हिब्रू 2:1 - कोन्छ्‌योककी सुङ

¹ तुक क्‍यानी दाक्‍पी थोवु कोन्‍छ्‍योककी सुङ टेङ्‍बुला मङ छासे ङ्‍यम्‍ले कि गोकिवी। मिसियाङ दाक्‍पु ति खोकी सुङ्‍गुप सुङला क्‍युर ज्‍याक्‍नी लाम मेटेङ्‍बुला डो थुप्‍किवी।

हिब्रू 2:1 Iomraidhean Croise

मत्ती 16:9

ख्‍यिराङला तरोङ साङ हाक्‍माको? मी तोङ्‍डा ङला शुब्‍ज्‍याङ ङ चोके स च्‍यितुप पेला तीकी पुर्मातिवा तोलुम चो रुवु ख्‍यिराङला टासा मे?

मर्कूस 8:18

ख्‍यिराङ मिक वोसिनाङ मोथोङ्‍नोक? नाम्‍ज्‍योक वोसिनाङ मोथोनोक? ख्‍यिराङला टेन्‍दा मे?

लूका 8:15

तमा स ल्‍यामुला ख्‍येलुपतिवा ति दिवा राङ यिन। तिवा सेम टेङ्‍बु ताङ ल्‍यामु क्‍यानी सुङ ङ्‍येन्‍नी ती सुङ ति नरी सेमला ज्‍याक्‍नी हम क्‍यान देनी डेलु गोर्किवी।”

लूका 9:44

“ङे ख्‍यिराङला सिक्‍यावु दी ताम्‍ङे ति ख्‍यिरा ङ्‍याम क्‍यानी ङ्‍येना, ङ मी पुज्‍युङ ति मीतिवी लकला चेक तेकिवी।”

यूहन्‍ना 8:59

खोकी तुक सुङ्‍सिमा तिवी दो लानी खोला बेपुप छाल्‍सुङ। यिने येशू यिप्‍नी ते यहूदी ल्‍हङाङ नेसुर थेन्‍नी पाङ्‍ला फेप्‍सुङ।

हिब्रू 12:5

तमा काङ कोन्‍छ्‍योककी सुङगी नाङ्‍ला ख्‍यिराङला खोरो पुज्‍युङतिवाला दोके दुक सिनी टोङ्‍गु बिन्‍दुप ति ख्‍यिरा टोक ज्‍येसुङ? खोकी दुक सिनी सुङ वे, “ओ ङे पुज्‍युङ, चोवो कोन्‍छ्‍योककी ख्‍युरुङला ल्‍यामु च्‍युङ्‍शी सिनी छालेन बिन्‍दुप ति खोङ्‍याम की, खोकी ख्‍युरुङला कप्‍क्‍येन नङ्‍गुप पेला ख्‍युरुङ यिछ्‍येता माकी।

२ पत्रुस 1:15

ङ शिसिमा साङ ख्‍यिरा दी ताम्‍ङे ति नाम्‍साङ टोक मेज्‍येशी सिनी ङ टेमु कितिन।

२ पत्रुस 3:1

ङे ङ्‍यिङ्‍ज्‍येवु अच्‍युनुपतिवा, दी ति ङे ख्‍यिराङला टिवु यिकी ङ्‍यिवा यिनो। दी यिकी ङ्‍यिकरकी नाङ्‍ला माङ्‍शोक ताम्‍ङेतिवा ति ख्‍यिरा सेमला नासाम टेङ्‍बु तोङ ज्‍यितुप सिनी टोङ्‍गु तेरुपला टि वे।