गलाती 6:12 - कोन्छ्‌योककी सुङ

¹² खुरुङला टेङ्‍बु छ्‍या देन्‍दुप गा लङ्‍गुपतिवी ख्‍यिराङला यहूदी च्‍येतुप लुक्‍सु तेन गोकिवी सिवी। तीकी तेन्‍दोक ति तिवा येशू ख्रीष्‍टकी ग्‍यङ्‍शिङकी तेन्‍दोकला वुङ्‍गुप छेटाङ दुङल नेसुर र्‍होकुपकी थोक्‍ला यिन।

गलाती 6:12 Iomraidhean Croise

मत्ती 23:27

ख्‍यिराङ यहूदी छ्‍योकी गेकेनतिवा ताङ फरिसीतिवाला मोताप सुकुप यिनो! ख्‍यिराङ खोनक्‍पुतिवा! च्‍यिलासिसिन ख्‍यिराङ ति पक कर्मु कुवु शेप मीला ज्‍योकुप टककी फुक दोके यिन। ती ति फिला ल्‍हासिन ल्‍यामु थोङ्‍गिवी, यिने तीकी नाङ्‍ला ति शेप मीकी रुकक ताङ तेरी मेचेङ्‍गाकी क्‍येङ्‍गुप गिवी।

मत्ती 23:28

तुक राङ क्‍यानी ख्‍यिराङ साङ फिला ल्‍हासिन मीतिवी मिङ्‍गाला मी टेङ्‍बु दोके थोङ्‍गिवी, यिने ख्‍यिरा सेमला ति खोनक्‍पु ताङ नासाम दुक्‍टाकी क्‍येङ वे।

मत्ती 23:5

तिवी क्‍यावु तेरी लाकातिवा ति मीतिवाला छ्‍या देन्‍दुपला किवी। तिवा कोन्‍छ्‍योककी ठिमतिवा टिवु ति राकी नाङ्‍ला तुम्‍नी ग्‍येर्पु ग्‍येर्पु जोनी टली लोला ताङ लाक्‍पी लोला दोकिवी। तमा फिला कोन्‍दुप मज्‍यी लोला पोजर रिङ्‍बु रिङ्‍बु देन्‍गिवी।

मत्ती 5:10

मोलाम थोपुप यिनो, कोन्‍छ्‍योककी कला ङ्‍येन्‍दुप तप्‍की छेटाङ दुङल ख्‍येलुपतिवा, च्‍यिलासिसिन देवाच्‍येनकी ग्‍येल्‍खाप ति तिवी ति यिनो।

मत्ती 6:16

“ख्‍यिराङ ङ्‍युङ्‍ने र्‍हुङ्‍गुप पेला खोनक्‍पुतिवा दोके ङो नक्‍पु जोनी मादे। तिवा मीतिवाला ङ्‍युङ्‍ने र्‍हुङ्‍गुप छ्‍या देन्‍दुपला ङो नक्‍पु जोनी देकिवी। ङ ख्‍यिराङला सिरिन, तिवी थोप गोवु छ्‍यक्‍तक ति गोमाला के थोम सिन्‍नी वे।

मत्ती 6:2

ती तप्‍की ख्‍यिराङ कतुकारला ख्‍येलुपतिवाला काङ रे च्‍यिक रे तेरुप पेला खोनक्‍पुतिवी मी नेमा ताङ्‍देन ङ्‍येतुपला यहूदी छ्‍योखाङ ताङ लामला कितुप दोके मी मिङ्‍गाला छ्‍या मादेन। वुतुङ के ङ ख्‍यिराङला सिरिन, तिवाला थोप गोवु छ्‍यक्‍तक ति गोमाला राङ तेरी थोम सिन्‍नी वे।

मत्ती 6:5

“ख्‍यिराङ मोपोर कितुप पेला खोनक्‍पुतिवी दोके माकी, तिवा मीतिवी थोङ्‍शी नोनी यहूदी छ्‍योखाङला ताङ मीतिवा बङी युकुप लामकी गारीला लानी मोपोर कितुप गा किवी। तुक क्‍यानी तिवाला थोप गोवु छ्‍यक्‍तक ति गोमाला राङ थोम सिन्‍नी वे।

लूका 16:15

तमा येशूकी तिवाला सुङ्‍सुङ, “ख्‍यिराङ ति मीतिवी मिङ्‍गाला खोरुङ राङ टेङ्‍बु यिन सिनी छ्‍या देन्‍गिवी। यिने कोन्‍छ्‍योककी ख्‍यिरा सेम चुकै वे सिरुप ति हाक्‍कोकिवी। मीतिवी छासे खक्‍छ्‍येवु वे सिनी नो कितुपतिवाला ति कोन्‍छ्‍योककी छासे क्‍युक्‍टो किवी।”

लूका 20:47

तिवी पेर्मी युक्‍सिमतिवी टोङ्‍बा ठोकिवी, तमा मी यम्‍बाला छ्‍या देन्‍दुपला मोपोर रिङ्‍बु रिङ्‍बु किवी। तुक कितुपतिवाला कोन्‍छ्‍योककी मङ पर्च्या ग्‍येर्पु फोकिवी।”

यूहन्‍ना 7:18

खोरो राङ लापुप मी तीकी मीतिवा नेसुर ताङ्‍देन छोल्‍गिवी, यिने खोरुङला तोङ्‍गुप तीला मोवा कितुप नो वोतुप मी ति टेङ्‍बु वे, तीकी काङ साङ जिनोक मोजोवी।

