हिब्रू 1:9 - कोन्छ्‌योककी सुङ

⁹ चोवोकी ताम्‍ङे टेङ्‍बुला सेमला डिवी, ताम्‍ङे मेटेङ्‍बुला ङ्‍यिङ्‍मर क्‍या नङ्‍गिवी। तुक क्‍यानी कोन्‍छ्‍योक, कोन्‍छ्‍योककी चोवोला पेनी चोवोकी दाल्‍जातिवाला सिनाङ मङ गा ताङ ताङ्‍देन क्‍या नाङ्‍सुङ।”

हिब्रू 1:9 Iomraidhean Croise

लूका 4:18

“चोवो कोन्‍छ्‍योककी थु चाङ्‍मा ङे खला ख्‍येल वे। खोकी ङला पेराङ्‍बुतिवाला लेन ल्‍यामु ख्‍याप्‍टाक कितुपला चिनी वे। तमा चोन्‍खाङला शोरुपतिवाला ताङ मिक मोथोङ्‍गुपतिवाला पि तोङ्‍गुपकी कोर्ला ख्‍याप्‍टाक कितुपला ङला ताङ्‍सुङ। तमा मी ङ्‍यप्‍च्‍येला ख्‍येलुपतिवाला पि तोङ ज्‍यितुपला ताङ

यूहन्‍ना 1:41

तीकी येशूला ठेसिमा तेरी सिनाङ गोमाला खोरो उज्‍यु सिमोनकी चाला गल्‍नी, “ङ्‍यिरा याङ मसीहला ठेसुङ।” सिनी सिक्‍यासुङ। (ती मसीह सिक्‍यावु तेन्‍दोक ति ख्रीष्‍ट यिन।)

यूहन्‍ना 10:17

पपी ङला ङ्‍यिङ्‍ज्‍ये क्‍या नङ्‍गिवी। च्‍यिलासिसिन ङ ङरा राङ शि ज्‍यितिन, तमा येलुङ ङे मिजी ति छुर लोकिन।

यूहन्‍ना 20:17

तमा येशूकी तीला “ङला जिम जिम्‍वा माज्‍योक, च्‍यिलासिसिन ङ तरोङ साङ पपी चाला लोक्‍नी मागल वे। यिने ख्‍युरुङ ङे लोमातिवी चाला गल्‍नी ख्‍यिरा पपा यिन्‍दुप ङे पपा, ख्‍यिरा कोन्‍छ्‍योक यिन्‍दुप ङे कोन्‍छ्‍योककी ते ङ लोक्नी डोयी वे सिनी लोप।” सिनी सुङ्‍सुङ।

यूहन्‍ना 3:34

कोन्‍छ्‍योककी तङ्‍गुप तीकी कोन्‍छ्‍योककी सुङ लप्‍किवी, च्‍यिलासिसिन कोन्‍छ्‍योककी तीला खोकी थु चाङ्‍मा छासे मङ्‍मु नङ्‍गुप तप्‍की यिन।

लोमा छ्‍येतिवी लाका 10:38

कोन्‍छ्‍योककी नासरतकी येशूला खोकी थु चाङ्‍मा ताङ ङार छ्‍येवु ओङ नाङ्‍सुङ। तमा कोन्‍छ्‍योक ति खोकी मुला राङ ज्‍यु वोतुप तप्‍की लुङ्‍बाकी छो ज्‍यीला खोकी लाका ल्‍यामुतिवा कियी शैतानकी दुक्‍पा बिन्‍नी नानी वोतुप ताङ डेकी कुलुपतिवा तेरीला टेक च्‍यितुप ति ख्‍यिराङला साङ छ्‍या वे।

लोमा छ्‍येतिवी लाका 4:26

चोवो कोन्‍छ्‍योक ताङ खोकी पेन नङ्‍गुप ख्रीष्‍टकी तेन्‍दोकला ग्‍येल्‍वुतिवा ताङ ओङ्‍ज्‍येन कितुपतिवा जोम्‍नी लासुङ।’

लोमा छ्‍येतिवी लाका 4:27

वुतुङ के हेरोद ताङ पन्‍तियस पिलातस ङ्‍यिकर यहूदी मिन्‍दुक मिरिक यम्‍बातिवा ताङ इस्राएलकी मीतिवी मुला दी ग्‍येसाला राङ जोम्‍सुङ, तमा जोम्‍सिमा कोन्‍छ्‍योककी खोरुङला शब्‍ज्‍यी बुलुपला पेन नङ्‍गुप चाङ्‍मा वोतुप येशूकी तेन्‍दोकला लासुङ।

रोमी 12:9

ख्‍यिराङ मी यम्‍बाला ङ्‍यिङ्‍ज्‍ये कितुप ति मीला छ्‍या देन्‍दुपला तिराङ माकी। चुका ति दुक्‍टा नोके तीला ति ङ्‍यिङ्‍मर की, चुका ति ल्‍यामु नोके तीला राङ शु।

