हिब्रू 2:3 - कोन्छ्‌योककी सुङ

³ दाक्‍पी तुका थर्वा ग्‍येर्पुला साङ ङ्‍याम माक्‍यासुङ सिसिन मङ चुक क्‍यानी ती पर्च्या नेसुर पिशोर थुप्‍किवी रो? दी थर्वा ति गोमाला चोवो येशूकी राङ ख्‍याप्‍टाक क्‍या नाङ्‍सुङ। खोकी ख्‍याप्‍टाक क्‍या नङ्‍गुप सुङ ङ्‍येन्‍दुपतिवी राङ ती सुङ ति टेङ्‍बु यिन सिनी ङ्‍यिराङला पङ्‍बु बिन्‍सुङ।

हिब्रू 2:3 Iomraidhean Croise

मत्ती 23:33

ओ रुल ताङ रुल कुपेङकी च्‍यप्‍रुकतिवा! ख्‍यिराङ चुक क्‍यानी ङ्‍येलाकी छ्‍येर्पा ने टो थुप्‍किवी?

मत्ती 4:17

ती पेला नेज्‍युनी येशूकी “ख्‍यिराङ दिक्‍पा ने सेम ग्‍युर! च्‍यिलासिसिन देवाच्‍येनकी ग्‍येल्‍खाप चिप्‍ला राङ वा वे।” सिनी मीतिवाला सुङ ख्‍याप्‍टाक कितुप गो चुसुङ।

मर्कूस 1:14

यूहन्‍ना चोन्‍खाङला शोर्सिमा येशू गालील लुङ्‍बाला फेप्‍नी कोन्‍छ्‍योककी लेन ल्‍यामु ख्‍याप्‍टाक क्‍या नाङ्‍सुङ।

लूका 1:2

तिवी ती च्‍युङ्‍गुप ताम्‍ङेतिवा थल्‍मा नेज्‍युन खोरो मिककी थोङ्‍गुप ताङ कोन्‍छ्‍योककी सुङ ख्‍याप्‍टाक कितुपतिवा नेसुर ङ्‍यिरा थोवु दोके टि वे।

लूका 1:69

खोकी खोरो लावा दाऊदकी गिपा नेमा दाक्‍पुला दिक्‍पा ने थर ज्‍यितुप ओङ छ्‍येवु मिरा च्‍यिक ताङ वे।

लूका 24:19

तमा खोकी तिवाला “काङगी ताम्‍ङे?” सिनी टिन नाङ्‍सुङ। तिवी सिक्‍यासुङ, “नासरतकी येशूकी कोर्ला च्‍युङ्‍गुप ताम्‍ङे यिन। खो ति कोन्‍छ्‍योक ताङ तेरी मीतिवी थोङ्‍दाङला लाका ताङ सुङला ङार छ्‍येवु कोन्‍छ्‍योककी लुङ्‍तेम्‍बा वोतुप्‍जा।

यूहन्‍ना 15:27

तमा ख्‍यिराङ साङ ङे थोक्‍ला पङ्‍बु तेरुप डितो, च्‍यिलासिसिन थल्‍माला ङे लाका गो चुवु पेला नेज्‍युन ख्‍यिराङ ङे मुला वे।”

लोमा छ्‍येतिवी लाका 1:22

ती मी ति यूहन्‍नाकी बप्‍तिस्‍मा तेरुप पेला नेज्‍युनी चोवो येशू ङ्‍यिरे पर नेमा देवाच्‍येनला टि फेवु तुजे सेक ङ्‍यिरा मुला राङ वोतुप ति वुङ गोकिवी। च्‍यिलासिसिन ती मी तीकी येशू टुङ्‍नी ङोसु लावु ताम्‍ङेकी पङ्‍बु ति ङ्‍यिरा मुला राङ तेर गोकिवी।”

