ्बु ति छ्या तेन वे। तीकी कोर्ला मोशाकी ठिम ताङ कोन्छ्योककी लुङ्तेम्बातिवी गोमाला के पङ्बु बिन वे।
तोजो तिराङ मिन, कोन्छ्योककी ग्येल्खापकी कोर्ला शब्ज्यी कितुप मीतिवा ति खोङ्तेर्मु वुङ गोकिवी।
ङला ङार नङ्गुप दाक्पी चोवो ख्रीष्ट येशूला थुचिछे बुलिन, च्यिलासिसिन खोकी खोरुङला शब्ज्यी कितुपकी थोक्ला ङला खोङ्तेर्मु वोतुप सिनी चिसुङ।
ताङ्बो ङोला कोन्छ्योककी खोरे सुङ शेतुप लुङ्तेम्बातिवा नेसुर दाक्पी पगावा हङ्गावातिवी मुला थेङ्मा बङी ताङ नम्बा बङीकी ताम्ङे क्या नाङ्सुङ।
खो ति मोशा कोन्छ्योककी मिछाङला शब्ज्यी कितुपला खोङ्तेर्मु वोतुप दोके खुरुङला कताङ नङ्गुप कोन्छ्योककी थोक्ला खोङ्तेर्मु च्युङ्सुङ।
तेरी खाङ्बातिवा ललाइ ललाइ मी जोवु यिन, ती दोके तेरी च्यालकतिवा कोन्छ्योक राङ जो नङ्गुप यिन।
तिवी शब्ज्यी कितुप दासा ति वुतुङ के मिन, देवाच्येनकी चाङ्मा वोतुप दासा दोके पेशुवु तिराङ यिन। च्यिलासिसिन मोशाकी यहूदीतिवी कोन्छ्योकला सोवा देकुप कुर जोप पेला कोन्छ्योककी मोशाला “ख्युरुङला ङे सीनै रीला छ्या तेन्दुप दोके तुकै राङ क्यानी तेरी च्यालकतिवा जोपला सेम यी कुक।” सिनी क नाङ वे।
तुक क्यानी ख्रीष्ट याङ मी लाक्पी जोवु चाङ्मा वोतुप कुरकी नाङ्ला फेवु मिन, ती कुर ति देवाच्येनकी कुर नेसुर पेशुवु तिराङ यिन। यिने खो ती देवाच्येनला राङ फेप्सिमा दाक्पी छ्योकला कोन्छ्योककी थोङ्दाङला ज्यु वे।
तमा तिवा दुक सिनी कोन्छ्योकला शब्ज्यी कितुप मोशाकी लु ताङ लुक रुकला सोवा देकुप लु लङ्गिनोक। “ओ ङार छ्येवु चोवो कोन्छ्योक, चोवोकी क्या नङ्गुप लाकातिवा चोछ्येवु ताङ हलेवु वे। चोवोकी क्या नङ्गुप लाकातिवा तेरी टेके ताङ टेङ्बु वे। चोवो याङ नरी ग्येला कितुप ग्येल्वु यिन।