हिब्रू 1:2 - कोन्छ्‌योककी सुङ

² यिने तसाम पेलाकी तिङ्‍मी तुजेला खोकी खोरे सेवु नेसुर दाक्‍पी मुला ताम्‍ङे क्‍या नाङ्‍सुङ। खोकी खोरे सेवु नेसुर राङ दी जम्‍बुलिङ ज्‍ये नाङ्‍सुङ। तमा स ताङ नामला वोतुप तेरी च्‍यालकतिवा तेरुपला खोरे सेवुला राङ पेन नाङ्‍सुङ।

हिब्रू 1:2 Iomraidhean Croise

मत्ती 13:39

ठिमा देपुप ड ति शैतान यिन। सप्‍ले दुतुप तुजे ति जम्‍बुलिङ ना डोप तिङ्‍मी तुजे यिन। सप्‍ले दुतुपतिवा ति देवाच्‍येनकी लेन क्‍योलुप थुतिवा यिन।

मत्ती 17:5

पत्रुसकी तुक सियी वोतुप पेला छासे वो ग्‍यकुप मुक्‍पाकी छुप्‍नी तिवाला उप्‍सुङ। तमा मुक्‍पी पर नेमा “दी ङे ङ्‍यिङ्‍ज्‍येवु पुज्‍युङ यिनो, दीकी मुला ङ छासे गा लानी वे। ख्‍यिराङ दीकी ताम्‍ङे ङ्‍येना।” सिरुप वोरु यी ग्‍यप्‍सुङ।

मत्ती 21:38

यिने ती पिज्‍यिङ्‍बातिवी ज्‍यिन्‍दाककी पुज्युङ वुङ्‍गुप थोङ्‍सिमा ‘दी याङ ज्‍यिन्‍दाककी अंश थोप छ्‍योवु यिन। दीला दाक्‍पु सेतुप, तमा दीला थोपुप अंश ति दाक्‍पु राङ लङ्‍गुप।’ सिनी खोप्‍राङ पर्ला सिक्‍यासुङ।

मत्ती 26:63

यिने येशू खरक्‍पा ज्‍युसुङ। येलुङ तेरी सिनाङ कोङ्‍यार छ्‍ये तीकी येशूला “ख्‍युरुङ ङोसु वोतुप कोन्‍छ्‍योकला न क्‍यल्‍नी ङ्‍यिराङला टेङ्बु सी। काङ ख्‍युरुङ कोन्‍छ्‍योककी सेवु ख्रीष्‍ट राङ यिन?” सिनी टिसुङ।

मत्ती 28:18

तमा येशू तिवी चाला राङ फेप्‍नी तिवाला दुक सुङ्‍सुङ, “जम्‍बुलिङ ताङ देवाच्‍येनकी तेरी ओङ्‍ज्‍येन ति कोन्‍छ्‍योककी ङला नङ वे।

मत्ती 3:17

ती पेला देवाच्‍येन नेमा “दी ति ङे ङ्‍यिङ्‍ज्‍येवु पुज्‍युङ यिनो। ङ दीकी मुला छासे गा लानी वे।” सिरुप वोरु यी ग्‍यप्‍सुङ।

मर्कूस 1:1

कोन्‍छ्‍योककी सेवु येशू ख्रीष्‍टकी लेन ल्‍यामु ति दुक क्‍यानी गो चुसुङ।

मर्कूस 12:6

त ज्‍यिन्‍दाककी ति खोरो ङ्‍यिङ्‍ज्‍येवु पुज्‍युङ च्‍यिक तिराङ लुनोक। तमा तीकी ‘तिवी ङे पुज्‍युङला याङ ताङ्‍देन किते यिन्‍दे।’ सिनी तेरी सिनाङ तिङ्‍ला खोरो पुज्‍युङला पिज्‍यिङ्‍बातिवी चाला ताङ्‍सुङ।