लोमा छ्‍येतिवी लाका 2:22

ओ इस्राएलकी मीतिवा, ङे ताम्‍ङे ङ्‍येना! चोवो कोन्‍छ्‍योककी नासरतकी येशूला ख्‍यिरा चिप्‍ला तङ्‍नी ओङ छ्‍येवु लाकातिवा ताङ हलेवु लाकातिवा ताङ ततिवा छ्‍या तेन्‍सुङ। ती ताम्‍ङे याङ ख्‍यिराङला साङ छ्‍या राङ वोज्‍यिवी।

लोमा छ्‍येतिवी लाका 4:12

येशू मिसिन सी साङ दिक्‍पा ने थर ज्‍यि मुथुपी। च्‍यिलासिसिन दी जम्‍बुलिङला मी पर्ला कनी साङ दाक्‍पुला दिक्‍पा ने थर ज्‍यितुप यम्‍बा मिङ काङ साङ मे।”

रोमी 11:14

मिरिक यम्‍बाकी मीतिवी थोक्‍ला यहूदीतिवी पर्ने मी ललाइ ठतोक लानी कोन्‍छ्‍योककी थाकाला लोक्‍नी थर्वा ङ्‍येशी सिरुप ति ङे रेवा यिन।

रोमी 2:3

ख्‍युरुङ तुका लाका दुक्‍टा कितुपतिवाला क्‍येन तेर्किवी, यिने ख्‍युरुङ ति ती लाका दुक्‍टा राङ किवी सिसिन काङ ख्‍युरुङ कोन्‍छ्‍योककी पर्च्या नेसुर थर थुप्‍किवी रो?

१ कोरिन्‍थी 1:21

जम्‍बुलिङकी मीतिवी खोरो रिक्‍पाकी कोन्‍छ्‍योकला ङो माशेवु तप्‍की दाक्‍पुला खोकी रिक्‍पा नाङ्‍सुङ। खोकी रिक्‍पा नेसुर दाक्‍पी ख्‍याप्‍टाक क्‍यावु सुङ ति तेर्मे यिन सिरुपतिवी पर्ला सी ती सुङला तेपा किवे, तिवाला कोन्‍छ्‍योककी र्‍होकुप नो क्‍यासुङ।

१ थेसलोनिकी 5:3

मीतिवा लोदिमु ताङ सेम किर्मु क्‍यानी देकिवी। ती पेला पेर्मी पुज्‍युङला हाक्‍माकोवा क्‍यानी आङा क्‍येप सुक ग्‍यपुप दोके तिवी खला छेटाङ ख्‍येल गिवी। तमा तिवा सु साङ ती छेटाङ ने थर मुथुपी।

१ तिमोथी 1:15

दी सुङ ति मी तेरीकी यिन्‍ज्‍यिक मिन्‍ज्‍यिक सेमला लिङ गोकिवी। च्‍यिलासिसिन दी सुङ ति दिक्‍छेनतिवाला दिक्‍पा ने थर ज्‍यितुपला येशू ख्रीष्‍ट दी जम्‍बुलिङला फेपुपकी कोर्ला यिन। ती दिक्‍छेनतिवी नाङ्‍ला तेरी सिनाङ दिक्‍छेन ति ङ राङ यिन।

तीतस 2:11

च्‍यिलासिसिन कोन्‍छ्‍योककी तेरी मीतिवाला दिक्‍पा ने थर ज्‍यितुपला कटिन नङ वे।

हिब्रू 1:1

ताङ्‍बो ङोला कोन्‍छ्‍योककी खोरे सुङ शेतुप लुङ्‍तेम्‍बातिवा नेसुर दाक्‍पी पगावा हङ्‍गावातिवी मुला थेङ्‍मा बङी ताङ नम्‍बा बङीकी ताम्‍ङे क्‍या नाङ्‍सुङ।

हिब्रू 1:14

ती देवाच्‍येनकी लेन क्‍योलुप थुतिवा ति सु यिन रो? काङ तिवा याङ दिक्‍पा ने थर्वा ङ्‍येतुपतिवाला शब्‍ज्‍यी कितुप थोक्‍ला तङ्‍गुप थुतिवा तिराङ मिन रो?

