हिब्रू 12:2 - कोन्छ्‌योककी सुङ

² तमा दाक्‍पी तेपा गो जुवु ताङ ती तेरी छे ज्‍यितुप चोवो येशूला तिराङ नरी ल्‍हाप। खोकी खोरे दोङ्‍ला वोतुप गाकी थोक्‍ला मीतिवी मारे तङ्‍सिनाङ काङ नो माक्‍यानी हम क्‍यानी ग्‍यङ्‍शिङ लोला टुङ्‍सुङ। तमा कोन्‍छ्‍योककी ग्‍येल्‍ठिककी यावी थाकाला ज्‍युसुङ।

हिब्रू 12:2 Iomraidhean Croise

मत्ती 16:21

ती पेला नेज्‍युनी येशूकी लोमातिवाला “ङ वुतुङ के यरूशलेमला डो गोकिवी, तमा यहूदी गोमा कितुपतिवा ताङ कोङ्‍यार छ्‍येतिवा ताङ यहूदी छ्‍योकी गेकेनतिवी ङला छेटाङ बङी बिन्‍नी सेकिवी, तमा शेप ङ्‍यिमा सुमला कोन्‍छ्‍योककी ङला सेन्‍बु लोङ्‍गिवी।” सिनी सुङ्‍गुप छाल्‍सुङ।

मत्ती 20:28

ङ मी पुज्‍युङ ति मीतिवा नेमा शब्‍ज्‍यी ङ्‍येतुपला वावु मिन, यिने शब्‍ज्‍यी कितुपला ताङ मी बङीला दिक्‍पा ने थर ज्‍यितुपकी थोक्‍ला ङरा मिजी तेरुपला वावु यिन।”

मर्कूस 14:36

लोङ खोकी सुङ्‍सुङ, “पपा, ओ ङे पपा, पपी तेरी कि थुप्‍किवी। दी छेटाङकी कोरा ति ङ नेसुर दोनी नाङ। यिन्‍सिनाङ ङे नोवाला मिन, पपी नोवा दोके राङ च्‍युङ्‍शी।”

मर्कूस 15:28

(तुक क्‍यावु ति कोन्‍छ्‍योककी सुङगी नाङ्‍ला “खो ति मी दुक्‍टातिवी पर्ला मिरा च्‍यिक दोके चिसुङ।” सिनी टिवु ति तेरी छेवुला यिन।)

मर्कूस 16:19

चोवो येशूकी तिवाला तोजोयी सुङ्‍सिमा खो देवाच्‍येन ने तेक्‍नी फेप्सुङ, तमा कोन्‍छ्‍योककी यावी थाकाला ज्‍युसुङ।

मर्कूस 9:12

खोकी तिवाला सुङ्‍सुङ, “वुतुङ के एलिया गोमाला वानी मीतिवाला कोन्‍छ्‍योककी थाकाला ग्‍युर च्‍यिनी ख्रीष्‍टकी थोक्‍ला टडिक किवी। तुकै यिन्‍सिन मी पुज्‍युङकी छेटाङ बङी खुर्नी मीतिवी तीला ङ्‍यिङ्‍मर किवी सिनी कोन्‍छ्‍योककी सुङला च्‍यिला टिवु यिन?

मर्कूस 9:24

ती थोसिमा ती पेजी पपा तीकी वोरु देनिन सिरा “ओ गेकेन, ङ तेपा कितिन। ङला तेपा मेतुपला दाल्‍जा किटे की।” सिनी सिक्‍यासुङ।

लूका 17:5

तमा लोमा च्‍यिङ्‍ङीतिवी येशूला सिक्‍यासुङ, “ङ्‍यिरा तेपा ति फेल च्‍यी।”

लूका 23:11

हेरोदकी खोरो मक्‍मीतिवा ताङ मुला खोला मारे तोङ्‍यिन सिरा मर्च्या क्‍यासुङ, तमा खोला ग्‍येल्‍वुकी कोन्‍दुप च्‍यिन्‍दै छ्‍योवा यी कोन बिन्‍नी पिलातसकी ते लोक्‍नी ताङ्‍सुङ।

लूका 24:26

काङ ख्रीष्‍टकी वुतुङ के दी छेटाङ खुर्नी खोरुङला थोपुप मोवा ङ्‍ये मोगोवी रो?”

