हिब्रू 10:5 - कोन्छ्‌योककी सुङ

⁵ तुक क्‍यानी ख्रीष्‍ट दी जम्‍बुलिङला फेपुप पेला खोकी कोन्‍छ्‍योकला दुक सुङ्‍नी वे, “जिन्‍बा ताङ बुल्‍वातिवा चोवोला मोगोवी, यिने चोवोकी ङे थोक्‍ला जु च्‍यिक टडिक क्‍या नङ वे।

हिब्रू 10:5 Iomraidhean Croise

मत्ती 11:3

“कोन्‍छ्‍योककी तङ्‍गुप ख्रीष्‍ट ति ख्‍युरुङ राङ यिनाङ की, ङ्‍यिराङ मी यम्‍बाला गुनी दे गोकिवी?”

लूका 1:35

देवाच्‍येनकी लेन क्‍योलुप थु तीकी तीला सिक्‍यासुङ, “कोन्‍छ्‍योककी थु चाङ्‍मा ख्‍योरो खला फेप्‍कितो, तमा चोछ्‍येवु कोन्‍छ्‍योककी ओङ ति ख्‍योरो खला ख्‍येल्‍गितो। तुक क्‍यानी क्‍येप आङा ति चाङ्‍मा वोतुप यिन, मीतिवी खोला कोन्‍छ्‍योककी सेवु सिनी सितो।

लूका 7:19

दुक सिनी येशूला टेपला खोकी चाला ताङ्‍सुङ, “फेप्‍किवी सिनी सिक्‍यावु ति गेकेन राङ यिनाङ की, ङ्‍यिराङ मी यम्‍बाला राङ गुनी दे गोकिवी?”

यूहन्‍ना 1:14

तमा ती सुङ ति मी जुजमला दाक्‍पी पर्ला ज्‍युसुङ। खोकी मोवा ङ्‍यिरा थोङ्‍सुङ, तमा ती मोवा ति कोन्‍छ्‍योककी च्‍यिक राङ वोतुप खोकी सेवुकी मोवा यिनोक। खो ति छासे कटिन ताङ टेङ्‍बुकी क्‍येङ नोक।

गलाती 4:4

यिने तुजे छेसिमा कोन्‍छ्‍योककी खोरे सेवुला दी जम्‍बुलिङला तङ्‍नी पुम्‍पेजा यीकी खोक नेमा मोशाकी ठिमकी ओङला क्‍येसुङ।

१ तिमोथी 3:16

वुतुङ के छ्‍याकला वोतुप दाक्‍पी क्‍यावु तेपाकी तेन्‍दोक ति छासे छ्‍ये वे। “येशू ख्रीष्‍ट ति मी जुजमला दी जम्‍बुलिङला फेप्‍सुङ। तमा कोन्‍छ्‍योककी थु चाङ्‍माकी खोला टेङ्‍बु वोतुप सिनी चिसुङ। खो देवाच्‍येनकी लेन क्‍योलुप थुतिवी पर्ला थोङ्‍सुङ। तमा खोकी कोर्ला लुङ्‍बा लुङ्‍बाला ख्‍याप्‍टाक क्‍यासुङ। जम्‍बुलिङकी मीतिवी खोला तेपा क्‍यासुङ। येलुङ कोन्‍छ्‍योककी खोला ताङ्‍देन ताङ क्‍यानी देवाच्‍येन ने तेक्‍नी फेप्‍सुङ।”

हिब्रू 1:6

यिने खोकी खोरे पुज्‍युङ छ्‍येला जम्‍बुलिङला तोङ्‍गुप पेला दुक सुङ्‍सुङ, “कोन्‍छ्‍योककी तेरी देवाच्‍येनकी लेन क्‍योलुप थुतिवी तीला राङ सोवा देक्‍शी।”

हिब्रू 10:10

तुक क्‍यानी ती कोन्‍छ्‍योककी नोवा तेरी छे ज्‍यितुपला राङ येशू ख्रीष्‍ट खुरुङ राङ थेङ्‍मा च्‍यिकला राङ जिन्‍बा च्‍युङ्‍नी दाक्‍पुला टेङ्‍बु जो नाङ्‍सुङ।

हिब्रू 10:7

तमा ङे ‘ओ कोन्‍छ्‍योक, ल्हो ताङ ङ दे वे। कोन्‍छ्‍योककी सुङला ङे कोर्ला टि वोतुप दोके ङ ख्‍योरे नोवाला वोतुपतिवा तेरी छे ज्‍यितुपला वावु यिन।’ सिनी सिक्‍यायी।”

हिब्रू 10:8

गोमाला खोकी दुक सुङ्‍नी वे, “जिन्‍बा ताङ बुल्‍वातिवा ताङ सेम्‍ज्‍येन सेनी र्‍हेसिमा जिन्‍बा पुलुप ताङ दिक्‍पी थोक्‍ला बुल्‍वा पुलुप ति चोवोला मागोसुङ, तमा गा साङ माक्‍यासुङ।” यिन्‍सिनाङ तिवा ति कोन्‍छ्‍योककी ठिमला सुङ्‍गुप दोके क्‍यावु तिराङ यिन।

हिब्रू 2:14

ती पुज्‍युङपुमतिवा श ताङ ठकला वोतुप जु यिन्‍दुप तप्‍की खो साङ तिवा दोके श ताङ ठकला वोतुप जु च्‍युङ्‍सुङ। तुक क्‍यानी खो टुङ्‍नी शेपकी ङार वोतुप शैतानला ना ताङ्‍सुङ।

हिब्रू 5:7

येशू दी जम्‍बुलिङला मी जुजमला ज्‍युवु पेला खुरुङला शेप ने ङोसु लोङ थुपुप कोन्‍छ्‍योकला थोर ग्‍यप्‍नी ङुयी सिरा मोपोर क्‍यावु ति खोकी सेन्‍सुङ। च्‍यिलासिसिन येशूकी टेङ्‍बु क्‍यानी खोला ताङ्‍देन क्‍या नाङ्‍सुङ।

हिब्रू 8:3

तेरी कोङ्‍यार छ्‍येतिवा ति बुल्‍वा ताङ सेम्‍ज्‍येन सेनी जिन्‍बा बुलुपला पेतुपतिवा यिन। तुक क्‍यानी दी कोङ्‍यार छ्‍येकी साङ काङ रे च्‍यिक रे बुल्‍वा बुल राङ गोकिवी।

१ पत्रुस 2:24

तमा दाक्‍पी दिक्‍पातिवा तेरी क्‍युर्नी कोन्‍छ्‍योककी थोङ्‍दाङला टेङ्‍बु वोतुप मिजी क्‍योङ्‍शी सिनी दाक्‍पी दिक्‍पा खोकी जुला खुर्नी ग्‍यङ्‍शिङला टुङ्‍सुङ। खोकी जुला म थेन्‍दुप तप्‍की ख्‍यिरा नेजु टेक्‍सुङ।

२ यूहन्‍ना 1:7

दी जम्‍बुलिङला जिनोक जोप मीतिवा बङी वा वे। तिवी येशू ख्रीष्‍ट मी जुजमला फेवु यिन सिनी मी मिङ्‍गाला मिसिरी। तुका मीतिवा जिनोक जोप ताङ ख्रीष्‍टकी तेन्‍दोकला लङ्‍गुप मी यिन।