गलाती 6:10 - कोन्छ्‌योककी सुङ

¹⁰ तुक क्‍यानी च्‍यु वोतुप पेला राङ मी तेरीला लाका ल्‍यामु की। खक्‍छ्‍येवुला तेपा कितुपतिवी मिछाङतिवाला मङ ल्‍यामु कि गोकिवी।

गलाती 6:10 Iomraidhean Croise

मत्ती 10:25

लोमा खोरो गेकेन दोके ताङ लावा खोरो ज्‍यिन्‍दाक दोके च्‍युङ्‍सिन टेके गिवी। तिवी खाङ्‍बी ज्‍यिन्‍दाकला बालजिबुल सिनी सिसिन ती खाङ्‍बी मीतिवाला याङ मङ चुका मेलोक्‍पा मिसिर्वी रो?”

मत्ती 12:50

सु देवाच्‍येनला ज्‍यु वोतुप ङे पपी नोवाला युकिवे, तिवा राङ ङे नुप ताङ नुम ताङ आमा यिन।”

मत्ती 25:40

तमा ङे तिवाला दुक सिवी, ‘वुतुङ के ङ ख्‍यिराङला सिरिन, ख्‍यिरा दे वोतुपतिवी पर्ला तेरी सिनाङ छ्‍युङा मिरा च्‍यिकला काङ क्‍यावे, ती ति ङला राङ क्‍यावु यिन।’

मत्ती 5:43

“तमा येलुङ ‘ख्‍योरो युल्‍वातिवाला ङ्‍यिङ्‍ज्‍ये की, डतिवाला ति ङ्‍यिङ्‍मर की।’ सिक्‍यावु ति ख्‍यिरा थोनी वोच्‍यु।

मर्कूस 3:4

तमा खोकी तिवाला “ङासोप ङ्‍यिमाला लाका ल्‍यामु कितुप टेके यिनाङ की, मेलोक्‍पा कितुप टेके यिन? तमा मिजी थर ज्‍यितुप टेके यिनाङ की, सेतुप टेके यिन?” सिनी टिसुङ। यिने तिवा खरक्‍पा सोके देसुङ।

लूका 6:35

यिने ख्‍यिरे डतिवाला ङ्‍यिङ्‍ज्‍ये की, तिवाला ल्‍यामु की, येलुङ लोक्‍नी ङ्‍येतुप रेवा माक्‍यानी छ्‍यावा बिन। तुक क्‍यासिन ख्‍यिराङला छ्‍यक्‍तक ग्‍येर्पु थोप्‍कितो, तमा ख्‍यिराङ चोछ्‍येवु कोन्‍छ्‍योककी पुज्‍युङ च्‍युङ्‍गितो। च्‍यिलासिसिन कोन्‍छ्‍योककी टेन मासम्‍बुपतिवा ताङ दुक्‍टातिवाला साङ च्‍यम्‍बा क्‍या नङ्‍गिवी।

यूहन्‍ना 12:35

तमा येशूकी तिवाला सुङ्सुङ, “तरोङ चेयी पर सेक वोसिर ख्‍यिरा पर्ला लुकिवी, ख्‍यिराङ ती वोसिर वोता सेक फार छुर यु। तुक क्यासिन नक्‍तोमीकी ख्‍यिराङला उप मुथुपी। नक्‍तोमीला युकुपतिवी खुरुङ कनी डोयी वे सिरुप ति हाक्‍मोकोवी।

यूहन्‍ना 9:4

ङ्‍यिमी गुङला राङ ङला तोङ्‍गुप तीकी लाकातिवा दाक्‍पी कि गोकिवी। नुपला याङ सी साङ लाका कि मुथुपी।

लोमा छ्‍येतिवी लाका 6:7

तुक राङ क्‍यानी कोन्‍छ्‍योककी सुङ ति फेल गल्‍नी यरूशलेमला साङ कोन्‍छ्‍योकला तेपा कितुपतिवा बङी गाल। तमा यहूदी ल्‍हङाङकी कोङ्‍यारतिवी नाङ ने बङीकी तिवी क्‍यावु तेपा ति सेमला लासुङ।