यूहन्‍ना 1:29

ती सला तीला यूहन्‍नाकी येशू खोरो चाला फेपिन कितुप थोङ्‍नी, “ल्‍हो ताङ, जम्‍बुलिङ तेरीकी मीतिवाला दिक्‍पा ने थर ज्‍यितुप कोन्‍छ्‍योककी लुक रुक!

यूहन्‍ना 12:24

ङ ख्‍यिराङला टेङ्‍बो सिरिन, दोजो टे सेन च्‍यिक थलाला ख्‍येल्‍नी माशिसिन ती सेन ति च्‍यिक राङ लुकिवी, यिने ती ति थली नाङ्‍ला ख्‍येल्‍नी शिसुङ सिसिन डुमा बङी ग्‍यकिवी।

यूहन्‍ना 12:32

तमा ङ जम्‍बुलिङ ने येर तेकुप पेला तेरी मीतिवाला ङे थाकाला वुङ ज्‍यितिनो।” सिनी सुङ्‍सुङ।

यूहन्‍ना 13:3

पपा कोन्‍छ्‍योककी जम्‍बुलिङकी तेरी ओङ्‍ज्‍येन खुरुङला नङ्‍गुप ताङ खुरुङ कोन्‍छ्‍योक नेमा वानी येलुङ कोन्‍छ्‍योककी चिप्‍ला राङ लोक्‍नी डोप ताम्‍ङे येशूकी हाक्‍कोसुङ।

यूहन्‍ना 6:40

तमा खोकी पुज्‍युङला ल्‍हानी तीला तेपा कितुपतिवा तेरीकी नाम्‍साङ मिशिवु मिजी थोपुप ति ङे पपी नोवा यिन। तमा जम्‍बुलिङकी तिङ्‍मी तुजेला ङ तिवा तेरीला सेन्‍बु लङ ज्‍यितिन।”

यूहन्‍ना 8:56

ख्‍यिरा पगावा अब्राहामकी ङ वुङ्‍गुप तुजे ल्‍हाप नोनी सेमला छासे गा लासुङ, तमा तीकी ङ वुङ्‍गुप ति ल्‍हानी गा क्‍यासुङ।”

लोमा छ्‍येतिवी लाका 2:36

ती तप्‍की ख्‍यिरा ग्‍यङ्‍शिङला कलुप ती येशूला कोन्‍छ्‍योककी चोवो ताङ ख्रीष्‍ट जो नाङ्‍सुङ सिरुप ताम्‍ङे ति तेरी इस्राएलकी मीतिवी ल्‍यामो क्‍यानी हाक्‍को गोकिवी।”

लोमा छ्‍येतिवी लाका 3:15

तमा मिजी नङ्‍गुप तीला सेसुङ। यिन्‍सिनाङ कोन्‍छ्‍योककी खोला शेप ने ङोसु लाङ्‍सुङ। दीकी पङ्‍बु ति ङ्‍यिराङ यिन।

लोमा छ्‍येतिवी लाका 5:31

तमा इस्राएलकी मीतिवाला सेम ग्‍युर ज्‍यितुपला ताङ तिवाला तिवी दिक्‍पा ता ज्‍यितुपला खोला राङ ग्‍येल्‍वु ताङ दिक्‍पा ने थर ज्‍यितुप जोनी कोन्‍छ्‍योककी यावी थाकाला चोछ्‍येवु जोनी ज्‍याक्‍सुङ।

लोमा छ्‍येतिवी लाका 5:41

तमा लोमा छ्‍येतिवा येशूकी मिङला छेटाङ दुङल खुर छ्‍योवु च्‍युङ थुप्‍सुङ सिनी गा कियी सिरा छ्‍योखाङ नेमा पाङ्‍ला थेन गाल।

