हिब्रू 10:10 - कोन्छ्‌योककी सुङ

¹⁰ तुक क्‍यानी ती कोन्‍छ्‍योककी नोवा तेरी छे ज्‍यितुपला राङ येशू ख्रीष्‍ट खुरुङ राङ थेङ्‍मा च्‍यिकला राङ जिन्‍बा च्‍युङ्‍नी दाक्‍पुला टेङ्‍बु जो नाङ्‍सुङ।

हिब्रू 10:10 Iomraidhean Croise

यूहन्‍ना 17:19

तिवी थोक्‍ला ङे ङरा राङ चाङ्‍मा जोयिन, ती ति तिवा साङ सुङ टेङ्‍बु नेसुर चाङ्‍मा च्‍युङ्‍शी सिनी यिन।”

यूहन्‍ना 19:34

यिने मक्‍मीतिवी पर्ला मिरा च्‍यिककी दुङ थ्वोनी येशूकी याशिङ्‍बाला सुर्सुङ, तमा तेसुर शार्क्येक ठक ताङ छ्‍यु थेन्‍सुङ।

यूहन्‍ना 6:51

ङ ति देवाच्‍येन नेमा पाम वोवु सेन्‍बु वोतुप शुब्‍ज्‍याङ यिन। सी दी शुब्‍ज्‍याङ सेवे, तिवा नाम्‍साङ मिशिवी। ती शुब्‍ज्‍याङ ति ङे जु यिन, तमा ती जुकी जम्‍बुलिङकी मीतिवा तेरीला मिजी तेर्किवी।”

१ कोरिन्‍थी 1:30

यिने कोन्‍छ्‍योककी ख्‍यिराङला येशू ख्रीष्‍ट ताङ मुला जु च्‍यिक राङ जो नङ्‍गुप यिन। खोकी ख्रीष्‍ट नेमा दाक्‍पुला खोकी रिक्‍पा नाङ्‍सुङ। तमा खोकी थोङ्‍दाङला दाक्‍पुला चाङ्‍मा ताङ टेङ्‍बु वोतुप जोनी दिक्‍पा ने थर च्‍यिसुङ।

१ कोरिन्‍थी 6:11

गोमाला याङ ख्‍यिराङ साङ ललाइ तुकै राङ नोक। यिने त याङ चोवो येशू ख्रीष्‍ट ताङ दाक्‍पी कोन्‍छ्‍योककी थु चाङ्‍मा नेमा ख्‍यिरा दिक्‍पातिवा तानी ख्‍यिराङ टेङ्‍बु ताङ चाङ्‍मा च्‍युङ वे।

एफिसी 5:2

येशू ख्रीष्‍टकी दाक्‍पुला ङ्‍यिङ्‍ज्‍ये क्‍या नङ्‍नी कोन्‍छ्‌योकला गा लङ्‍गुप बुल्‍वा ताङ जिन्‍बा च्‍युङ्‍नी दाक्‍पी दिक्‍पी थोक्‍ला टुङ्‍सुङ। तुक राङ क्‍यानी ख्‍यिराङ साङ च्‍यिककी च्‍यिकला ङ्‍यिङ्‍ज्‍ये की।

एफिसी 5:26

खोकी तुक क्‍या नङ्‍गुप ति चर्चला खोकी सुङ नेसुर चाङ्‍मा ताङ टेङ्‍बु जो नाङ्‍शी,

हिब्रू 10:12

यिने ख्रीष्‍टकी याङ थेङ्‍मा च्‍यिकला नरीकी थोक्‍ला खोरुङ राङ जिन्‍बा च्‍युङ्‍सुङ। तमा खो कोन्‍छ्‍योककी यावी थाकाला ज्‍युसुङ।

हिब्रू 10:14

तमा खो च्‍यिक राङ जिन्‍बा च्‍युङ्‍नी दिक्‍पा नेसुर चाङ्‍मा जोवु मीतिवा तेरीला नरीकी थोक्‍ला टेङ्‍बु जो नाङ्‍सुङ।

हिब्रू 10:20

खो टुङ्‍सिमा दाक्‍पुला चाङ्‍मा वोतुप कुरकी नङगी गोयोल नेसुर मिजी सम्‍बा थोपुप लाम सम्‍बा पेनी वे। ती गोयोलकी तेन्‍दोक ति खोकी जु यिन।

हिब्रू 10:29

कोन्‍छ्‍योककी सेवुला मारे तोङ्‍गुपतिवा ताङ खुरुङला चाङ्‍मा जोवु कोन्‍छ्‍योककी थाक्‍छ्‍येतुप ठकला मेचेङ्‍गा जोप ताङ कटिन नङ्‍गुप खोकी थु चाङ्‍माला मारे तोङ्‍गुपतिवाला मङ छासे पर्च्या फोकिवी। ती ति ख्‍यिराङ राङ नासाम तोङ।

हिब्रू 10:5

तुक क्‍यानी ख्रीष्‍ट दी जम्‍बुलिङला फेपुप पेला खोकी कोन्‍छ्‍योकला दुक सुङ्‍नी वे, “जिन्‍बा ताङ बुल्‍वातिवा चोवोला मोगोवी, यिने चोवोकी ङे थोक्‍ला जु च्‍यिक टडिक क्‍या नङ वे।

हिब्रू 13:12

तुक क्‍यानी येशू ख्रीष्‍ट साङ ग्‍येसाकी फिला छेटाङ खुर्सुङ। ती ति खोकी ठक नेसुर दाक्‍पुला दिक्‍पा ने थर च्‍यिनी टेङ्‍बु जोपला यिन।