लोमा छ्‍येतिवी लाका 15:1

ती पेला यहूदिया नेसुर मी ललाइ एन्‍टिओखियाला वानी तेकी तेपा कितुप मीतिवाला “मोशाकी ठिमला सिक्‍यावु दोके यहूदीतिवी च्‍येतुप लुक्‍सु माक्‍यासुङ सिसिन कोन्‍छ्‍योककी ख्‍यिराङला दिक्‍पा ने थर मिज्‍यिवी।” सिनी येन्‍देन बिन्‍सुङ।

लोमा छ्‍येतिवी लाका 15:5

यिने तेपा क्‍यावु फरिसी छ्‍योक्‍पाकी मीतिवा ललाइकी लानी यहूदी मिन्‍दुप मिरिक यम्‍बातिवी साङ च्‍येतुप लुक्‍सु क्‍यानी मोशाकी ठिमला युक गोकिवी सिनी सिक्‍यासुङ।

२ कोरिन्थी 10:12

ङ्‍यिराङ खुरुङ तिराङ ङराङ यिन सिनी नासाम तोङ्‍गुप ललाइ मीतिवी मुला च्‍यिक्‍पा राङ च्‍युङ्‍गुप ताङ तिवी मुला डिक्‍नी माल्‍हावी। तिवा खोप्‍रे नासामला तिराङ मी यम्‍बाला ठिम कितुप ताङ मी यम्‍बाला डिक्‍नी ल्‍हेवी सिसिन, तिवा छासे अम्‍बारङ्‍शिङ च्‍युङ्‍गिवी।

२ कोरिन्थी 11:13

तुका मीतिवा ति लोमा छ्‍ये जुमा यिन। तिवी येन्‍देन मेटेङ्‍बु लोपुप लाका किवी। तिवा ति ख्रीष्‍टकी लोमा छ्‌ये दोके जोनी युकिवी।

गलाती 2:14

तिवा कोन्‍छ्‍योककी सुङ टेङ्‍बुला मायुकुप थोङ्‍सिमा ङे पत्रुसला मी तेरीकी पर्ला “ख्‍युरुङ यहूदी गिपाकी मी यिन्‍सिनाङ यहूदी मिन्‍दुप मिरिक यम्‍बाकी मी दोके च्‍येर्पा किसिन चुक क्‍यानी मिरिक यम्‍बाला यहूदी दोके च्‍येर्पा कि गोकिवी सिनी सि थुप्‍किवी?” सिनी सिक्‍यायी।

गलाती 2:3

यिने ङे मुला वोतुप तीतस ति ग्रीककी मी यिन्‍सिनाङ तीला सी साङ यहूदीतिवी च्‍येतुप लुक्‍सु कि राङ गोकिवी सिनी माक्‍या।

गलाती 5:11

ङे अच्‍युनुपतिवा, ङ च्‍येतुप लुक्‍सुकी कोर्ला तिराङ ख्‍याप्‍टाक किवी सिसिन, च्‍यिला तन्‍दा सेक साङ यहूदीतिवी ङला छेटाङ दुङल तेर्किवी? तुकै यिन्‍सिन ग्‍यङ्‍शिङला कलुप येशूकी दिक्‍पा ने थरुप लेन ल्‍यामु ख्‍याप्‍टाक कितुपला काङ साङ छेटाङ मे।

गलाती 6:13

सी यहूदी च्‍येतुप लुक्‍सु तेन्‍गिवे, तीकी ठिमला मेतेन्‍दी। यिन्‍सिनाङ ख्‍यिराङला ति च्‍येतुप लुक्‍सु तेन गोकिवी सिनी सिवी। तिवी तुक क्‍यावु तेन्‍दोक ति ख्‍यिरा जुकी थोक्‍ला तेके कितुपला यिन।

फिलिप्पी 1:15

वुतुङ के ललाइ अच्‍युनुपतिवा ति ठतोक लानी खाँदा कियी सिरा लेन ल्‍यामु ख्‍याप्‍टाक क्‍यासुङ, ललाइकी नासाम ल्‍यामो तङ्‍नी ख्रीष्‍टकी कोर्ला लेन ल्‍यामु ख्‍याप्‍टाक क्‍यासुङ।

फिलिप्पी 2:4

ख्‍यिराङ रङगी थोक्‍ला तिराङ नासाम मातोङ, यिने मी यम्‍बी थोक्‍ला साङ नासाम तोङ।

फिलिप्पी 3:18

ख्‍यिराङला ङे गोमाला थेङ्‍मा बङी सिक्‍यायी, त येलुङ ङ ङुयी सिरा सिरिन। काङ यिन सिसिन मीतिवा बङी ख्रीष्‍ट येशूकी ग्‍यङ्‍शिङकी थोक्‍ला डला गल्‍नी युकिवी।

कलस्सी 2:23

तिवा ति खोप्‍रे जोवु छ्‍योला टेङ्‍बु कितुप ताङ कुसु ज्‍यम्‍बु कितुप ताङ खोरो जुला डेकला ज्‍योकुपला छासे रिक्‍पा वोतुप दोके थोङ्‍गिवी, यिने तिवा ति नासाम दुक्‍टाला खोरो ओङला ज्‍योकुपला काङ साङ फेन मोथोवु वे।