हिब्रू 13:3 - कोन्छ्‌योककी सुङ

³ ख्‍यिराङ खुरुङ साङ चोन्‍खाङला वोतुप दोके नासाम तङ्‍नी चोन्‍खाङला शोरुप तिवाला ङ्‍याम किसा। तमा मीतिवी पाङ्‍शर तङ्‍गुपतिवाला साङ नासाम तोङ, च्‍यिलासिसिन ख्‍यिराङ साङ जुला राङ वे।

हिब्रू 13:3 Iomraidhean Croise

मत्ती 25:36

ङ पेर्तुङ्‍बा वोतुप पेला ख्‍यिरा ङला मज्‍या कोन बिन्‍सुङ, नान वोतुप पेला ङला ल्‍हटे क्‍यासुङ, चोन्‍खाङला शोरुप पेला ङला ठेतुपला वासुङ।’

मत्ती 25:43

थाक्‍रिङ्‍बुकी मी यिन्‍दुप पेला ख्‍यिरा खाङ्‍बाला ङला गासो माशु, पेर्तुङ्‍बा वोतुप पेला मज्‍या कोन माबिन, तमा नान वोतुप याङ्‍ना चोन्‍खाङला शोरुप पेला ङला ठेतुपला माङु।’

लोमा छ्‍येतिवी लाका 24:23

तमा तीकी मक्‍मी सयी च्‍यिककी खकी छ्‍ये तीला क बिन्‍नी “पावलला ल्‍यामो ल्‍होसा, तीला चोन्‍खाङ नाङ्‍ला ठिम तम्‍बु माकी। तमा सु वानी तीला गोवु च्‍यालकतिवा दाल्‍जा क्‍यासिनाङ माग्‍येका।” सिनी सिक्‍यासुङ।

लोमा छ्‍येतिवी लाका 27:3

ती सला तीला ङ्‍यिराङ सीदोनला लेप्‍सुङ। तमा मक्‍मी छ्‍ये युलियसकी पावलला ङ्‍यिङ्‍ज्‍ये क्‍यानी पावलकी दाल्‍जातिवी चाला गल्‍नी तिवी पावलला दाल्‍जा किटे किशी नोनी डो च्‍यिसुङ।

रोमी 12:15

गा कितुपतिवी मुला गा की, सेम्‍दुक कितुपतिवी मुला सेम्‍दुक की।

१ कोरिन्‍थी 12:26

दोजो जुकी येन्‍लक च्‍यिकला दुक्‍पा ख्‍येल्‍सिन यम्‍बा तेरी येन्‍लकतिवी साङ दुक्‍पा खुर गोकिवी। तमा येन्‍लक च्‍यिकला ताङ्‍देन च्‍युङ्‍सिन यम्‍बा येन्‍लकतिवा तेरीला गा लङ्‍गिवी।

एफिसी 4:1

तुक क्‍यानी ख्रीष्‍टकी थोक्‍ला चोन्‍खाङला शोरुप ङ ख्‍यिराङला ठाकुरे सिनी गोङ्‍बा शोयी। कोन्‍छ्‌योककी ख्‍यिराङला काङगी थोक्‍ला कताङ वे, ती दोके राङ मिजी क्‍योङ।

कलस्सी 4:18

ङ पावलकी छ्‍योक नेमा ख्‍यिराङला टसी देलेक वोतो। दी टसी देलेक सिक्‍यावु ति ङे लाक्‍पी राङ टिवु यिनो। ङ चोन्‍खाङला शोर्नी च्‍याटोक ग्‍यपुप ति ख्‍यिरा टोक माज्‍येता। कोन्‍छ्‍योककी कटिन ति ख्‍यिरा मुला लुशी।

हिब्रू 10:34

तमा चोन्‍खाङला शोरुप मीतिवाला ख्‍यिरा च्‍यम्‍बा क्‍यासुङ, ख्‍यिरा टोङ्‍बा मीतिवी ठोसिनाङ ख्‍यिराङ गा क्‍यानी हम क्‍या देसुङ। च्‍यिलासिसिन ख्‍यिरा मुला ती सिनाङ मङ ल्‍यामु ताङ नरी लुवु टोङ्‍बा वे सिरुप ति ख्‍यिराङला छ्‍या नोक।

हिब्रू 11:37

तमा यम्‍बा ललाइला ति दो पोप्‍नी सेसुङ, ललाइला सोक्‍ली थ्‍वोनी टेनी फेका ङ्‍यी जोनोक। तुक राङ क्‍यानी ललाइला ति खुर्पा थ्‍वोनी सेसुङ, ललाइ ति पेराङ्‍बु गल्‍नी दुक्‍पा खुरिन ताङ पाङ्‍शर तोङ्‍गुप ताङ लुक ताङ रे क्‍वा कोन्‍नी फार ताङ छुर युनी दे गोसुङ।

१ पत्रुस 3:8

तेरी सिनाङ तिङ्‍ला ङ काङ सिरिन सिसिन, ख्‍यिराङ सेम च्‍यिक्‍पा राङ च्‍युङ्‍गुप ताङ च्‍यिककी च्‍यिकला दुक्‍पाला ख्‍येलुप पेला ङाडेङ तेरुप ताङ ङ्‍यिङ्‍ज्‍ये कितुप ताङ च्‍यम्‍बा कितुप ताङ छ्‍येजु मिकिवु वुङ गोकिवी।