१ कोरिन्‍थी 1:18

ख्रीष्‍ट दाक्‍पी दिक्‍पी थोक्‍ला ग्‍यङ्‍शिङला कल्‍नी टुङ्‍गुप कोर्ला लेन ल्‍यामु ख्‍याप्‍टाक कितुप पेला तेपा माक्‍यानी ना डोपतिवी “ती ति तेर्मे यिन।” सिनी सिवी, यिने दाक्‍पु दिक्‍पा ने थरुपतिवी याङ “ती ति कोन्‍छ्‍योककी नङ्‍गुप ङार यिन।” सिनी सिवी।

१ कोरिन्‍थी 1:23

यिन्‍सिनाङ ङ्‍यिराङ ति ग्‍यङ्‍शिङला कल्‍नी टुङ्‍गुप येशू ख्रीष्‍टकी कोर्ला सुङ ख्‍याप्‍टाक किवी। ती सुङ ङ्‍येन्‍दुप पेला यहूदीतिवी दी ताम्‍ङे ति कोन्‍छ्‍योकला मारे तोङ्‍गुप यिन सिनी सिवी, ग्रीकतिवी दी ताम्‍ङे ति फेन मोथोवु यिन सिनी सिवी।

एफिसी 2:16

तमा येशू ख्रीष्‍ट ग्‍यङ्‍शिङला टुङ्‍नी दाक्‍पु ङ्‍यिकरला डला गलुप ति च्‍यिक राङ जोनी कोन्‍छ्‌योक ताङ मुला थिन च्‍यिसुङ। तमा यहूदी ताङ मिरिक यम्‍बाकी मीतिवी पर्ला ङ्‍यिङ्‍मर कितुप ताम्‍ङेतिवा ना ताङ नाङ्‍सुङ।

एफिसी 5:2

येशू ख्रीष्‍टकी दाक्‍पुला ङ्‍यिङ्‍ज्‍ये क्‍या नङ्‍नी कोन्‍छ्‌योकला गा लङ्‍गुप बुल्‍वा ताङ जिन्‍बा च्‍युङ्‍नी दाक्‍पी दिक्‍पी थोक्‍ला टुङ्‍सुङ। तुक राङ क्‍यानी ख्‍यिराङ साङ च्‍यिककी च्‍यिकला ङ्‍यिङ्‍ज्‍ये की।

फिलिप्पी 1:6

तमा ख्‍यिरा मिजीला लाका ल्‍यामु गो जुवु कोन्‍छ्‍योककी राङ येशू ख्रीष्‍ट फेवु तुजे सेक ख्‍यिरा मुला ज्‍युनी ती लाका ति सिन्‍दा किवी सिरुप ति ङला तेपा वे।

फिलिप्पी 3:20

यिने दाक्‍पु याङ देवाच्‍येनला वोतुप कोन्‍छ्‍योककी ग्‍येल्‍खापकी मीतिवा यिन। तमा दाक्‍पुला दिक्‍पा ने थर ज्‍यितुपला देवाच्‍येन नेमा फेपुप येशू ख्रीष्‍टला राङ दाक्‍पु छासे गुनी देन वे।

२ तिमोथी 4:8

त याङ कोन्‍छ्‍योककी चिप्‍ला ङे लाका टेङ्‍बु क्‍यावु छ्‍यक्‍तक ङ्‍ये गोवु तिराङ लुनी वे। ती ति ठिम क्‍या नङ्‍गुप टेङ्‍बु वोतुप कोन्‍छ्‍योककी राङ ङला नङ्‍गिवी। ङला तिराङ मिन, खो फेपुप तुजे सेक तेपा क्‍यानी गु देतुपतिवा तेरीला खोकी नङ्‍गिवी।

हिब्रू 1:13

चुका देवाच्‍येनकी लेन क्‍योलुप थु तीला कोन्‍छ्‍योककी “ख्‍योरो डतिवाला तेरी ख्‍योरो काङ्‍बी वोक्‍ला मालेपा सेक्‍ला ख्‍युरुङ ङे यावी थाकाला दे।” सिनी सुङ्‍सुङ रो?

