हिब्रू 13:4 - कोन्छ्‌योककी सुङ

⁴ तेरीकी पर्ला जेन्‍दी ति ताङ्‍देन वोतुप वुङ्‍शी। तमा ख्‍योवा ताङ पेर्मी जेन्‍दी क्‍यासिमा मी यम्‍बा ताङ मुला शम्‍डेन कितुप मेङ्‍गिवी, च्‍यिलासिसिन शम्‍डेन कितुप ताङ यम्‍बा ख्‍योक्‍पेजा याङ्‍ना यम्‍बा पुम्‍पेजा ताङ मुला मेलोक्‍पा कितुपतिवाला कोन्‍छ्‍योककी ठिम क्‍या नङ्‍गिवी।

हिब्रू 13:4 Iomraidhean Croise

१ कोरिन्‍थी 5:13

तेपा मिकिवु मीतिवाला ठिम क्‍या नङ्‍गुप ति कोन्‍छ्‍योक यिन। तुक क्‍यानी कोन्‍छ्‍योककी सुङला साङ टि वे, “काङ ख्‍यिरा पर्ला वोतुप मी दुक्‍टातिवाला तेन्‍नी तोङ!”

१ कोरिन्‍थी 6:18

तुक क्‍यानी ङ ख्‍यिराङला सिरिन, शम्‍डेन कितुप नेसुर कुतुक दे। मीतिवी क्‍यावु यम्‍बा दिक्‍पातिवा तेरी खोरो जुकी फिला मेलोवा जेवी, यिने शम्‍डेन कितुप मी तीकी खोरो जुला राङ मेलोवा जेवी।

१ कोरिन्‍थी 6:9

दुक्‍टा कितुप मीतिवा कोन्‍छ्‍योककी ग्‍येल्‍खापला लेप मुथुपी सिरुप ति ख्‍यिराङला छ्‍या मे? ल्‍यामु क्‍यानी हाक्‍कोवा की। छ्‍येवु छ्‍येमु कितुपतिवा, कुला छ्‍यो तोङ्‍गुपतिवा, शम्‍डेन कितुपतिवा, ख्‍योक्‍पेजा ख्‍योक्‍पेजी पर्ला राङ शम्‍डेन कितुपतिवा,

१ कोरिन्‍थी 7:38

तुक क्‍यानी चुका मी तीकी लङ्‍गुप पुम्‍पेजाला जेन्‍दी किवे, तीकी ल्‍यामु राङ क्‍यावु यिन। चुका मी तीकी जेन्‍दी मिकिवे, तीकी मङ ल्‍यामु क्‍यावु यिन।

१ कोरिन्‍थी 9:5

काङ ङ्‍यिराङला साङ यम्‍बा लोमा छ्‍येतिवा ताङ चोवो येशूकी नुपतिवा ताङ पत्रुसकी दोके तेपा कितुप पेर्मी टिनी युकुप ओङ मे रो?

२ कोरिन्थी 5:10

च्‍यिलासिसिन दाक्‍पु रे रेला ख्रीष्‍टकी ठिम क्‍या नङ्‍गिवी। ती पेला दाक्‍पु खोकी चिप्‍ला लङ गोकिवी। तमा दाक दाक्‍पी दी जम्‍बुलिङला जुला वोतुप पेला ल्‍यामु मेलोवा काङ क्‍यावे, तुकै राङ खोकी ठिम किवी।

गलाती 5:19

दिक्‍पी च्‍योलामकी लाकातिवा शम्‍डेन कितुप ताङ मेटेङ्‍बु कितुप ताङ छ्‍येवु छ्‍येमु कितुप ताङ

गलाती 5:21

ठतोक ङर्केल कितुप ताङ छ्‍याङ्‍गेले ताङ खावाला मुदुवु यिन। तीकी कोर्ला ङे ख्‍यिराङला गोमाला सिक्‍यावे, येलुङ साङ सिरिन। सी दुका लाका किवे, तिवा ति कोन्‍छ्‍योककी ग्‍येल्‍खापला शुक मोछ्‍योवी।