मर्कूस 12:7

यिने पिज्‍यिङ्‍बातिवी पुज्‍युङला थोङ्‍सिमा खोप्‍रे नाङ्‍ला ‘दी याङ ज्‍यिन्‍दाककी अंश थोप छ्‍योवु यिन। तीला सेतुप। तुक क्‍यासिन तीला थोपुप अंश ति दाक्‍पुला थोप्‍किवी।’ सिनी सिक्‍यासुङ।

यूहन्‍ना 1:10

खो ति जम्‍बुलिङला राङ ज्‍युनोक, तमा दी जम्‍बुलिङ ति खोकी राङ ज्‍ये नाङ्‍सुङ, यिन्‍सिनाङ जम्‍बुलिङकी मीतिवी खोला ङो माशेनोक।

यूहन्‍ना 1:14

तमा ती सुङ ति मी जुजमला दाक्‍पी पर्ला ज्‍युसुङ। खोकी मोवा ङ्‍यिरा थोङ्‍सुङ, तमा ती मोवा ति कोन्‍छ्‍योककी च्‍यिक राङ वोतुप खोकी सेवुकी मोवा यिनोक। खो ति छासे कटिन ताङ टेङ्‍बुकी क्‍येङ नोक।

यूहन्‍ना 1:3

तमा ती सुङ नेसुर राङ कोन्‍छ्‍योककी तेरी जम्‍बुलिङ ज्‍ये नाङ्‍सुङ, ज्‍येवु ति च्‍यिक साङ खोकी मिसिन माजोवु यिन।

यूहन्‍ना 13:3

पपा कोन्‍छ्‍योककी जम्‍बुलिङकी तेरी ओङ्‍ज्‍येन खुरुङला नङ्‍गुप ताङ खुरुङ कोन्‍छ्‍योक नेमा वानी येलुङ कोन्‍छ्‍योककी चिप्‍ला राङ लोक्‍नी डोप ताम्‍ङे येशूकी हाक्‍कोसुङ।

यूहन्‍ना 13:32

दोजो कोन्‍छ्‍योक छासे मोवा वोतुप ति मी पुज्‍युङ नेमा छ्‍या तेन्‍सुङ सिसिन कोन्‍छ्‍योककी साङ मी पुज्‍युङला मोवा वोतुप ति छ्‍या देन्‍गिवी। ती ति खोकी ङमु राङ क्‍या नङ्‍गिवी।

यूहन्‍ना 15:15

तफेन्‍ला ङ ख्‍यिराङला लावा मिसिर, च्‍यिलासिसिन ज्‍यिन्‍दाककी काङ किवे, तीकी लावा तीकी ङो मेशेवी। बोरु ङ ख्‍यिराङला दाल्‍जा सिनी सिरिन, च्‍यिलासिसिन पपा नेमा ङे काङ थोवे, ती तेरी ङे ख्‍यिराङला सिक्‍यायिन।

यूहन्‍ना 16:15

पपी मुला वोतुप ति तेरी ङे ति यिन। तुक क्‍यानी ङे काङ सिक्‍यावे, खोकी थु चाङ्‍माकी ती थोनी ख्‍यिराङला सुङ्‍गिवी सिनी ङे सिक्‍यावु यिन।

यूहन्‍ना 17:2

पपी ङ पुज्‍युङला जम्‍बुलिङकी मीतिवा तेरीला ओङ्‍ज्‍येन कितुप ओङ नाङ्‍सुङ। ती ति पपी ङ पुज्‍युङला तेपा कि च्‍यितुप मीतिवा तेरीला ङ नेसुर नाम्‍साङ मिशिवु मिजी थोप्‍शी सिनी यिन।

यूहन्‍ना 3:16

कोन्‍छ्‍योककी जम्‍बुलिङकी मीतिवाला दुका ङ्‍यिङ्‍ज्‍ये क्‍या नाङ्‍नी खोकी च्‍यिक राङ वोतुप सेवु ति जम्‍बुलिङला ताङ्‍सुङ। ती ति सी खोला तेपा किवे, तिवा ङ्‍येलाला मोडोशी, यिने नाम्‍साङ मिशिवु मिजी थोप्‍शी सिनी यिन।

