हिब्रू 3:1 - कोन्छ्योककी सुङ1 तुक क्यानी कोन्छ्योककी कताङ नङ्गुप चाङ्मा वोतुप अच्युनुपतिवा, दाक्पी ख्याप्टाक क्यावु लोमा छ्ये ताङ कोङ्यार छ्ये यिन्दुप येशूला नासाम तोङ। Faic an caibideil |
हिब्रू 3:1
63 Iomraidhean Croise
ती टङ्गा ति तिवी सेम्बा सेमगी दुम्नी ज्याक्नोक। वुतुङ के तिवी तुका पेराङ्बुतिवाला दाल्जा किटे कि गोकिवी। च्यिलासिसिन दोजो यहूदी मिन्दुप मिरिक यम्बाकी मीतिवा कोन्छ्योककी थु चाङ्माकी मोलाम थोपुप यिन्सिन तिवाला थोपुप मोलाम नेसुर यरूशलेमला वोतुप तेपा कितुप मीतिवी कतुकारला दाल्जा किटे कि गोकिवी।
ख्यिराङ तेपा कितुप योक्पुतिवा ज्यिन्दाककी वोक्ला लाका कितुप पेला तिवा दाक्पी तेपा कितुप अच्युनुप राङ यिन सिनी ताङ्देन कितुप ताङ तिवाला मङ ल्यामु क्यानी शब्ज्यी की। च्यिलासिसिन ख्यिरा लाका ल्यामु क्यासिमा ज्यिन्दाकला ख्येप्साङ वुङ्गिवी। ती ज्यिन्दाक ति तेपा कितुप ख्यिरा ङ्यिङ्ज्येवु अच्युनुपतिवा यिन। दी ताम्ङे ति ख्यिराङ ल्यामु क्यानी येन्देन तेरुप ताङ ख्याप्टाक की।
तुक क्यानी ख्रीष्ट ति कोन्छ्योक ताङ मीतिवी पर्ला थाक्छ्येतुप ताम्ङे सम्बाला डिङ तेरुप लाका क्या नङ्गिवी। खोकी तुक क्या नङ्गुप ति कोन्छ्योककी कतङ्गुप मीतिवाला नरीकी थोक्ला खोकी थाक्छ्येन नङ्गुप मोलाम ति थोप्शी सिनी यिन। च्यिलासिसिन खो मीतिवी गोमी थाक्छ्येतुप ठिमला क्यावु दिक्पा ने थर ज्यितुपला टुङ्सुङ।
यिने ख्यिराङ याङ तुकै मिन, ख्यिराङ ति कोन्छ्योककी पेन नङ्गुप गिपा ताङ खोकी ग्येल्खापकी कोङ्यार ताङ टेङ्बु वोतुप मिरिक ताङ कोन्छ्योककी खोरे मीतिवा यिन। खोकी ख्यिराङला नक्तोमी ने थेन्नी खोकी हलेवु वोसिरला टिन फेप्सुङ। तुक क्यानी ख्यिरा खोकी हलेवु लाकातिवा मी यम्बाला ख्याप्टाक कि थुप्शी।
कोन्छ्योक ति ख्यिराङला तेरी कटिन नङ्गुप कोन्छ्योक यिन। खोकी येशू ख्रीष्ट ताङ मुला नाम्साङ ना मोडोवु मोवाला ख्यिराङला कताङ नङ वे। तमा चेयी पर सेक ति ख्यिरा छेटाङ खुर्सिनाङ खोकी ख्यिरा क्यावु दुक्पा नेसुर ख्यिराङला छ्ये जो नङ्गिवी। तमा ख्यिराङला फार छुर मोयोम्बुप ताङ ङार छ्येवु जोनी ख्यिरा तेपा ति डम्ज्यी रम्बु तिङ्गुप दोके जो नङ्गिवी।
Sanasan