हिब्रू 2:11 - कोन्छ्‌योककी सुङ

¹¹ मीला दिक्‍पा नेसुर टेङ्‍बु जो नङ्‍गुप येशू ताङ खोकी टेङ्‍बु जोवु मी तेरीकी पपा ति च्‍यिक राङ वे। तुक क्‍यानी खोकी खोरे राङ टेङ्‍बु जो नङ्‍गुप मीतिवाला ङे नुपतिवा सिरुपला खो ङोछा मिकिवी।

हिब्रू 2:11 Iomraidhean Croise

मत्ती 25:40

तमा ङे तिवाला दुक सिवी, ‘वुतुङ के ङ ख्‍यिराङला सिरिन, ख्‍यिरा दे वोतुपतिवी पर्ला तेरी सिनाङ छ्‍युङा मिरा च्‍यिकला काङ क्‍यावे, ती ति ङला राङ क्‍यावु यिन।’

मत्ती 28:10

तमा येशूकी तिवाला सुङ्‍सुङ, “ज्‍यिवा माकी। ख्‍यिराङ गल्‍नी ङे लोमातिवाला गालीलला ग्‍युक सिनी लोप। ते तिवी ङला ठेकिवी।”

मर्कूस 3:34

तमा खोकी खोरे गारी गुरीला देन वोतुपतिवाला ल्‍हानी सुङ्‍सुङ, “ल्‍हो ताङ, ङे आमा ताङ ङे नुपतिवा ति दिवा राङ यिन।

मर्कूस 8:38

दी शम्‍डेन कितुप ताङ दिक्‍पा वोतुप गिपा नेसुर सी ङ ताङ ङे सुङला ङोछा किवे, ङ मी पुज्‍युङ साङ चाङ्‍मा वोतुप देवाच्‍येनकी लेन क्‍येलुप थुतिवी मुला ङे पपी मोवा थोप्‍नी वुङ्‍गुप पेला तीला ङोछा कितिनो।”

लूका 9:26

सु ङ ताङ ङे येन्‍देनला ङोछा किवे, ङ मी पुज्‍युङ साङ ङ ताङ पपा कोन्‍छ्‍योक ताङ चाङ्‍मा वोतुप देवाच्‍येनकी लेन क्‍योलुप थुतिवी मोवा ताङ मुला वुङ्‍गुप पेला तीला ङोछा कितिन।

यूहन्‍ना 17:19

तिवी थोक्‍ला ङे ङरा राङ चाङ्‍मा जोयिन, ती ति तिवा साङ सुङ टेङ्‍बु नेसुर चाङ्‍मा च्‍युङ्‍शी सिनी यिन।”

यूहन्‍ना 17:21

ओ पपा, पपा ङे मुला वोतुप ताङ ङ पपी मुला वोतुप दोके तिवा तेरी च्‍यिक राङ च्‍युङ्‍नी तिवा साङ दाक्‍पी मुला राङ च्‍युङ्‍शी, तमा पपी ङला तङ्‍गुप यिन सिरुप ति जम्‍बुलिङकी मीतिवी तेपा किशी।

यूहन्‍ना 20:17

तमा येशूकी तीला “ङला जिम जिम्‍वा माज्‍योक, च्‍यिलासिसिन ङ तरोङ साङ पपी चाला लोक्‍नी मागल वे। यिने ख्‍युरुङ ङे लोमातिवी चाला गल्‍नी ख्‍यिरा पपा यिन्‍दुप ङे पपा, ख्‍यिरा कोन्‍छ्‍योक यिन्‍दुप ङे कोन्‍छ्‍योककी ते ङ लोक्नी डोयी वे सिनी लोप।” सिनी सुङ्‍सुङ।

लोमा छ्‍येतिवी लाका 17:26

खोकी मी च्‍यिक नेमा राङ दी जम्‍बुलिङ तेरीकी खला देतुप मी रुजेनतिवा तेरी जो नाङ्‍सुङ। तमा मीतिवा ती जम्‍बुलिङला वासिमा चो सेक दे गोवु छे ताङ देतुप दासा साङ जो नाङ्‍सुङ।