हिब्रू 1:3

खोकी सेवुकी कोन्‍छ्‍योककी मोवा छासे चोछ्‍येवु वोतुप ति छ्‍या देन्‍गिवी, तमा खो ति वुतुङ के कोन्‍छ्‍योक दोके राङ यिन। खोकी खोरो ङार छ्‍येवु सुङ नेसुर राङ स ताङ नामगी तेरी च्‍यालकतिवी खला ग्‍येला किवी। मीतिवाला दिक्‍पा ने थरुप लाका सिन्‍सिमा खो देवाच्‍येनला चोछ्‍येवु कोन्‍छ्‍योककी छ्‍याक यावी थाकाला ज्‍यु वे।

हिब्रू 10:14

तमा खो च्‍यिक राङ जिन्‍बा च्‍युङ्‍नी दिक्‍पा नेसुर चाङ्‍मा जोवु मीतिवा तेरीला नरीकी थोक्‍ला टेङ्‍बु जो नाङ्‍सुङ।

हिब्रू 10:33

तोजो पेला माङ्‍शोक मीतिवी ख्‍यिराङला तेरी मीतिवी मिङ्‍गाला मारे तोङ्‍गुप ताङ छेटाङ बिन्‍सुङ। यम्‍बा पेला ति ख्‍यिरा यम्‍बा दुक्‍पा खुरुप मीतिवी मुला दुक्‍पा खुर्सुङ।

हिब्रू 11:36

तमा यम्‍बा ललाइला ति मीतिवी मर्च्या कितुप ताङ तल्‍ज्‍येक थ्‍वोनी दुसुङ। तमा यम्‍बा ललाइला ति च्‍याटोक ग्‍यप्‍नी चोन्‍खाङला उप्‍सुङ।

हिब्रू 12:3

ख्‍यिराङ चो दुक्‍पा खुर गोसिनाङ येन छ्‍येनी यिछ्‍येता मिकिवुला मी दिक्‍छेनतिवी चो ङ्‍यिङ्‍मर क्‍यासिनाङ हम क्‍यानी देतुप येशूला नासाम तोङ।

हिब्रू 13:13

ती दोके दाक्‍पु साङ मीतिवा देतुप दासा नेसुर फिला येशूकी चिप्‍ला डोप। तमा दाक्‍पु साङ खोकी दोके मीतिवी मारे तङ्‍सिनाङ हम क्‍यानी देतुप।

हिब्रू 5:9

तमा येशू टेङ्‍बु च्‍युङ्‍नी कोन्‍छ्‍योककी कला ङ्‍येन्‍दुप तप्‍की येशूकी कला ङ्‍येन्‍दुप तेरी मीतिवाला खो नरीकी थोक्‍ला दिक्‍पा ने थर्वा नङ्‍गुप च्‍युङ्‍सुङ।

हिब्रू 7:19

च्‍यिलासिसिन ती ठिमकी सुला साङ कोन्‍छ्‍योककी थोङ्‍दाङला टेङ्‍बु जो माथुप। तुक क्‍यानी तीकी छापला कोन्‍छ्‍योककी दाक्‍पुला मङ ल्‍यामु रेवा च्‍यिक नङ वे। ती रेवाकी दाक्‍पुला कोन्‍छ्‍योककी चाला क्‍योल्‍गिवी।

हिब्रू 8:1

त ङ्‍यिरा सिक्‍यावु खक्‍छ्‍येवु ताम्‍ङे ति दी राङ यिन, दाक्‍पी थोक्‍ला तेरी सिनाङ कोङ्‍यार छ्‍ये मिरा च्‍यिक ज्‍यु वे। खो देवाच्‍येनकी चोछ्‍येवु कोन्‍छ्‍योककी ग्‍येल्‍ठिककी यावी थाकाला ज्‍यु वे।

हिब्रू 9:28

तुक क्‍यानी ख्रीष्‍ट ति मी बङीकी दिक्‍पा ता ज्‍यितुपला थेङ्‍मा च्‍यिकला राङ खुरुङ जिन्‍बा च्‍युङ्‍सुङ। त खो थेङ्‍मा ङ्‍यिवाला येलुङ फेप्‍किवी। खो येलुङ फेपुप पेला दिक्‍पा खुरुपला मिन, यिने खो फेवु लाम ल्‍हानी देतुपतिवाला थर ज्‍यितुपला फेप्‍किवी।

