हिब्रू 3:2 - कोन्छ्‌योककी सुङ

² खो ति मोशा कोन्‍छ्‍योककी मिछाङला शब्‍ज्‍यी कितुपला खोङ्‍तेर्मु वोतुप दोके खुरुङला कताङ नङ्‍गुप कोन्‍छ्‍योककी थोक्‍ला खोङ्‍तेर्मु च्‍युङ्‍सुङ।

हिब्रू 3:2 Iomraidhean Croise

यूहन्‍ना 15:10

ङ पपी कला ङ्‍येन्‍नी खोकी ङ्‍यिङ्‍ज्‍येला देतुप दोके ख्‍यिराङ ङे कला ङ्‍येन्‍सुङ सिसिन ङे ङ्‍यिङ्‍ज्‍येला देकिवी।

यूहन्‍ना 17:4

पपी ङला कि च्‍यितुप लाका ति ङे तेरी सिन्‍दा क्‍यानी पपा छासे मोवा वोतुप ति दी जम्‍बुलिङकी मीतिवाला छ्‍या तेनिन।

यूहन्‍ना 7:18

खोरो राङ लापुप मी तीकी मीतिवा नेसुर ताङ्‍देन छोल्‍गिवी, यिने खोरुङला तोङ्‍गुप तीला मोवा कितुप नो वोतुप मी ति टेङ्‍बु वे, तीकी काङ साङ जिनोक मोजोवी।

यूहन्‍ना 8:29

ङला तोङ्‍गुप ति ङे मुला ज्‍यु वे। खोकी ङला च्‍यिक राङ क्‍युन माज्‍याक वे, च्‍यिलासिसिन ङ नरी खोला गा लङ्‍गुप लाका कितिन।”

एफिसी 2:22

येशू ख्रीष्‍ट नेसुर ख्‍यिराङ साङ थु चाङ्‍माकी ओङला कोन्‍छ्‌योक ज्‍युवु दासा च्‍युङ्‍गुपला तेरी मुला थिन्‍नी च्‍यिक्‍पा राङ जोयी डिवी।

१ तिमोथी 1:12

ङला ङार नङ्‍गुप दाक्‍पी चोवो ख्रीष्‍ट येशूला थुचिछे बुलिन, च्‍यिलासिसिन खोकी खोरुङला शब्‍ज्‍यी कितुपकी थोक्‍ला ङला खोङ्‍तेर्मु वोतुप सिनी चिसुङ।

१ तिमोथी 3:15

ङ वुङ्‍गुप फिमु गल्‍सिनाङ दी यिकी रानी दाक्‍पु कोन्‍छ्‍योककी मिछाङला चुक क्‍यानी मिजी क्‍योङ गोकिवी सिरुप ति हाक्‍कोवा किसा। ती कोन्‍छ्‍योककी मिछाङ ति ङोसु वोतुप कोन्‍छ्‍योककी चर्च यिनो। ती चर्च ति सुङ टेङ्‍बुकी डम्‍ज्‍यी रम्‍बु ताङ कज्‍यु यिन।

हिब्रू 2:17

तुक क्‍यानी तेरी ताम्‍ङेला खो रङगी अच्‍युनुपतिवा दोके च्‍युङ गोसुङ। तमा मीतिवी क्‍यावु दिक्‍पी ठिलेन च्‍योलुपला खो कोन्‍छ्‍योकला शब्‍ज्‍यी बुलुप च्‍यम्‍बा ताङ खोङ्‍तेर्मु वोतुप कोङ्‍यार छ्‍ये च्‍युङ्‍सुङ।