गलाती 6:8 - कोन्छ्‌योककी सुङ

⁸ तुक क्‍यानी ख्‍युरुङ खोरो जुकी थोक्‍ला तिराङ जुकिवी सिसिन ख्‍योरो जु नेसुर मेलोक्‍पा तिराङ ङकिवी, यिने कोन्‍छ्‍योककी थु चाङ्‍माकी थोक्‍ला जुकिवी सिसिन खोकी थु चाङ्‍मा नेसुर नाम्‍साङ मिशिवु मिजीकी थोक्‍ला ङकिवी।

गलाती 6:8 Iomraidhean Croise

मत्ती 19:29

तमा सी ङे थोक्‍ला खोरो खाङ्‍बा ताङ अच्‍युनुप ताङ अज्‍यीनुम ताङ पपाआमा ताङ पुज्‍युङपुम ताङ शिङ क्‍युर ज्‍याक्‍नी ङे तिङ्‍ला तिङ्‍योकिवे, तीला तीकी क्‍युर्नी ज्‍यकुप सिनाङ दोम्‍बा सयी मङ ल्‍हक्‍पा थोप्‍किवी, तमा नाम्‍साङ मिशिवु मिजी थोप्‍किवी।

मत्ती 25:46

तुक क्‍यानी तिवा नाम्‍साङ मिसिन्‍दुप ङ्‍येलाला लुम्‍गिवी, तमा कोन्‍छ्‍योककी थोङ्‍दाङला टेङ्‍बु वोतुपतिवाला ति नाम्‍साङ मिशिवु मिजी थोप्‍किवी।”

लूका 18:30

तीला दी कल्‍वाला दोम्‍बा बङी मङ थोप्‍किवी, तमा त वुङ्‍गुप कल्‍वाला नाम्‍साङ मिशिवु मिजी थोप्‍किवी।”

यूहन्‍ना 4:14

यिने ङे तेरुप छ्‍यु थुङ्‍गुपतिवाला नाम्‍साङ कोम्‍बा मालङ्‍गिवी। तमा ती छ्‍यु ति तिवी मिजी नेमा नरी दोलुप छ्‍यी पुङ दोके च्‍युङ्‍नी तिवाला नाम्‍साङ मिशिवु मिजी तेर्किवी।”

यूहन्‍ना 4:36

सप्‍ले दुतुपतिवाला ल थोप्‍किवी, तमा तिवी ति नाम्‍साङ मिशिवु मिजी थोपुप डुमा दुकिवी। तमा सप्‍ले देपुप ताङ दुतुप ङ्‍यिकर मुला राङ गा किवी।

यूहन्‍ना 6:27

ख्‍यिराङ रुल्‍नी डोप समी थोक्‍ला लाका माकी, बोरु नाम्‍साङ मिशिवु मिजी तेरुप समी थोक्‍ला लाका की। ती मिजी ति ङ मी पुज्‍युङकी ख्‍यिराङला तेर्किवी, च्‍यिलासिसिन पपा कोन्‍छ्‍योककी ती मिजी तेरुप ओङ ति ङला नाङ्‍सुङ।”

रोमी 13:14

यिने ख्‍यिराङ काङ क्‍यासिनाङ चोवो येशू ख्रीष्‍टकी दोके की, तमा दिक्‍पा कितुप जुकी किताङ नालुला वोतुप नासाम मेलोवा मातोङ।

रोमी 6:13

रङगी जुकी येन्‍लकतिवा ति लाका मेटेङ्‍बु कितुपला दिक्‍पाला माबिन, यिने ख्‍यिराङ शिनी साङ सेन्‍बु लावु मी यिन्‍दुप तप्‍की ख्‍यिरा मिजी तेरी कोन्‍छ्‍योकला पुल। रङगी जुकी येन्‍लकतिवा ति कोन्‍छ्‍योककी थोङ्‍दाङला टेङ्‍बु वोतुप लाका कितुपला पुल।

रोमी 6:23

च्‍यिलासिसिन दिक्‍पा क्‍यावु छ्‍येर्पा ति शेप यिन, यिने कोन्‍छ्‍योककी नङ्‍गुप कटिनकी ङ्‍येम्‍बा ति दाक्‍पी चोवो येशू ख्रीष्‍टला तेपा क्‍यासिमा थोपुप नाम्‍साङ मिशिवु मिजी यिन।

रोमी 8:11

दोजो येशूला शेप ने ङोसु लोङ्‍गुप कोन्‍छ्‍योककी थु चाङ्‍मा ति ख्‍यिरा मिजीला ज्‍यु वोसुङ सिसिन, येशूला शेप ने ङोसु लोङ्‍गुप कोन्‍छ्‍योककी ख्‍यिरा मुला ज्‍यु वोतुप खोकी थु चाङ्‍मा नेमा ख्‍यिरा शेप जु साङ सेन्‍बु लोङ्‍गिवी।

