हिब्रू 2:2 - कोन्छ्‌योककी सुङ

² तोङ्‍ला देवाच्‍येनकी लेन क्‍योलुप थुतिवी दाक्‍पी हङ्‍गावातिवाला सिक्‍यावु सुङ ति वुतुङ के टेङ्‍बु च्‍युङ्‍सुङ। तमा ती सुङला मेङ्‍येन्‍दुप ताङ ती सुङला मुयुकुपतिवाला ङ्‍ये गोवु पर्च्या ति ङ्‍येसुङ।

हिब्रू 2:2 Iomraidhean Croise

लोमा छ्‍येतिवी लाका 7:53

देवाच्‍येनकी लेन क्‍योलुप थुतिवी सिक्‍यावु ठिम याङ ख्‍यिराङला थोप्‍सुङ, यिने ख्‍यिराङ ती ठिमला ति माङ्‍येन।”

गलाती 3:19

तुकै यिन्‍सिन दी मोशाकी ठिम ति च्‍यिला बिन्‍दुप यिनाङ? ती ति कोन्‍छ्‍योककी थाक्‍छ्‍येन नङ्‍गुप गिपा वुङ्‍दा सेक दिक्‍पा छ्‍या देन्‍दुपला जो नङ्‍गुप यिन। ती मोशाकी ठिम ति देवाच्‍येनकी लेन क्‍योलुप थुतिवा नेसुर खोकी मोशाला नङ्‍गुप यिन। तमा ती ति मोशाकी मीतिवाला बिन्‍दुप यिन।

हिब्रू 1:1

ताङ्‍बो ङोला कोन्‍छ्‍योककी खोरे सुङ शेतुप लुङ्‍तेम्‍बातिवा नेसुर दाक्‍पी पगावा हङ्‍गावातिवी मुला थेङ्‍मा बङी ताङ नम्‍बा बङीकी ताम्‍ङे क्‍या नाङ्‍सुङ।

हिब्रू 10:28

कोन्‍छ्‍योककी मोशाला नङ्‍गुप ठिम मेङ्‍येन्‍दुप मी ललाइकी कोर्ला मिरा ङ्‍यी सुमकी पङ्‍बु बिन्‍सिन तीला च्‍यम्बा माक्‍यावा क्‍यानी से गोवु लुक्‍सु वे सिसिन,

हिब्रू 10:35

तुक क्‍यानी ख्‍यिरा तेन्‍तेन क्‍यावु ति क्‍युर्नी माज्‍योक। तमा कोन्‍छ्‍योककी ख्‍यिराङला छासे खक्‍छ्‍येवु छ्‍यक्‍तक ग्‍येर्पु नङ्‍गिवी।

हिब्रू 11:26

तीकी मिश्रला वोतुप नोर ताङ टोङ्‍बा सिनाङ ख्रीष्‍टकी थोक्‍ला मारे गल्‍नी देतुप ति छासे गोङ नावु यिन सिनी नो क्‍यानोक। च्‍यिलासिसिन तीकी कोन्‍छ्‍योककी नङ्‍गुप छ्‍यक्‍तककी थोक्‍ला लाम ल्हानी देसुङ।

हिब्रू 11:6

यिने कोन्‍छ्‍योकला तेपा माक्‍यासिन सी साङ खोला गा लोङ मुथुपी। सु खोकी चाला वुङ्‍गिवे, तीकी कोन्‍छ्‍योक ज्‍यु वोतुप ताङ खोला छोलुपतिवाला खोकी छ्‍यक्‍तक नङ्‍गिवी सिनी तेपा कि गोकिवी।

हिब्रू 12:25

तुक क्‍यानी ख्‍यिराङ च्‍याङ्‍से देनी कोन्‍छ्‍योककी सुङ्‍गुप कला ल्‍यामो क्‍यानी ङ्‍येन। सीनै री नेसुर मोशाकी बिन्‍दुप कला मेङ्‍येन्‍दुप मीतिवा थर माथुप सिसिन देवाच्‍येन नेमा नङ्‍गुप कोन्‍छ्‍योककी कला मेङ्‍येन्‍दुप दाक्‍पु चुक क्‍यानी थर थुप्‍किवी रो?

२ पत्रुस 1:19

तुक क्‍यानी कोन्‍छ्‍योककी लुङ्‍तेम्‍बातिवी ङ्‍यिराङला नम्‍दर शेतुप सुङ टेङ्‍बुला साङ ङ्‍यिराङ तेन्‍तेन वे। ती सुङ ति नक्‍तोमीला दिप्‍ली च्‍येतुप दोके यिन। ती दिप्‍ली ति नक्‍तोमी गल्‍नी कर्ज्याङ माशरुप पे सेक बरुप दोके ङ्‍यिरा सेमला ज्‍याक्‍नी ल्‍यामु क्‍यानी हाक्‍कोवा की।

यहूदा 1:5

ती ताम्‍ङे ति ख्‍यिराङला छ्‍या राङ वे, यिन्‍सिनाङ ङ ताम्‍ङे चेयी ख्‍यिराङला टेन्‍सो कि ज्‍यितिन। चोवोकी मीतिवाला मिश्र लुङ्‍बा नेसुर तेन्‍नी वावु मीतिवी नाङ्‍ला तेपा मिकिवु गिपातिवाला खोकी तेरी पुसुकी डो च्‍यिसुङ।