यूहन्‍ना 3:25

तमा यूहन्‍नाकी लोमातिवा ताङ ललाइ यहूदी मी यीकी पर्ला जु चाङ्‍मा जोप यहूदी लुक्‍सुकी कोर्ला लप्‍सिर ग्‍यक्‍टी चेसुङ।

यूहन्‍ना 5:26

पपा खोरे मुला मिजी वोतुप दोके खोकी खोरे पुज्‍युङला साङ मिजी वोतुप जो नाङ्‍सुङ।

यूहन्‍ना 5:27

तमा पपी खोरे पुज्‍युङला दी जम्‍बुलिङकी मीतिवा तेरीला ठिम कितुप ओङ नाङ्‍सुङ। ती ति खोकी पुज्‍युङ ति मी पुज्‍युङ यिन्‍दुप तप्‍की यिन।

यूहन्‍ना 9:29

कोन्‍छ्‍योककी मोशाला ताम्‍ङे सुङ्‍गुप ति ङ्‍यिराङला छ्‍या वे, यिने दी मी ति कनीकी मी यिन सिरुप ति ङ्‍यिराङला छ्‍या राङ मे।” सिनी सिक्‍यासुङ।

लोमा छ्‍येतिवी लाका 10:36

इस्राएलकी मीतिवी थोक्‍ला कोन्‍छ्‍योककी नङ्‍गुप सुङ ति ख्‍यिराङला साङ छ्‍या वे। ती सुङ ति येशू ख्रीष्‍ट नेमा सुङ्‍गुप कोन्‍छ्‍योक ताङ मीतिवी पर्ला वोतुप लोदिमुकी लेन ल्‍यामु यिन। तमा येशू ति तेरीकी चोवो यिन।

लोमा छ्‍येतिवी लाका 2:17

‘ज्‍युक्‍थमाला ङ तेरी मीतिवी खला ङे थु ति तोङ्‍गितो। तमा ख्‍यिरा पुज्‍युङपुमतिवी नम्‍दर शेकितो। ज्‍येन्‍दातिवी कोन्‍छ्‍योककी ज्‍यल्‍का थोप्‍कितो। तमा गावागुवातिवी मिलाम थोङ्‍गितो।

रोमी 1:4

तमा खो ति कोन्‍छ्‍योककी थु चाङ्‍माकी ताम्‍ङे कितुप पेला टुङ्‍गुप मीतिवी नाङ ने ङोसु लानी ङार छ्‍येवु कोन्‍छ्‍योककी सेवु सिनी पङ्‍बु छ्‍या तेन्‍दुप दाक्‍पी चोवो येशू ख्रीष्‍ट यिन।

रोमी 8:17

दाक्‍पु कोन्‍छ्‍योककी पेजातिवा यिन सिसिन ख्रीष्‍टकी मुला राङ कोन्‍छ्‍योककी ग्‍येल्‍खापकी अंश थोप छ्‍योवु यिन। दोजो दाक्‍पु ख्रीष्‍टकी मुला राङ कोन्‍छ्‍योककी मोवा थोप्‍नी वोसिन खोकी मुला राङ दुक्‍पा साङ खुर गोकिवी।

१ कोरिन्‍थी 2:7

यिने ङ्‍यिराङ ति गोमाला छ्‍याकला वोतुप ताङ तन्‍दा ति तेरी हाक्‍कोवु कोन्‍छ्‍योककी रिक्‍पाकी कोर्ला ख्‍याप्‍टाक किवी। ती रिक्‍पा ति जम्‍बुलिङ ज्‍येङ्‍गुप सिनाङ गोमा नेज्‍युनी दाक्‍पी मोवाकी थोक्‍ला टडिक क्‍या नङ्‍गुप यिन।