रोमी 8:13

दोजो ख्‍यिराङ दिक्‍पाकी ओङला सेम नोजु क्‍यानी राङ मिजी क्‍योङ्‍गिवी सिसिन शिवी, यिने कोन्‍छ्‍योककी थु चाङ्‍माकी ओङ नेसुर ख्‍यिरा दिक्‍पाकी ओङला मिजी क्‍योङ्‍गुप क्‍युर्सुङ सिसिन ख्‍यिराङ सेन्‍बु लुकिवी।

रोमी 8:6

दिक्‍पी नासाम ति शेप यिन, यिने कोन्‍छ्‍योककी थु चाङ्‍माकी नासाम ति मिजी ताङ लोदिमु यिन।

१ कोरिन्‍थी 15:42

शेपतिवा सेन्‍बु लङ्‍गुप साङ तुकै राङ यिन। मुक्‍तुम ग्‍यकुप पेला रुलुपला मुक्‍तुम ग्‍यकिवी, यिने सेन्‍बु लङ्‍गुप पेला नाम्‍साङ मुरुलुपला सेन्‍बु लङ्‍गिवी।

गलाती 6:7

ख्‍योरो रङला राङ जिनोक माजो। कोन्‍छ्‍योकला सी साङ मारे तोङ्‍गुप मेङ्‍गिवी। च्‍यिलासिसिन मी काङ चु वे, तिराङ ङकिवी।

१ तिमोथी 1:16

यिन्‍सिनाङ कोन्‍छ्‍योककी ङला च्‍यम्‍बा नाङ्‍सुङ। च्‍यिलासिसिन ङ दिक्‍छेन यिन्‍सिनाङ ङे मिजी नेसुर येशू ख्रीष्‍टकी छासेकी हम क्‍या देतुप ओङ छ्‍या तेन्‍नी खोला तेपा क्‍यानी नाम्‍साङ मिशिवु मिजी थोपुपकी थोक्‍ला ङ ति पङ्‍बु च्‍युङ्‍गुप यिन।

तीतस 3:7

तुक क्‍यानी खोकी कटिनकी दाक्‍पु टेङ्‍बु च्‍युङ्‍नी दाक्‍पुला नाम्‍साङ मिसिवु मिजी थोप छ्‍योवु रेवा नाङ्‍सुङ।

याकूब 3:18

तमा नरी मीतिवाला डिङ तेरुप छोलुप मीतिवाला ज्‍युक्‍ला कोन्‍छ्‍योककी थोङ्‍दाङला टेङ्‍बु वोतुप च्‍युङ्‍गिवी।

२ पत्रुस 2:12

यिने ती गेकेन मेटेङ्‍बुतिवा याङ खोरो हाक्‍माकोवु ताम्‍ङेला मारे तोङ्‍गिवी। तिवा नो मेशेवु सेम्‍ज्‍येनतिवा दोके यिन्‍दुप तप्‍की खोप्‍राङ नोवाला तिराङ युकिवी। तिवा जिम्‍नी सेतुपकी थोक्‍ला क्‍येवु सेम्‍ज्‍येन दोके यिन। तुक क्‍यानी सेम्‍ज्‍येनतिवा दोके तिवा ना डिवी।

२ पत्रुस 2:19

तिवी मीतिवाला दिक्‍पा ने रङ्‍ज्‍येन थोप्‍किवी सिनी थाक्‍छ्‍येकिवी, यिने खोप्‍राङ ति दिक्‍पी ओङला राङ ख्‍येल वे। च्‍यिलासिसिन ख्‍यिराङ चुका मी ति ती ओङला ख्‍येल वे, ती मी ति तीकी योक्‍पु यिन।

यहूदा 1:21

तमा दाक्‍पी चोवो येशू ख्रीष्‍टकी नाम्‍साङ मिशिवु मिजी नङ्‍गुप च्‍यम्‍बाकी थोक्‍ला गुनी देतुप पेला कोन्‍छ्‍योककी नङ्‍गुप ङ्‍यिङ्‍ज्‍येला क्‍युर्नी माज्‍योक।

ज्‍यल्‍का 22:11

तुक क्‍यानी लाका दुक्‍टा कितुपतिवा ति लाका दुक्‍टा राङ किशी, क्‍युक्‍टो लङ्‍गुप लाका कितुप ति क्‍युक्‍टो लङ्‍गुप लाका राङ किशी, टेङ्‍बु कितुपतिवा ति टेङ्‍बु राङ किशी, तमा चाङ्‍मा वोतुपतिवा ति चाङ्‍मा राङ देशी।”