लोमा छ्‍येतिवी लाका 17:28

तुक क्‍यानी दाक्‍पु खोकी मुला राङ मिजी क्‍योङ्‍यिन वे, खोकी मुला राङ येर मर कियी वे, तमा खोकी मुला राङ दी जम्‍बुलिङला देयी वे। ती तप्‍की ख्‍यिरा छिक्‍च्‍ये जोपतिवा ललाइकी साङ ‘दाक्‍पु ति वुतुङ के खोकी गिपा राङ यिन।’ सिक्‍या वे।

रोमी 8:29

खोकी जम्‍बुलिङ ज्‍येङ्‍गुप सिनाङ गोमाला के खोरे ङो शेवु मीतिवाला पेनी खोरे पुज्‍युङकी जुजम दोके च्‍युङ्‍गुपला जो नाङ्‍सुङ। तुक क्‍यानी ती पुज्‍युङ ति नुपतिवी नाङ्‍ला तेरी सिनाङ छ्‍ये च्‍युङ्‍गुप यिन।

गलाती 4:4

यिने तुजे छेसिमा कोन्‍छ्‍योककी खोरे सेवुला दी जम्‍बुलिङला तङ्‍नी पुम्‍पेजा यीकी खोक नेमा मोशाकी ठिमकी ओङला क्‍येसुङ।

हिब्रू 10:10

तुक क्‍यानी ती कोन्‍छ्‍योककी नोवा तेरी छे ज्‍यितुपला राङ येशू ख्रीष्‍ट खुरुङ राङ थेङ्‍मा च्‍यिकला राङ जिन्‍बा च्‍युङ्‍नी दाक्‍पुला टेङ्‍बु जो नाङ्‍सुङ।

हिब्रू 10:14

तमा खो च्‍यिक राङ जिन्‍बा च्‍युङ्‍नी दिक्‍पा नेसुर चाङ्‍मा जोवु मीतिवा तेरीला नरीकी थोक्‍ला टेङ्‍बु जो नाङ्‍सुङ।

हिब्रू 11:16

बोरु तिवी याङ ती सिनाङ मङ ल्‍यामु वोतुप देवाच्‍येनकी ग्‍येल्‍खापकी कोर्ला छासे नो क्‍यासुङ। तुक क्‍यानी कोन्‍छ्‍योककी तिवाला “ङ तिवी कोन्‍छ्‍योक यिन।” सिनी सुङ्‍गुपला ङोछा मिकिवी। वुतुङ के खोकी तिवी थोक्‍ला ग्‍येसा च्‍यिक टडिक क्‍यानी ज्‍याङ नङ्‍नी वे।

हिब्रू 13:12

तुक क्‍यानी येशू ख्रीष्‍ट साङ ग्‍येसाकी फिला छेटाङ खुर्सुङ। ती ति खोकी ठक नेसुर दाक्‍पुला दिक्‍पा ने थर च्‍यिनी टेङ्‍बु जोपला यिन।

हिब्रू 2:14

ती पुज्‍युङपुमतिवा श ताङ ठकला वोतुप जु यिन्‍दुप तप्‍की खो साङ तिवा दोके श ताङ ठकला वोतुप जु च्‍युङ्‍सुङ। तुक क्‍यानी खो टुङ्‍नी शेपकी ङार वोतुप शैतानला ना ताङ्‍सुङ।

हिब्रू 3:1

तुक क्‍यानी कोन्‍छ्‍योककी कताङ नङ्‍गुप चाङ्‍मा वोतुप अच्‍युनुपतिवा, दाक्‍पी ख्‍याप्‍टाक क्‍यावु लोमा छ्‍ये ताङ कोङ्‍यार छ्‍ये यिन्‍दुप येशूला नासाम तोङ।