१ कोरिन्‍थी 8:6

दाक्‍पी थोक्‍ला ति पपा कोन्‍छ्‍योक च्‍यिक राङ वे। खोकी सुङ नेसुर राङ जम्‍बुलिङला वोतुप च्‍यालकतिवा तेरी ज्‍येसुङ। दाक्‍पु साङ कोन्‍छ्‍योककी थोक्‍ला मिजी क्‍योङ्‍यिन वे। तमा येशू ख्रीष्‍ट तिराङ दाक्‍पी तेपा क्‍यावु चोवो यिन। खो नेसुर राङ कोन्‍छ्‍योककी जम्‍बुलिङला वोतुप तेरी च्‍यालकतिवा ज्‍ये नाङ्‍सुङ। तमा दाक्‍पुला मिजी नङ्‍गुप साङ येशू ख्रीष्‍ट राङ यिन।

गलाती 4:4

यिने तुजे छेसिमा कोन्‍छ्‍योककी खोरे सेवुला दी जम्‍बुलिङला तङ्‍नी पुम्‍पेजा यीकी खोक नेमा मोशाकी ठिमकी ओङला क्‍येसुङ।

एफिसी 1:10

कोन्‍छ्‌योककी नोवा ति काङ यिन सिसिन तुजे छेसिमा देवाच्‍येन ताङ जम्‍बुलिङला वोतुप तेरी ख्रीष्‍टकी मुला खोकी ओङला च्‍युङ्‍शी।

एफिसी 3:9

तमा तेरी च्‍यालकतिवा ज्‍ये नङ्‍गुप कोन्‍छ्‍योककी ताङ्‍बो ताङ्‍बो नेज्‍युनी छ्‍याकला वोतुप नोवाकी तेन्‍दोक ति काङ यिन सिनी तेरी मीतिवाला ख्‍याप्‍टाक कितुप कटिन ति ङला नङ्‍गुप यिन।

हिब्रू 1:5

कोन्‍छ्‍योककी चुका देवाच्‍येनकी लेन क्‍योलुप थुला साङ “ख्‍युरुङ ङे पुज्‍युङ यिन, हारिङ ङ ख्‍योरो पपा च्‍युङ्‍गिवी।” सिनी मासुङ वे। येलुङ खोकी चुका देवाच्‍येनकी लेन क्‍योलुप थुला साङ “ङ तीकी पपा यिनो, ती ति ङे पुज्‍युङ यिनो।” सिनी मासुङ वे।

हिब्रू 1:8

यिने पुज्‍युङकी कोर्ला ति खोकी दुक सुङ्‍सुङ, “ओ कोन्‍छ्‍योक, चोवोकी ग्‍येल्‍ठिक ति नरीकी नरी लुकिवी। चोवोकी टेङ्‍बु क्‍यानी ग्‍येला क्‍या नङ्‍गिवी।

हिब्रू 11:3

तेपा नेसुर राङ दी जम्‍बुलिङ ति कोन्‍छ्‍योककी सुङगी ज्‍येवु यिन। तमा दाक्‍पी थोङ्‍गुप च्‍यालक ति मोथोङ्‍गुप च्‍यालक नेसुर च्‍युङ्‍गुप यिन सिरुप ति हाक्‍कोकिवी।

हिब्रू 2:3

दाक्‍पी तुका थर्वा ग्‍येर्पुला साङ ङ्‍याम माक्‍यासुङ सिसिन मङ चुक क्‍यानी ती पर्च्या नेसुर पिशोर थुप्‍किवी रो? दी थर्वा ति गोमाला चोवो येशूकी राङ ख्‍याप्‍टाक क्‍या नाङ्‍सुङ। खोकी ख्‍याप्‍टाक क्‍या नङ्‍गुप सुङ ङ्‍येन्‍दुपतिवी राङ ती सुङ ति टेङ्‍बु यिन सिनी ङ्‍यिराङला पङ्‍बु बिन्‍सुङ।

हिब्रू 3:6

यिने ख्रीष्‍ट ति कोन्‍छ्‍योककी पुज्‍युङ यिन्‍दुप तप्‍की खोकी मिछाङकी मीतिवी थोक्‍ला खोङ्‍तेर्मु च्‍युङ वे। दोजो दाक्‍पी रेवा क्‍यावु ताम्‍ङेला ङाडेङ ताङ तेके क्‍यानी नरी देसुङ सिसिन दाक्‍पु साङ कोन्‍छ्‍योककी मिछाङकी मीतिवा च्‍युङ्‍गिवी।

