हिब्रू 2:16 - कोन्छ्‌योककी सुङ

¹⁶ वुतुङ के खोकी देवाच्‍येनकी लेन क्‍योलुप थुतिवी थोक्‍ला मिन, यिने अब्राहामकी गिपातिवी थोक्‍ला ङ्‍याम क्‍या नङ्‍गिवी।

हिब्रू 2:16 Iomraidhean Croise

रोमी 2:25

दोजो ख्‍युरुङ कोन्‍छ्‍योककी नङ्‍गुप ठिमला युकिवी सिसिन यहूदीतिवी च्‍येतुप लुक्‍सु तेन्‍दुप साङ तेन्‍दोक वे, यिने ठिम मातेन्‍सुङ सिसिन च्‍येतुप लुक्‍सु तेन्‍दुप साङ तेन्‍दोक मे। ख्‍युरुङ ति यहूदी मिन्‍दुप मिरिक यम्‍बाकी मीतिवा दोके राङ यिन।

गलाती 3:16

कोन्‍छ्‍योककी अब्राहाम ताङ तीकी गिपाला थाक्‍छ्‍येन नङ्‍गुप पेला “ख्‍योरो गिपातिवाला” सिनी मी बङीला मासुङ, यिने “ख्‍योरो गिपा च्‍यिक राङला” सिनी सुङ्‍नी वे। ती च्‍यिक राङ वोतुप गिपा ति ख्रीष्‍ट यिन।

गलाती 3:29

ख्‍यिराङ ख्रीष्‍टकी ति यिन्‍सिन अब्राहामकी गिपा यिन, तमा कोन्‍छ्‍योककी थाक्‍छ्‍येन नङ्‍गुप अंश थोप छ्‍योवु पुज्‍युङ यिन।

हिब्रू 12:10

च्‍यिलासिसिन जम्‍बुलिङकी पपी खोप्‍रे नोवाला वोतुप दोके क्‍यानी दाक्‍पुला ङ्‍यिमा चेयी पर सेक लाम ल्‍यामुला युक ज्‍यितुपला छालेन बिन्‍सुङ, यिने कोन्‍छ्‍योककी याङ दाक्‍पु ति खो दोके टेङ्‍बु च्‍युङ थुप्‍शी, तमा दाक्‍पुला ल्‍यामु च्‍युङ्‍शी सिनी छालेन नङ्‍गिवी।

हिब्रू 2:15

तुक क्‍यानी छे काङ शेपला ज्‍यिवा क्‍यानी शेपकी ओङला ख्‍येलुपतिवाला खोकी थर्वा नाङ्‍सुङ।

हिब्रू 2:17

तुक क्‍यानी तेरी ताम्‍ङेला खो रङगी अच्‍युनुपतिवा दोके च्‍युङ गोसुङ। तमा मीतिवी क्‍यावु दिक्‍पी ठिलेन च्‍योलुपला खो कोन्‍छ्‍योकला शब्‍ज्‍यी बुलुप च्‍यम्‍बा ताङ खोङ्‍तेर्मु वोतुप कोङ्‍यार छ्‍ये च्‍युङ्‍सुङ।

हिब्रू 6:16

मीतिवा खोप्‍राङ सिनाङ मी छ्‍येतिवी मिङला न क्‍योल्‍गिवी, तमा न क्‍यल्‍नी राङ सिक्‍यावु ताम्‍ङेतिवा तेन्‍तेन कितुप ताङ तेरी खाँदातिवा डिकिवी।

१ पत्रुस 1:20

कोन्‍छ्‍योककी दाक्‍पुला रङ्‍ज्‍येन नङ्‍गुपला जम्‍बुलिङ ज्‍येङ्‍गुप सिनाङ गोमाला के येशू ख्रीष्‍टला पेन नङ्‍गुप यिन, यिने तिङ्‍मी तुजेला ख्‍यिरा थोक्‍ला येशू ख्रीष्‍टला दी जम्‍बुलिङला तङ नङ्‍गुप यिन।