एफिसी 5:5

दी ताम्‍ङे ति ख्‍यिरा तेन्‍तेन क्‍यानी हाक्‍कोवा की। शम्‍डेन कितुप ताङ मेटेङ्‍बु कितुप ताङ देर्पा कितुप ति कुला छ्‍यो तङ्‍गुप च्‍यिन्‍दै यिन। तुका मीतिवा ख्रीष्‍ट ताङ कोन्‍छ्‌योककी ग्‍येल्‍खापला शुक मोछ्‍योवी।

१ थेसलोनिकी 4:6

तमा सी साङ खोरो नुपला मेलोक्‍पा मिकिशी। च्‍यिलासिसिन दी तेरी ताम्‍ङेकी छ्‍येर्पा तेरुप ति कोन्‍छ्‍योक राङ यिन। ङ्‍यिरा ख्‍यिराङला गोमाला राङ सिक्‍यायिन।

१ तिमोथी 3:12

चर्चला ल्हाटे कितुप मी ति पेर्मी च्‍यिक राङ वोतुप वुङ गोकिवी। खोरो पुज्‍युङपुमतिवा ताङ खाङ्‍बा शिङ ल्‍यामु क्‍यानी च्‍योम च्‍योम कि थुपुप वुङ गोकिवी।

१ तिमोथी 3:2

यिने तुका चर्चला गोमा कितुप मीतिवा ति क्‍येन मेतुप ताङ पेर्मी च्‍यिक राङ वोतुप ताङ काङ किसिनाङ छे क्‍यानी कितुप ताङ सेम थिला ज्‍योकुप ताङ मीतिवी ताङ्‍देन क्‍यावु ताङ डेन्‍बुला ताङ्‍देन कितुप ताङ येन्‍देन लोप थुपुप वुङ गोकिवी।

१ तिमोथी 3:4

खोरो खाङ्‍बा शिङ ल्‍यामु कि थुपुप ताङ पेजातिवी खुरुङला ताङ्‍देन क्‍यानी खला ङ्‍येमु जोवु वुङ गोकिवी।

१ तिमोथी 4:3

तिवी जेन्‍दी कितुप मेवी, ललाइ समा साङ साप मेवी सिनी ग्‍येकिवी। यिने ती समातिवा ति तेपा कितुपतिवा ताङ टेङ्‍बु काङ यिन सिनी ङो शेवुतिवी थुचिछे पुल्‍नी सापला कोन्‍छ्‍योककी ज्‍ये नङ्‍गुप यिन।

१ तिमोथी 5:14

ती तप्‍की नाज्‍युङ वोतुप पेला राङ युक्‍सिम फोकुप पुम्‍पेजातिवा जेन्‍दी क्‍यानी पेजातिवा क्‍येनी खाङ्‍बा शिङ क्‍यानी सशी। तमा दाक्‍पी डतिवी दाक्‍पुला ताम्‍ङे जोप लाम मेङ्‍येशी।

तीतस 1:6

गोमा कितुपला पेतुप मी छ्‍ये ति मीतिवी पर्ला लाका मेलोक्‍पा माक्‍यानी क्‍येन मेतुप वुङ गोकिवी। तीकी ति पेर्मी च्‍यिक राङ वोतुप ताङ तीकी पेजातिवा साङ तेपा कितुप ताङ च्‍योलाम ल्‍यामु वोतुप ताङ पपाआमी खला ङ्‍येन्‍दुप वुङ गोकिवी।

हिब्रू 12:16

ख्‍यिरा पर्ला सु साङ शम्‍डेनकी लाका माकी। तमा एसाव दोके कोन्‍छ्‍योकला ङ्‍याम मिकिवु माकी। तीकी समा छेक च्‍यिककी थोक्‍ला पुज्‍युङ छ्‍येकी ओङ साङ चोनी सोसुङ।

ज्‍यल्‍का 22:15

यिने ग्‍येसाकी फिला ति की दोके मेलोवा ताङ जिम्‍डुल छ्‍या देन्‍दुपतिवा ताङ शम्‍डेन कितुपतिवा ताङ शेन्‍बातिवा ताङ ल्‍हलु तेन्‍दुपतिवा ताङ जिनोक जोप ताङ जिनोकला गा कितुपतिवा तिराङ युकिवी।