हिब्रू 4:14

तुक क्‍यानी देवाच्‍येनला तेक्‍नी फेवु कोन्‍छ्‍योककी सेवु येशू ति चोछ्‍ये वोतुप तेरी सिनाङ कोङ्‍यार छ्‍ये यिन्‍दुप तप्‍की दाक्‍पी मीतिवी मिङ्‍गाला सेमला लानी तेन्‍तेन क्‍यावु तेपाला मङ रम्‍बु क्‍यानी देतुप।

हिब्रू 5:8

येशू कोन्‍छ्‍योककी सेवु यिन्‍सिनाङ छेटाङ दुङल खुर्नी चुक क्‍यानी खोकी कला ङ्‍येन गोकिवी सिरुप ति लाप्‍सुङ।

हिब्रू 7:28

मोशाकी ठिमकी याङ खोकी सुङ्‍गुप दोके कि मुथुपुप मीतिवाला कोङ्‍यार छ्‍ये सिनी चिसुङ, यिने ती ठिमकी ज्‍युक्‍ला वावु कोन्‍छ्‍योककी थाक्‍छ्‍येन नङ्‍गुप सुङगी नरीकी थोक्‍ला खोकी सुङ्‍गुप दोके वुतुङ के तेरी क्‍या नङ्‍गुप खोरे पुज्‍युङला पेन नाङ्‍सुङ।

हिब्रू 7:3

ती मल्‍कीसेदेककी पपाआमा ताङ पगावा हङ्‍गावातिवा सु यिन सिरुप ति कोन्‍छ्‍योककी सुङगी नाङ्‍ला कनी साङ टिनी मे। तमा खो क्‍येवु ताङ खो शेपकी कोर्ला साङ टिनी मे। यिने खो ति कोन्‍छ्‍योककी सेवु दोके क्‍यानी नरीकी थोक्‍ला कोङ्‍यार च्‍युङ्‍नी देकिवी।

हिब्रू 9:26

मिसियाङ जम्‍बुलिङ ज्‍येङ्‍गुप पेला नेज्‍यु तन्‍दा सेक ख्रीष्‍टकी येलुङ येलुङ दुक्‍पा खुर गोवुजा। यिने खो याङ दिक्‍पा पङ्‍गुपला थेङ्‍मा च्‍यिकला राङ जिन्‍बा च्‍युङ्‍गुपला दी कल्‍वाकी तिङ्‍मी तुजेला फेप्‍सुङ।

१ पत्रुस 1:20

कोन्‍छ्‍योककी दाक्‍पुला रङ्‍ज्‍येन नङ्‍गुपला जम्‍बुलिङ ज्‍येङ्‍गुप सिनाङ गोमाला के येशू ख्रीष्‍टला पेन नङ्‍गुप यिन, यिने तिङ्‍मी तुजेला ख्‍यिरा थोक्‍ला येशू ख्रीष्‍टला दी जम्‍बुलिङला तङ नङ्‍गुप यिन।

२ पत्रुस 3:3

तेरी सिनाङ गोमाला ख्‍यिरा दी ताम्‍ङे ति हाक्‍को गोकिवी। ती ताम्‍ङे ति काङ यिन सिसिन जम्‍बुलिङकी तिङ्‍मी तुजेला खोरो सेमगी नासाम मेलोक्‍पाकी ओङला वोतुप मीतिवी ख्‍यिराङला मर्च्या क्‍यानी दुक सिनी टिवी,

यहूदा 1:18

तिवी ख्‍यिराङला दुक सिक्‍या वे, “जम्‍बुलिङकी तिङ्‍मी तुजेला कोन्‍छ्‍योकला मोवा माक्‍यानी खोप्‍रे नोवा मेलोक्‍पाला युनी ख्‍यिराङला मर्च्या कितुप मीतिवा वुङ्‍गितो।”