हिब्रू 1:2

यिने तसाम पेलाकी तिङ्‍मी तुजेला खोकी खोरे सेवु नेसुर दाक्‍पी मुला ताम्‍ङे क्‍या नाङ्‍सुङ। खोकी खोरे सेवु नेसुर राङ दी जम्‍बुलिङ ज्‍ये नाङ्‍सुङ। तमा स ताङ नामला वोतुप तेरी च्‍यालकतिवा तेरुपला खोरे सेवुला राङ पेन नाङ्‍सुङ।

हिब्रू 12:25

तुक क्‍यानी ख्‍यिराङ च्‍याङ्‍से देनी कोन्‍छ्‍योककी सुङ्‍गुप कला ल्‍यामो क्‍यानी ङ्‍येन। सीनै री नेसुर मोशाकी बिन्‍दुप कला मेङ्‍येन्‍दुप मीतिवा थर माथुप सिसिन देवाच्‍येन नेमा नङ्‍गुप कोन्‍छ्‍योककी कला मेङ्‍येन्‍दुप दाक्‍पु चुक क्‍यानी थर थुप्‍किवी रो?

हिब्रू 4:1

दाक्‍पुला कोन्‍छ्‍योककी ङप्‍सु ङ्‍येतुपला थाक्‍छ्‍येतुप ति तन्‍दा साङ लुनी वे। तुक क्‍यानी दाक्‍पु च्‍यक्‍पु कितुप। तमा ख्‍यिराङ सु साङ ती ङासोप दासाला शुकुप मेङ्‍येवु मोडोशी।

हिब्रू 4:11

ती तप्‍की दाक्‍पु साङ खोकी ङप्‍सु ङ्‍येतुपला अछ्‍योता सेक टेमु कितुप। तुक क्‍यानी दाक्‍पु सु साङ तेपा माक्‍यानी खोकी कला मेङ्‍येन्‍दुप मीतिवा दोके तेन्‍नी मोतोङ्‍शी।

हिब्रू 5:9

तमा येशू टेङ्‍बु च्‍युङ्‍नी कोन्‍छ्‍योककी कला ङ्‍येन्‍दुप तप्‍की येशूकी कला ङ्‍येन्‍दुप तेरी मीतिवाला खो नरीकी थोक्‍ला दिक्‍पा ने थर्वा नङ्‍गुप च्‍युङ्‍सुङ।

हिब्रू 9:28

तुक क्‍यानी ख्रीष्‍ट ति मी बङीकी दिक्‍पा ता ज्‍यितुपला थेङ्‍मा च्‍यिकला राङ खुरुङ जिन्‍बा च्‍युङ्‍सुङ। त खो थेङ्‍मा ङ्‍यिवाला येलुङ फेप्‍किवी। खो येलुङ फेपुप पेला दिक्‍पा खुरुपला मिन, यिने खो फेवु लाम ल्‍हानी देतुपतिवाला थर ज्‍यितुपला फेप्‍किवी।

१ यूहन्‍ना 1:1

दी ताम्‍ङेतिवा ति मिजी तेरुप सुङगी कोर्ला टिवु यिन। दी मिजी तेरुप सुङ ति थल्‍माला जम्‍बुलिङ ज्‍येङ्‍गुप पेला राङ वोतुप यिन, तमा ती ति ङ्‍यिरा थोवु ताङ मिककी थोङ्‍गुप साङ यिन, ङ्‍यिरा ल्‍हावु ताङ थोवा तङ्‍गुप साङ यिन।

यहूदा 1:17

यिने ङ्‍यिङ्‍ज्‍येवु अच्‍युनुपतिवा, ख्‍यिराङ ति दाक्‍पी चोवो येशू ख्रीष्‍टकी लोमा छ्‍येतिवी गोमाला सिक्‍यावु ताम्‍ङेतिवा नासाम तोङ।

ज्‍यल्‍का 7:10

तिवा कशेन थोर ग्‍यप्‍नी, “थर्वा ति ग्‍येल्‍ठिकला ज्‍यु वोतुप दाक्‍पी चोवो कोन्‍छ्‍योक ताङ लुक रुक नेसुर गिवी।” सिनी वोरु तेन्‍सुङ।