रोमी 15:13

ख्‍यिराङला रेवा नङ्‍गुप कोन्‍छ्‍योककी ख्‍यिरा क्‍यावु तेपाकी थोक्‍ला गा ताङ लोदिमु तेरी नङ्‍शी। तमा ख्‍यिराङ खोकी थु चाङ्‍माकी ओङला मङ मङ रेवा क्‍यानी दे थुप्‍शी।

१ कोरिन्‍थी 1:9

कोन्‍छ्‍योक ति खोङ्‍तेर्मु वे। खोकी खोरे सेवु दाक्‍पी चोवो येशू ख्रीष्‍टकी मुला डिक्‍जोम कितुपला ख्‍यिराङला कताङ नङ वे।

२ कोरिन्थी 11:31

चोवो येशूकी पपा कोन्‍छ्‍योकला नरीकी नरी सोवा वुङ्‍शी। ङे नाम्‍साङ जिनोक मोजोयी सिरुप ति खोला छ्‍या वे।

गलाती 5:22

यिने चो पेला दाक्‍पु कोन्‍छ्‍योककी थु चाङ्‍माकी ओङला देकिवे, ती पेला दाक्‍पी मिजीला डेलु गरुप दोके ङ्‍यिङ्‍ज्‍ये ताङ गा ताङ लोदिमु ताङ हम क्‍या देतुप ताङ च्‍यम्‍बा कितुप ताङ मी यम्‍बी थोक्‍ला लाका ल्‍यामु कितुप ताङ लोतेर्मु कितुप ताङ

एफिसी 1:3

दाक्‍पी चोवो येशू ख्रीष्‍टकी पपा कोन्‍छ्‌योकला सोवा वुङ्‍शी, च्‍यिलासिसिन खोकी येशू ख्रीष्‍ट नेसुर देवाच्‍येनला वोतुप तेरी मोलाम ति दाक्‍पुला नङ्‍नी वे।

फिलिप्पी 2:9

ती तप्‍की कोन्‍छ्‍योककी खोला छासे चोछ्‍ये जो नाङ्‍नी तेरी सिनाङ चोछ्‍ये वोतुप मिङ ज्‍याङ नाङ्‍सुङ।

हिब्रू 2:11

मीला दिक्‍पा नेसुर टेङ्‍बु जो नङ्‍गुप येशू ताङ खोकी टेङ्‍बु जोवु मी तेरीकी पपा ति च्‍यिक राङ वे। तुक क्‍यानी खोकी खोरे राङ टेङ्‍बु जो नङ्‍गुप मीतिवाला ङे नुपतिवा सिरुपला खो ङोछा मिकिवी।

हिब्रू 2:9

यिने दाक्‍पु येशूकी कोर्ला नासाम तोङ्‍गुप। कोन्‍छ्‍योककी कटिनकी खो मी तेरीकी थोक्‍ला टुङ्‍गुपला चेयी पर सेककी थोक्‍ला देवाच्‍येनकी लेन क्‍योलुप थुतिवा सिनाङ छ्‍युङा जो नाङ्‍सुङ। मी तेरीकी थोक्‍ला शेपला दुक्‍पा खुर्सिमा कोन्‍छ्‍योककी खोला ग्‍येल्‍वुला दोके मोवा ताङ ताङ्‍देन नाङ्‍सुङ।

हिब्रू 7:26

दाक्‍पी थोक्‍ला गोवु कोङ्‍यार छ्‍ये ति येशू यिन। खो चाङ्‍मा ताङ क्‍येन मेतुप ताङ टेङ्‍बु वे, तमा दिक्‍छेनतिवा नेसुर कुतुक पेनी देवाच्‍येन सिनाङ येर तेक्‍नी वे।

१ पत्रुस 1:3

दाक्‍पी चोवो येशू ख्रीष्‍टकी पपा कोन्‍छ्‍योकला सोवा देकिन। च्‍यिलासिसिन खोकी येशू ख्रीष्‍टला शेप ने ङोसु लाङ्‍नी खोकी खोरे छासेकी कटिन नेमा दाक्‍पुला मिजी सम्‍बा नाङ्‍सुङ। तमा दाक्‍पु शिसिनाङ सेन्‍बु लुवु रेवा ङ्‍येन वे।

१ यूहन्‍ना 1:3

ङ्‍यिरा काङ थोङ्‍गुप ताङ थोवु ति ख्‍यिराङला सिरिन वे। च्‍यिलासिसिन ख्‍यिराङ ङ्‍यिरा मुला डिक्‍जोम च्‍युङ्‍नी तम्‍जी ल्‍यामु वुङ्‍शी। तमा ङ्‍यिरा डिक्‍जोम ति पपा कोन्‍छ्‍योक ताङ खोकी सेवु येशू ख्रीष्‍टकी मुला जो वे।

ज्‍यल्‍का 2:15

तुक राङ क्‍यानी निकोलाइटस सिरुप टेङ्‍बु मेतुप छोक्‍पाकी मीतिवी येन्‍देनला ङ्‍येन्‍दुप मीतिवा साङ ख्‍यिरा पर्ला वे।