गलाती 6:16 - कोन्छ्‌योककी सुङ

¹⁶ त कोन्‍छ्‍योककी कला ङ्‍येन्‍नी मिजी क्‍योङ्‍गुपतिवा ताङ इस्राएलकी कोन्‍छ्‍योककी गिपातिवा तेरीला खोकी लोदिमु ताङ च्‍यम्‍बा थोप्‍शी।

गलाती 6:16 Iomraidhean Croise

यूहन्‍ना 1:47

तमा नाथनेल ति खोरो चाला वुङ्‍यिन कितुप थोङ्‍नी येशूकी तीला “ल्‍हो ताङ, ती ति वुतुङ के टेङ्‍बु वोतुप इस्राएलकी मी यिनोक। तीकी मुला काङ साङ जिनोक मे।” सिनी सुङ्‍सुङ।

यूहन्‍ना 14:27

ङ ख्‍यिराङला लोदिमु बिन्‍नी डोयी, ङ ङरा लोदिमु ति ख्‍यिराङला तेरिन। ङे ख्‍यिराङला तेरुप लोदिमु ति जम्‍बुलिङकी तेरुप लोदिमु दोके मिन। तुक क्‍यानी ख्‍यिराङ सेम्‍दुक माकी, ज्‍यिवा साङ माकी।

यूहन्‍ना 16:33

ङे दी ताम्‍ङे ख्‍यिराङला सिक्‍यावु ति ख्‍यिराङ ङे मुला लुनी ख्‍यिरा सेमला लोदिमु ङ्‍येशी सिनी यिन। जम्‍बुलिङला ख्‍यिराङला छेटाङ ख्‍येल्‍गितो, यिने ख्‍यिराङ ङाडेङ की। च्‍यिलासिसिन जम्‍बुलिङकी ओङ्‍ज्‍येन खला ङे ग्‍येल्‍निङ सिन वे।”

रोमी 1:7

रोमला वोतुप ख्‍यिराङ कोन्‍छ्‍योककी ङ्‍यिङ्‍ज्‍येवु मीतिवा ताङ खोला तेपा क्‍यावु चाङ्‍मा वोतुप मीतिवा तेरीला दाक्‍पी पपा कोन्‍छ्‍योक ताङ चोवो येशू ख्रीष्‍ट नेमा कटिन ताङ लोदिमु वुङ्‍शी।

रोमी 4:12

ती तिराङ मिन, अब्राहाम ति च्‍येतुप लुक्‍सु क्‍यावुतिवी हङ्‍गावा साङ यिन। च्‍येतुप लुक्‍सु क्‍यावु तिराङ मिन, च्‍येतुप लुक्‍सु कितुप सिनाङ गोमाला के कोन्‍छ्‍योकला तेपा कितुपतिवा तेरीकी हङ्‍गावा यिन।

गलाती 1:3

दाक्‍पी पपा कोन्‍छ्‍योक ताङ चोवो येशू ख्रीष्‍टकी ख्‍यिराङला कटिन ताङ लोदिमु नङ्‍शी।

गलाती 3:29

ख्‍यिराङ ख्रीष्‍टकी ति यिन्‍सिन अब्राहामकी गिपा यिन, तमा कोन्‍छ्‍योककी थाक्‍छ्‍येन नङ्‍गुप अंश थोप छ्‍योवु पुज्‍युङ यिन।

गलाती 5:16

ङ ख्‍यिराङला टोङ्‍गु तेरिन, ती ति काङ यिन सिसिन ख्‍यिराङ कोन्‍छ्‍योककी थु चाङ्‍माकी ओङला युसुङ सिसिन जुकी दुक्‍टा वोतुप दिक्‍पी ओङला दे मोगोवी।

गलाती 5:25

दाक्‍पु कोन्‍छ्‍योककी थु चाङ्‍माकी ओङला मिजी क्‍योङ्‍गिवी सिसिन ती थु चाङ्‍माकी ओङला राङ युक गोकिवी।

एफिसी 6:23

पपा कोन्‍छ्‌योक ताङ चोवो येशू ख्रीष्‍ट नेमा खोला तेपा कितुपतिवा तेरीला तेपा नेसुर वुङ्‍गुप ङ्‍यिङ्‍ज्‍ये ताङ लोदिमु वुङ्‍शी।

फिलिप्पी 3:16

काङ यिन्‍सिनाङ दाक्‍पु दे सेक लेप्‍नी वे, तीला राङ रम्‍बु क्‍यानी मिजी क्‍योङ्‍गुप।

फिलिप्पी 3:3

दाक्‍पु ति कोन्‍छ्‍योककी थोङ्‍दाङला वुतुङ के च्‍येतुप लुक्‍सु क्‍यावु मीतिवा यिन। च्‍यिलासिसिन दाक्‍पु याङ कोन्‍छ्‍योककी थु चाङ्‍मा नेमा खोला सोवा देकिवी, तमा येशू ख्रीष्‍टला तेपा क्‍यानी तेके किवी, जुला तिराङ कितुप लुक्‍सुला ति तेपा मिकिवी।

फिलिप्पी 4:7

तुक क्‍यासिन मी नासाम तङ्‍गुप सिनाङ ल्हक्‍पा वोतुप कोन्‍छ्‍योककी लोदिमुकी ख्‍यिरा सेम ताङ नासाम ति येशू ख्रीष्‍टकी ओङ नेसुर र्‍होकितो।

१ पत्रुस 1:3

दाक्‍पी चोवो येशू ख्रीष्‍टकी पपा कोन्‍छ्‍योकला सोवा देकिन। च्‍यिलासिसिन खोकी येशू ख्रीष्‍टला शेप ने ङोसु लाङ्‍नी खोकी खोरे छासेकी कटिन नेमा दाक्‍पुला मिजी सम्‍बा नाङ्‍सुङ। तमा दाक्‍पु शिसिनाङ सेन्‍बु लुवु रेवा ङ्‍येन वे।

यहूदा 1:2

ख्‍यिराङला छासे क्‍यानी ङ्‍यिङ्‍ज्‍ये च्‍यम्‍बा ताङ लोदिमु वुङ्‍शिता।