याकूब 2:1

ङे ङ्‍यिङ्‍ज्‍येवु अच्‍युनुपतिवा, ख्‍यिराङ मोवा वोतुप दाक्‍पी चोवो येशू ख्रीष्‍टला तेपा कितुप मीतिवा यिन्‍दुप तप्‍की मी सुला साङ ख्‍ये बेतुप लाका माकी।

१ पत्रुस 1:11

तिवी ती थर्वा ति नम पेला गिवी, चुक क्‍यानी गिवी सिनी हाक्‍कोवु छाल्‍सुङ। तमा तिवी सेमला वोतुप ख्रीष्‍टकी थु चाङ्‍मा नेसुर ख्रीष्‍टकी खुर गोवु छेटाङ ताङ ती ज्‍युक्‍ला वुङ्‍गुप मोवाकी थोक्‍ला गोमाला के पङ्‍बु छ्‍या तेन्‍सुङ।

१ पत्रुस 3:18

च्‍यिलासिसिन चोवो येशू ख्रीष्‍ट साङ दिक्‍पातिवी तेन्‍दोकला थेङ्‍मा च्‍यिक टुङ्‍सुङ, खो दिक्‍पा मेसिनाङ मेटेङ्‍बुतिवाला कोन्‍छ्‍योककी मुला तम्‍जी ल्‍यामु जोपला टुङ्‍गुप यिन। खोकी जु ति टुङ सिनाङ खोकी थु ति कोन्‍छ्‍योककी ङोसु लाङ्‍सुङ।

१ पत्रुस 3:22

खो देवाच्‍येनला फेप्‍सुङ, तमा देवाच्‍येनकी लेन क्‍योलुप थुतिवा ताङ ओङ्‍ज्‍येन कितुपतिवा ताङ ङारतिवाला खोरे ओङला ज्‍याक्‍नी खो ति कोन्‍छ्‍योककी यावी थाकाला वोतुप ठीला ज्‍युसुङ।

यहूदा 1:21

तमा दाक्‍पी चोवो येशू ख्रीष्‍टकी नाम्‍साङ मिशिवु मिजी नङ्‍गुप च्‍यम्‍बाकी थोक्‍ला गुनी देतुप पेला कोन्‍छ्‍योककी नङ्‍गुप ङ्‍यिङ्‍ज्‍येला क्‍युर्नी माज्‍योक।

ज्‍यल्‍का 1:11

“ख्‍योरो काङ थोङ्‍गुप ति थेप च्‍यिककी नाङ्‍ला टिनी एफिसस ताङ स्‍मुर्ना ताङ पर्गामम ताङ थिआटीरा ताङ सार्डिस ताङ फिलाडेल्‍फिया ताङ लाउडिकिया चर्च दिन्‍करला तोङ।”

ज्‍यल्‍का 1:17

खोला थोङ्‍सिमा ङ ति शेप दोके गल्‍नी तला ग्‍यप्‍सुङ। तमा खोकी छ्‍याक यावा ति ङे खला ज्‍याक्‍नी दुक सिनी सुङ्‍सुङ, “ज्‍यिवा माकी। थल्‍मा नेज्‍युनी वोतुप ति ङ राङ यिन, तिङ्‍ला सेक नरी लुवु साङ ङ राङ यिन।

ज्‍यल्‍का 1:8

“ङ ति अल्‍फा ताङ ओमेगा यिन।” सिनी तेरी सिनाङ चोछ्‍ये वोतुप चोवो कोन्‍छ्‍योककी सुङ्‍नी वे। खो हारिङ ज्‍यु वे, थल्‍माला साङ ज्‍यु वोतुप यिन, लोङ तिङ्‍ला साङ फेप्‍किवी।

ज्‍यल्‍का 2:8

“स्‍मुर्नाला वोतुप चर्चला ल्‍हटे कितुप देवाच्‍येनकी लेन क्‍योलुप तीला दी ताम्‍ङे ति टिसा। ‘दी ताम्‍ङे ति थल्‍माला वोतुप ताङ तिङ्‍ला सेक नरी लुवु ताङ शिनी येलुङ ङोसु लावु तीकी सुङ्‍गुप यिन।