हिब्रू 13:5 - कोन्छ्‌योककी सुङ

⁵ ख्‍यिरा मिजी ति टङ्‍गा डेवाला चा कितुप नेसुर कुतुक दे। ख्‍यिरा मुला चो नोके तोजोयीला राङ सेम लोदिमु च्‍युङ्‍नी दे, च्‍यिलासिसिन कोन्‍छ्‍योककी दुक सुङ्‍नी वे, “ङ ख्‍युरुङला नाम्‍साङ पि मोतोङ, तमा क्‍युर्नी साङ मोज्‍योक।”

हिब्रू 13:5 Iomraidhean Croise

मत्ती 6:19

“ख्‍यिरा थोक्‍ला जम्‍बुलिङला टोङ्‍बा माशोम। जम्‍बुलिङला याङ मुक्‍पा ग्‍यकिवी, च छ्‍यानी ना डिवी, कुर्मेनकी कुनी डिवी।

मत्ती 6:25

“ती तप्‍की ङ ख्‍यिराङला सिरिन, ख्‍यिरा मिजीकी थोक्‍ला काङ साप ताङ काङ थुङ्‍गुप ताङ जुकी थोक्‍ला काङ कोन्‍दुप सिनी पप माकी। मिजी ति साप समा सिनाङ खक्‍छ्‍येवु मिन रो? तमा जु ति कोन्‍दुप मज्‍या सिनाङ खक्‍छ्‍येवु मिन रो?

मत्ती 6:34

तुक क्‍यानी सली थोक्‍ला पप माकी। सली पप ति सला राङ क्‍योङ्‍गिवी। हारिङ खुर गोवु दुक्‍पा हारिङ राङ लङ्‍गिवी।”

मर्कूस 7:22

देर्पा कितुप, सेम दुक्‍टा कितुप, क्‍येन्‍दुप, सेम नोजु कितुप, ठतोक कितुप, मारे तोङ्‍गुप, ङराङ यिन सिरुप ताङ अम्‍बारङ्‍शिङ कितुप यिन।

लूका 3:14

तमा मक्‍मीतिवी साङ टिसुङ, “ङ्‍यिराङ ति काङ कि गोकिवी?” यूहन्‍नाकी तिवाला सिक्‍यासुङ, “सु नेसुर साङ वुर्च्युम ग्‍यप्‍नी टङ्‍गा माठोक, तमा क्‍येन मेटेङ्‍बु ग्‍यप्‍नी माठोक, बोरु दाक दाक्‍पी थोपुप लला लोदिवा क्‍यानी दे।”

लूका 8:14

छेर्माङ दोङ्‍बी पर्ला ख्‍येलुपतिवा ति दिवा राङ यिन। तिवी सुङ ङ्‍येन्‍गिवी, यिने मिजी क्‍योङ्‍गुप पेला पप ताङ टोङ्‍बा ताङ मिजी किर्मुकी नासाम ताङ्‍नी डेलु मोगोर्वी।

रोमी 1:29

तमा मीतिवा तेरी वुल्‍दुङ्‍बा कितुप ताङ दुक्‍टा कितुप ताङ देर्पा कितुप ताङ लाका मेलोक्‍पा कितुप गल वे। तिवा ठतोक कितुप ताङ मी सेतुप ताङ थमु ग्‍यकुप ताङ जिनोक जोप ताङ दुक्‍टा वोतुप नासाम तोङ्‍गुप ताङ ताम्‍ङे क्‍योलुप ताङ

१ कोरिन्‍थी 5:11

चुका मी तीकी ङ कोन्‍छ्‍योकला तेपा कितुप मी यिन सिवी, यिने शम्‍डेन कितुप ताङ देर्पा कितुप ताङ कुला छ्‍यो तोङ्‍गुप ताङ मीला ङ्‍यिर्मु कितुप ताङ छ्‍याङ्‍गेले कितुप याङ्‍ना कुन किवी सिसिन, तुका मीतिवी मुला तम्‍जी माजो, तिवी मुला देनी समा साङ मासा।