हिब्रू 2:11

मीला दिक्‍पा नेसुर टेङ्‍बु जो नङ्‍गुप येशू ताङ खोकी टेङ्‍बु जोवु मी तेरीकी पपा ति च्‍यिक राङ वे। तुक क्‍यानी खोकी खोरे राङ टेङ्‍बु जो नङ्‍गुप मीतिवाला ङे नुपतिवा सिरुपला खो ङोछा मिकिवी।

हिब्रू 2:14

ती पुज्‍युङपुमतिवा श ताङ ठकला वोतुप जु यिन्‍दुप तप्‍की खो साङ तिवा दोके श ताङ ठकला वोतुप जु च्‍युङ्‍सुङ। तुक क्‍यानी खो टुङ्‍नी शेपकी ङार वोतुप शैतानला ना ताङ्‍सुङ।

हिब्रू 5:7

येशू दी जम्‍बुलिङला मी जुजमला ज्‍युवु पेला खुरुङला शेप ने ङोसु लोङ थुपुप कोन्‍छ्‍योकला थोर ग्‍यप्‍नी ङुयी सिरा मोपोर क्‍यावु ति खोकी सेन्‍सुङ। च्‍यिलासिसिन येशूकी टेङ्‍बु क्‍यानी खोला ताङ्‍देन क्‍या नाङ्‍सुङ।

हिब्रू 7:27

खो ति यम्‍बा कोङ्‍यार छ्‍येतिवा दोके मिन। यम्‍बा कोङ्‍यार छ्‍येतिवी खोरो दिक्‍पी थोक्‍ला ताङ ती ज्‍युक्‍ला मी यम्‍बी दिक्‍पी थोक्‍ला ङ्‍यिमी टेङ जिन्‍बा तोङ गोकिवी, यिने खो याङ थेङ्‍मा च्‍यिकला राङ खोरो मिजी ति जिन्‍बा च्‍युङ्‍सुङ।

हिब्रू 9:12

खो दासा चाङ्‍मा नेसुर क्‍यानी तेरी सिनाङ चाङ्‍मा वोतुप दासाला फेप्‍सुङ। ती पेला खो रौ ताङ लङ्‍डुकी ठक खुर्नी फेपुप मिन, यिने खो ग्‍यङ्‍शिङला टुङ्‍नी थेन्‍दुप खोरे ठक नेसुर थेङ्‍मा च्‍यिकला राङ फेप्‍नी ती ठक नेसुर खोकी दाक्‍पी थोक्‍ला नाम्‍साङ मिशिवु थर्वा ङ्‍येसुङ।

हिब्रू 9:14

नरीकी नरी लुवु कोन्‍छ्‍योककी थु चाङ्‍माकी ओङला खुरुङ राङ क्‍येन मेतुप बुल्‍वा च्‍युङ्‍नी कोन्‍छ्‍योकला बुलुप ख्रीष्‍टकी ठककी याङ मङ छासे क्‍यानी शेप ते क्‍योलुप लाकातिवा नेसुर दाक्‍पी सेम ति टेङ्‍बु जोनी ङोसु वोतुप कोन्‍छ्‍योकला शब्‍ज्‍यी कि थुपुप मोजोवी रो?

हिब्रू 9:26

मिसियाङ जम्‍बुलिङ ज्‍येङ्‍गुप पेला नेज्‍यु तन्‍दा सेक ख्रीष्‍टकी येलुङ येलुङ दुक्‍पा खुर गोवुजा। यिने खो याङ दिक्‍पा पङ्‍गुपला थेङ्‍मा च्‍यिकला राङ जिन्‍बा च्‍युङ्‍गुपला दी कल्‍वाकी तिङ्‍मी तुजेला फेप्‍सुङ।

हिब्रू 9:28

तुक क्‍यानी ख्रीष्‍ट ति मी बङीकी दिक्‍पा ता ज्‍यितुपला थेङ्‍मा च्‍यिकला राङ खुरुङ जिन्‍बा च्‍युङ्‍सुङ। त खो थेङ्‍मा ङ्‍यिवाला येलुङ फेप्‍किवी। खो येलुङ फेपुप पेला दिक्‍पा खुरुपला मिन, यिने खो फेवु लाम ल्‍हानी देतुपतिवाला थर ज्‍यितुपला फेप्‍किवी।

१ पत्रुस 2:24

तमा दाक्‍पी दिक्‍पातिवा तेरी क्‍युर्नी कोन्‍छ्‍योककी थोङ्‍दाङला टेङ्‍बु वोतुप मिजी क्‍योङ्‍शी सिनी दाक्‍पी दिक्‍पा खोकी जुला खुर्नी ग्‍यङ्‍शिङला टुङ्‍सुङ। खोकी जुला म थेन्‍दुप तप्‍की ख्‍यिरा नेजु टेक्‍सुङ।

१ पत्रुस 3:18

च्‍यिलासिसिन चोवो येशू ख्रीष्‍ट साङ दिक्‍पातिवी तेन्‍दोकला थेङ्‍मा च्‍यिक टुङ्‍सुङ, खो दिक्‍पा मेसिनाङ मेटेङ्‍बुतिवाला कोन्‍छ्‍योककी मुला तम्‍जी ल्‍यामु जोपला टुङ्‍गुप यिन। खोकी जु ति टुङ सिनाङ खोकी थु ति कोन्‍छ्‍योककी ङोसु लाङ्‍सुङ।

१ यूहन्‍ना 5:6

ती येशू ति छ्‍यु ताङ ठक नेमा फेवु यिन। छ्‍यु तिराङ मिन, छ्‍यु ताङ ठक नेसुर फेवु यिन। पङ्‍बु तेरुप ति कोन्‍छ्‍योककी थु चाङ्‍मा यिन, च्‍यिलासिसिन कोन्‍छ्‍योककी थु चाङ्‍मा ति टेङ्‍बु वे।