हिब्रू 1:12 - कोन्छ्‌योककी सुङ

¹² चोवोकी तिवाला मज्‍या दोके क्‍यानी टिल्‍गिवी। तमा मज्‍या ङ्‍यिङ्‍बा गल्‍सिमा सम्‍बा पोवु दोके क्‍यानी पोकिवी, यिने चोवो याङ नरी च्‍यिक्‍पा राङ लुकिवी।”

हिब्रू 1:12 Iomraidhean Croise

यूहन्‍ना 8:58

तमा येशूकी तिवाला “वुतुङ के ङ ख्‍यिराङला सिरिन, अब्राहाम क्‍येप सिनाङ गोमाला के ङ वोतुप यिन।” सिनी सुङ्‍सुङ।

हिब्रू 13:8

येशू ख्रीष्‍ट दाङ ताङ हारिङ तमा नरीकी नरी च्‍यिक्‍पा राङ ज्‍युकिवी।

याकूब 1:17

ल्‍यामु वोतुप ताङ काङ साङ ङ्‍युङ्‍मु मेतुप कटिनकी ङ्‍येम्‍बातिवा तेरी पपा कोन्‍छ्‍योक नेमा गिवी। खोकी वोसिर तेरी ज्‍येनी नाङ्‍सुङ। खो ति नाम्‍साङ मोफोवी, तमा उलाकी नक्‍तोमी फोवु दोके मोफोवी।