गलाती 6:2 - कोन्छ्‌योककी सुङ

² ख्‍यिराङ च्‍यिककी च्‍यिकला दुक्‍पा ख्‍येलुप पेला ख्रीष्‍टकी सुङ्‍गुप ठिमला वोतुप दोके च्‍यिककी च्‍यिकला दाल्‍जा किसा।

गलाती 6:2 Iomraidhean Croise

मत्ती 8:17

ती ति कोन्‍छ्‍योककी लुङ्‍तेम्‍बा यशैया नेसुर “खोकी दाक्‍पी जुकी अमोछ्‍योवु खोरे राङ लासुङ, तमा दाक्‍पी नेजुतिवा खोरे राङ खुर्सुङ।” सिनी सुङ्‍गुप सुङ ति तेरी छेवुला राङ दुकै च्‍युङ्‍गुप यिन।

लूका 11:46

तमा येशूकी तीला सुङ्‍सुङ, “ख्‍यिराङ यहूदी छ्‍योकी गेकेनतिवाला साङ मोताप सुक्‍शी, च्‍यिलासिसिन ख्‍यिराङ खुरुपला कले वोतुप खुरु ति मीतिवाला खुर ज्‍यिकिनोक, यिने खोप्‍राङ ति तिवाला दाल्‍जा कितुपला ती खुरुला थो साङ मोतोङ्‍नोक।

यूहन्‍ना 13:34

ङ ख्‍यिराङला क सम्‍बा यी तेरिन, ख्‍यिराङ च्‍यिककी च्‍यिकला ङ्‍यिङ्‍ज्‍ये की। ङे ख्‍यिराङला ङ्‍यिङ्‍ज्‍ये क्‍यावु दोके ख्‍यिरा साङ च्‍यिककी च्‍यिकला ङ्‍यिङ्‍ज्‍ये की।

यूहन्‍ना 15:12

ङे क ति दी राङ यिन। ङे ख्‍यिराङला ङ्‍यिङ्‍ज्‍ये क्‍यावे दोके ख्‍यिरा साङ च्‍यिककी च्‍यिकला ङ्‍यिङ्‍ज्‍ये की।

रोमी 15:1

दाक्‍पु तेपा रम्‍बु वोतुपतिवी तेपा रम्‍बु मेतुपतिवी नोरुप लाका क्‍यासिनाङ तिवाला हम क्‍यानी दे गोकिवी। दाक्‍पु तिराङ गा कितुप लाका माकी।

रोमी 8:2

च्‍यिलासिसिन येशू ख्रीष्‍टला तेपा क्‍यासिमा मिजी सम्‍बा नङ्‍गुप कोन्‍छ्‍योककी थु चाङ्‍माकी ठिमकी ख्‍यिराङला दिक्‍पा ताङ शेपकी ठिम ने थर च्‍यिन वे।

१ कोरिन्‍थी 9:21

तमा ठिमकी ओङला मेतुपतिवाला ख्रीष्‍टकी ओङला टि वुङ्‍गुपला ङ ति ठिमकी ओङला मेतुप दोके राङ च्‍युङ्‍यिन। ङे तुक क्‍यावु ति ङ ति कोन्‍छ्‍योककी ठिमला मेतेन सिक्‍यावु ति मिन, ख्रीष्‍टकी सुङला ङ्‍येन्‍दुप यिन।

गलाती 6:5

च्‍यिलासिसिन मी तेरीकी खोरो चेक लावु लाका ति खोरो राङ कि गोकिवी।

१ थेसलोनिकी 5:14

अच्‍युनुपतिवा, ख्‍यिराङला ङ्‍यिराङ टोङ्‍गु तेरिन। छेर्शिक्‍पातिवाला येन्‍देन बिन, सेम्‍दुक कितुपतिवाला साङ टोङ्‍गु बिन, दाल्‍जा कि गोवुतिवाला दाल्‍जा किटे की, तेरीकी पर्ला कुसु ज्‍यम्‍बु क्‍यानी दे।

याकूब 1:25

यिने चुका मी तीकी रङ्‍ज्‍येन नङ्‍गुप कोन्‍छ्‍योककी ठिम टेङ्‍बुला ङ्‍येन्‍नी नरी युकुप ताङ ती सुङला ङ्‍याम किवे, ती मी ति सुङ ङ्‍येन्‍नी टोक ज्‍येतुप मिन, सुङला सिक्‍यावु दोके मिजी क्‍योङ्‍गिवी। तमा कोन्‍छ्‍योककी सुङला युवु तप्‍की तीला मोलाम थोप्‍किवी।

याकूब 2:12

ख्‍यिराङला रङ्‍ज्‍येन नङ्‍गुप कोन्‍छ्‍योककी ठिमला सुङ्‍गुप दोके ख्‍यिरा ताम्‍ङे लप्‍ताङ ताङ किताङ नालु ल्‍यामु की। मिसियाङ ती ठिमकी ख्‍यिराङला पर्च्या तोङ्‍गिवी।

याकूब 2:8

कोन्‍छ्‍योककी सुङला साङ “खोरो युल्‍वातिवाला रङला दोके ङ्‍यिङ्‍ज्‍ये की।” सिनी टि वे। वुतुङ के ख्‍यिरा ती कोन्‍छ्‍योककी सुङला वोतुप खक्‍छ्‍येवु कला ङ्‍येन्‍सुङ सिसिन ख्‍यिरा ल्‍यामु राङ क्‍यावु यिन।

१ पत्रुस 2:24

तमा दाक्‍पी दिक्‍पातिवा तेरी क्‍युर्नी कोन्‍छ्‍योककी थोङ्‍दाङला टेङ्‍बु वोतुप मिजी क्‍योङ्‍शी सिनी दाक्‍पी दिक्‍पा खोकी जुला खुर्नी ग्‍यङ्‍शिङला टुङ्‍सुङ। खोकी जुला म थेन्‍दुप तप्‍की ख्‍यिरा नेजु टेक्‍सुङ।

२ पत्रुस 2:21

ती तप्‍की तिवाला बिन्‍दुप कोन्‍छ्‍योककी सुङ टेङ्‍बु ति तिवी हाक्‍कोनी साङ ती सुङला मुयुकुप सिसियाङ, बोरु तिवाला कोन्‍छ्‍योककी थोङ्‍दाङला टेङ्‍बु वोतुप सुङगी कोर्ला हाक्‍माकोवु राङ ल्‍यामु यिन्‍दुप्‍जा।

२ पत्रुस 3:2

तुक क्‍यानी तोङ्‍ला लुङ्‍तेम्‍बा टेङ्‍बुतिवी नम्‍दर शेतुप ताम्‍ङे ताङ लोमा छ्‍येतिवी ख्‍यिराङला दिक्‍पा ने थर ज्‍यितुप चोवो येशूकी कोर्ला लापुप सुङ ति ख्‍यिरा नरी नासाम ताङ्‍नी टोक माज्‍येता।

१ यूहन्‍ना 4:21

तुक क्‍यानी सी कोन्‍छ्‍योकला ङ्‍यिङ्‍ज्‍ये किवे, तीकी यम्‍बा अच्‍युनुपतिवाला साङ ङ्‍यिङ्‍ज्‍ये कि गोकिवी सिनी खोकी दाक्‍पुला क नङ वे।