१ कोरिन्‍थी 6:10

कुन कितुपतिवा, देर्पा कितुपतिवा, छ्‍याङ्‍गेलेतिवा, मीला मारे तोङ्‍गुपतिवा, च्‍याक्‍पा कितुपतिवा ति कोन्‍छ्‍योककी ग्‍येल्‍खापला लेप मुथुपी।

२ कोरिन्थी 4:9

मीतिवी ङ्‍यिराङला छेटाङ बिन्‍सिनाङ कोन्‍छ्‍योककी ङ्‍यिराङला क्‍युर्नी माज्‍याक वे। मीतिवी ङ्‍यिराङला पोप्‍नी तला ग्‍यप्‍सिनाङ ङ्‍यिराङ येलुङ लानी वे।

एफिसी 5:3

यिने ख्‍यिरा पर्ला शम्‍डेन कितुप ताङ तेरी परकी लाका मेटेङ्‍बु कितुप ताङ देर्पा कितुप लाकातिवा क्‍युर। च्‍यिलासिसिन तुका लाकातिवा कोन्‍छ्‌योकला तेपा कितुप मीतिवी कितुप पोमु मेङ्‍गिवी।

एफिसी 5:5

दी ताम्‍ङे ति ख्‍यिरा तेन्‍तेन क्‍यानी हाक्‍कोवा की। शम्‍डेन कितुप ताङ मेटेङ्‍बु कितुप ताङ देर्पा कितुप ति कुला छ्‍यो तङ्‍गुप च्‍यिन्‍दै यिन। तुका मीतिवा ख्रीष्‍ट ताङ कोन्‍छ्‌योककी ग्‍येल्‍खापला शुक मोछ्‍योवी।

कलस्सी 3:5

तुक क्‍यानी ख्‍यिरा जम्‍बुलिङकी मिजीला वोतुप नोवातिवा तेरी क्‍युर। ती नोवातिवा ति शम्‍डेन कितुप ताङ छ्‍येवु कितुप ताङ चोताम लपुप ताङ नासाम मेलोवा तोङ्‍गुप ताङ देर्पा कितुप यिन। देर्पा कितुप ति कुला छ्‍यो तङ्‍गुप दोके यिन।

१ तिमोथी 3:3

तमा छ्‍याङ्‍गेले मिकिवु ताङ टिम्‍बु ङ्‍यिर्मु मिकिवु, यिने कुसु ज्‍यम्‍बु वोतुप ताङ थमु मग्‍यकुप ताङ नोरला देर्पा मिकिवु ताङ

२ पत्रुस 2:14

तिवा नरी शम्‍डेन कितुप नासाम तिराङ तोङ्‍गिवी। तिवा चो दिक्‍पा क्‍यासिनाङ सेम लो मिदिवी, तिवी तेपा रम्‍बु मेनी सेम नटेकोटे वोतुप मीतिवाला अलम च्‍योलोम जेवी। तिवी सेम ति देर्पा कितुपला छासे खामु गिवी। तुक क्‍यानी तिवा मोताप सुकुप गिपातिवा यिन।

२ पत्रुस 2:3

तिवा देर्पाला ख्‍येल्‍नी ख्‍यिराङला ताम्‍ङे जिनोक जोनी ख्‍यिरा नेसुर ख्‍येप्‍साङ लङ्‍गितो, यिने तिवी खुर गोवु छ्‍येर्पाकी कोर्ला गोमाला के तेन्‍तेन क्‍या वे। तुक क्‍यानी तिवा वुतुङ के ना डिवी।

यहूदा 1:11

ती मीतिवा मोताप सुकुप यिनो! च्‍यिलासिसिन तिवा कयिनकी दला शुसुङ। टङ्‍गी देर्पाला ख्‍येल्‍नी बालामकी दोके मीतिवाला जिनोक जोसुङ। तमा कोरहकी दोके कोन्‍छ्‍योककी तेन्‍दोकला लानी तिवा कोरह दोके ना डिवी।