हिब्रू 2:8 - कोन्छ्‌योककी सुङ

⁸ तमा ख्‍योरे तेरी च्‍यालकतिवा खोकी ओङला राङ ज्‍याङ नाङ्‍सुङ।” कोन्‍छ्‍योककी खोरे ओङला तेरी च्‍यालकतिवा ज्‍याङ नङ्‍गुप पेला खोकी ओङला मेतुप चुका च्‍यालक साङ मे। यिन्‍सिनाङ तसाम दाक्‍पी तेरी च्‍यालकतिवा खोकी ओङला राङ वोतुप मोथोङ्‍गिवी।

हिब्रू 2:8 Iomraidhean Croise

मत्ती 28:18

तमा येशू तिवी चाला राङ फेप्‍नी तिवाला दुक सुङ्‍सुङ, “जम्‍बुलिङ ताङ देवाच्‍येनकी तेरी ओङ्‍ज्‍येन ति कोन्‍छ्‍योककी ङला नङ वे।

यूहन्‍ना 13:3

पपा कोन्‍छ्‍योककी जम्‍बुलिङकी तेरी ओङ्‍ज्‍येन खुरुङला नङ्‍गुप ताङ खुरुङ कोन्‍छ्‍योक नेमा वानी येलुङ कोन्‍छ्‍योककी चिप्‍ला राङ लोक्‍नी डोप ताम्‍ङे येशूकी हाक्‍कोसुङ।

यूहन्‍ना 3:35

पपा कोन्‍छ्‍योककी खोरे सेवुला ङ्‍यिङ्‍ज्‍ये क्‍या नाङ्‍नी तेरी ओङ्‍ज्‍येन ति खोला चेक तेन नाङ्‍सुङ।

१ कोरिन्‍थी 15:27

च्‍यिलासिसिन कोन्‍छ्‍योककी सुङला “तेरी जम्‍बुलिङ ति खोकी ओङला ज्‍याङ वे।” सिनी टि वे। “तेरी ओङ्‍ज्‍येन खोकी ओङला ज्‍याङ वे।” सिक्‍यावु ति कोन्‍छ्‍योक साङ खोकी ओङला राङ ख्‍येल्‍गिवी सिनी सिक्‍यावु ति मिन, यिने खोकी तेरी ओङ्‍ज्‍येन ति ख्रीष्‍टकी ओङला ज्‍याङ वे सिनी सिक्‍यावु यिन।

हिब्रू 1:13

चुका देवाच्‍येनकी लेन क्‍योलुप थु तीला कोन्‍छ्‍योककी “ख्‍योरो डतिवाला तेरी ख्‍योरो काङ्‍बी वोक्‍ला मालेपा सेक्‍ला ख्‍युरुङ ङे यावी थाकाला दे।” सिनी सुङ्‍सुङ रो?

हिब्रू 1:2

यिने तसाम पेलाकी तिङ्‍मी तुजेला खोकी खोरे सेवु नेसुर दाक्‍पी मुला ताम्‍ङे क्‍या नाङ्‍सुङ। खोकी खोरे सेवु नेसुर राङ दी जम्‍बुलिङ ज्‍ये नाङ्‍सुङ। तमा स ताङ नामला वोतुप तेरी च्‍यालकतिवा तेरुपला खोरे सेवुला राङ पेन नाङ्‍सुङ।

हिब्रू 2:5

दाक्‍पी ताम्‍ङे कियी वोतुप त वुङ्‍गुप जम्‍बुलिङ ति कोन्‍छ्‍योककी खोरे देवाच्‍येनकी लेन क्‍योलुप थुतिवी ओङला माज्‍याक वे।

१ पत्रुस 3:22

खो देवाच्‍येनला फेप्‍सुङ, तमा देवाच्‍येनकी लेन क्‍योलुप थुतिवा ताङ ओङ्‍ज्‍येन कितुपतिवा ताङ ङारतिवाला खोरे ओङला ज्‍याक्‍नी खो ति कोन्‍छ्‍योककी यावी थाकाला वोतुप ठीला ज्‍युसुङ।

ज्‍यल्‍का 1:18

तमा ङोसु वोतुप ति ङ राङ यिन। ल्‍होसा, ङ शिनी साङ नरीकी थोक्‍ला सेन्‍बु लानी वे। सुला छ्‍येर्पा बिन्‍नी ङ्‍येलाला तोङ गोकिवे, ती ओङ्‍ज्‍येन ति ङला वे।

ज्‍यल्‍का 1:5

तमा पङ्‍बु टेङ्‍बु वोतुप ताङ तेरी सिनाङ थल्‍माला शेप ने ङोसु लङ्‍गुप जम्‍बुलिङकी ग्‍येल्‍वी खकी ग्‍येल्‍वु येशू ख्रीष्‍ट नेसुर कटिन ताङ लोदिमु वुङ्‍शिता। येशू ख्रीष्‍टकी दाक्‍पुला ङ्‍यिङ्‍ज्‍ये क्‍या नङ्‍गुप ताङ खो ग्‍यङ्‍शिङला टुङ्‍नी खोकी ठक नेसुर दाक्‍पी दिक्‍पा ता च्‍यिसुङ।