गलाती 6:3 - कोन्छ्‌योककी सुङ

³ दोजो मी ललाइकी खोरुङ ति काङ दोके मिन्‍सिनाङ खक्‍छ्‍येवु यिन सिनी नोकिवी सिसिन तीकी खुरुङला राङ जिनोक जोवु यिन।

गलाती 6:3 Iomraidhean Croise

लूका 18:11

तमा फरिसी ति खोक लानी सेमला दुक सिनी मोपोर क्‍यासुङ, ‘कोन्‍छ्‍योक, ङ थुचिछे बुलिन। ङ याङ मी यम्‍बी ति ठोकुप ताङ जिनोक जोप ताङ शम्‍डेन कितुप मी दोके मे, दी से दुतुप दोके साङ मे।

लोमा छ्‍येतिवी लाका 5:36

च्‍यिलासिसिन तोङ्‍ला साङ थुदास सिरुप मी यी वानी खोरुङ तिराङ ङ राङ यिन सिनी दप्‍शे ग्‍यप्‍सुङ। तमा तो मिसिन मी सयी ज्‍यी चोयी तीकी तिङ्‍ला तिङ्‍यासुङ। यिने ज्‍युक्‍ला तीला सेसिमा तीकी तिङ्‍ला तिङ्‍योकुपतिवा तेरी थरा थुरा गाल्‍सुङ।

रोमी 12:16

तेरीकी मुला सेम च्‍यिक राङ जोनी थिन्‍नी दे, अम्‍बारङ्‍शिङ माकी, यिने मी ङ्‍याम्‍छ्‍युङतिवी दला शु। नाम्‍साङ ङ राङ येन्‍देन वोतुप यिन सिनी नो माकी।

रोमी 12:3

कोन्‍छ्‍योककी ङला नङ्‍गुप कटिन नेसुर ङ ख्‍यिराङ रे रेला ठाकुरे सिनी गोङ्‍बा शोयी। ख्‍यिराङ छ्‍युङा यिन्‍सिनाङ, खुरुङ राङ छ्‍ये यिन सिनी सु साङ नासाम मातोङ। यिने कोन्‍छ्‍योककी ख्‍यिराङला चो तेपा नङ वे, ती ति ल्‍यामो हाक्‍कोनी ती दोके मिजी क्‍योङ।

१ कोरिन्‍थी 13:2

ङे मुला नम्‍दर शेतुप कटिनकी ङ्‍येम्‍बा साङ वे, तमा ङे मुला सुला साङ हाक्‍मोकोवु छ्‍याकला वोतुप ताम्‍ङे हाक्‍कोवु ताङ तेरी येन्‍देन शेकिवी, तमा रीतिवा साङ दोक थुपुप तेपा ति ङला वोसिनाङ ङे सेमला ति ङ्‍यिङ्‍ज्‍ये मेसिन ङ ति काङ साङ मिन।

१ कोरिन्‍थी 3:18

सी साङ खोरो राङ खुरुङला क्‍येन फोकुप मोजोशी। ख्‍यिराङ सु दी जम्‍बुलिङला रिक्‍पा वोतुप यिन सिनी नोकिवे, ती ति रिक्‍पा मेतुप दोके च्‍युङ्‍शी। तुक क्‍यासिन ख्‍यिराङ रिक्‍पा वोतुप च्‍युङ्‍गिवी।

१ कोरिन्‍थी 8:2

दोजो मी ललाइकी खुरुङ ति तेरी शेवु यिन सिनी नोकिवी सिसिन तीकी शे गोवु ति माशेवु गिवी।

२ कोरिन्थी 12:11

ख्‍यिरा राङ ङला कार क्‍यानी तुका अम्‍बारङ्‍शिङ कितुप जोवु यिन। ख्‍यिरा ङला ताङ्‍देन कि गोवु ति यिन्‍जा, च्‍यिलासिसिन ङ ति काङ मिन्‍सिनाङ खोप्‍राङ ति चोछ्‍येवु लोमा छ्‍ये यिन सिरुप मीतिवा सिनाङ चेयी साङ छ्‍युङा मे।

२ कोरिन्थी 3:5

चुका लाका साङ ङ्‍यिरा राङ क्‍यावु यिन सिनी सि मुथुपी। ङ्‍यिराङला लाका कितुप ङार ति कोन्‍छ्‍योक नेमा राङ ङ्‍येतुप यिन।

गलाती 2:6

मी छ्‍ये यिन सिरुप मीतिवी ङे ताम्‍ङे काङ साङ मापो। तिवा छ्‍ये वोसिनाङ ङे थोक्‍ला काङ साङ मिन। च्‍यिलासिसिन कोन्‍छ्‍योककी मीला ल्‍हानी मिन, मी सेम ल्‍हानी ठिम क्‍या नङ्‍गिवी।

गलाती 2:9

तुक क्‍यानी ते चर्चकी खक्‍छ्‍येवु याकूब ताङ पत्रुस ताङ यूहन्‍नातिवी कोन्‍छ्‍योककी ङला कटिन नङ्‍गुप थोङ्‍नी ङ ताङ बारनाबासला मुला थिन्‍नी लाका कितुप सिनी सिक्‍यासुङ। तमा ङ्‍यिराङ ति यहूदी मिन्‍दुप मिरिक यम्‍बाकी मीतिवी पर्ला, तिवा ति च्‍येतुप लुक्‍सु क्‍यावु यहूदीतिवी पर्ला लाका कितुपला ताम्‍ङे डिक्‍सुङ।

२ तिमोथी 3:13

मी दुक्‍टातिवा ताङ मीला केन्‍दुप मीतिवा मीला केन्‍नी राङ मङ मङ दुक्‍टा डिवी। तमा मी यम्‍बी साङ तिवाला तुकै राङ किवी।

याकूब 1:22

ख्‍यिराङ कोन्‍छ्‍योककी सुङला ङ्‍येन्‍दुप तिराङ क्‍यानी रङला जिनोकला मेख्‍येल्‍शी, यिने खोकी सुङला यु।

याकूब 1:26

दोजो सी ङ कोन्‍छ्‍योककी थोङ्‍दाङला टेङ्‍बु वे सिनी सिवी, यिने खोरो ख ति डेकला मोज्‍योकिवी सिसिन तीकी खोरो राङ खुरुङला जिनोकला ख्‍येलुप यिन। तमा तीकी कोन्‍छ्‍योककी थोङ्‍दाङला क्‍यावु टेङ्‍बुकी लाका ति तेर्मे यिन।

१ यूहन्‍ना 1:8

दोजो दाक्‍पी ङला याङ दिक्‍पा राङ मे सिवी सिसिन, दाक्‍पी दाक्‍पुला राङ जिनोक जोवु दोके यिन। तमा दाक्‍पी सेमला टेङ्‍बु मेतुप यिन।