२ कोरिन्थी 2:8

तुक क्‍यानी ख्‍यिरा तीला छासे क्‍यानी ङ्‍यिङ्‍ज्‍ये कितुप ति छ्‍या तेन सिनी ङ ख्‍यिराङला ठाकुरे सिरिन।

गलाती 1:23

तिवी “तोङ्‍ला दाक्‍पुला दुक्‍पा तेरुप मी ति तन्‍दा ना तोङ्‍गुप छोलुप ती सुङ राङ ख्‍याप्‍टाक किनोक।” सिरुप ति थोनोक।

एफिसी 2:19

तुक क्‍यानी त याङ ख्‍यिराङ छ्‍यिग्‍यपकी मी ताङ मिमेलुङ्‍दुङ दोके साङ मिन, यिने चाङ्‍मा वोतुप तेपा कितुप मीतिवा ताङ मुला लुङ्‍बा च्‍यिककी ज्‍यिक्‍तेम्‍बा ताङ कोन्‍छ्‍योककी मिछाङतिवा यिनो।

एफिसी 4:28

कुन कितुपतिवी साङ तफेन्‍ला कुन मिकिशी। तीकी लाका टेमु क्‍यानी सशी, तमा कतुकारला ख्‍येलुपतिवाला तेर थुप्‍शी।

एफिसी 5:16

त याङ तुजे ल्‍यामु मेतुप तप्‍की ख्‍यिराङला वोतुप च्‍युतिवाला तुक राङ डो माज्‍यी।

फिलिप्पी 4:10

ङ्‍यिमा चेयी ज्‍युक्‍ला येलुङ ख्‍यिरा ङला ङ्‍याम क्‍यावु थोङ्‍नी चोवो येशू नेसुर ङ छासे गा लानी वे। वुतुङ के ख्‍यिरा ङे थोक्‍ला पप किनोक, यिने ख्‍यिरा ङला दाल्‍जा कितुप छल्‍सिनाङ तुजे माच्‍युङ्‍नोक।

कलस्सी 4:5

तेपा मिकिवुतिवी मुला किताङ नालु कितुप पेला कोन्‍छ्‍योककी नङ्‍गुप रिक्‍पा नेसुर किसा। तमा ख्‍यिराङला थोपुप तुजेला तेरी ल्‍यामु क्‍यानी लाका किसा।

१ थेसलोनिकी 5:15

ख्‍यिराङ सी साङ मेलोक्‍पाकी थोक्‍ला मेलोक्‍पा माकी, यिने च्‍यिककी च्‍यिकला ताङ तेरीला ल्‍यामु कितुप नासाम तोङा।

१ थेसलोनिकी 5:21

तेरी ताम्‍ङेतिवा ल्‍यामु वोतुप मेतुप ल्‍होसा। तमा चुका ताम्‍ङे ति ल्‍यामु नोके, तीला राङ युसा।

तीतस 2:14

ती ख्रीष्‍टकी राङ दाक्‍पुला रङगी तेरी दुक्‍टातिवा नेसुर थर ज्‍यितुपला खोरे मिजी साङ दाक्‍पी थोक्‍ला नाङ्‍सुङ। तमा लाका ल्‍यामु कितुप खक्‍छ्‍येवु मिरिक जोपला सेम टेङ्‍बु जो नाङ्‍सुङ।

तीतस 3:8

दी ताम्‍ङे ति टेङ्‍बु यिन, ख्‍यिराङ दी ताम्‍ङेला ङार की सिनी ङ नो कितिन। तुक क्‍यानी सी कोन्‍छ्‍योकला तेपा किवे, तिवी लाका ल्‍यामु कितुपला ङ्‍याम्‍ले किशी। तुक कितुप ति मीतिवी थोक्‍ला छासे ल्‍यामु ताङ ख्‍येप्‍साङ वोतुप यिन।

हिब्रू 13:16

च्‍यिककी च्‍यिकला ल्‍यामु कितुप ताङ रङगी लोला वोतुप च्‍यालकतिवा यम्‍बा गोवुतिवाला तेरुप लाका कितुप टोक माज्‍येता। च्‍यिलासिसिन दाक्‍पी तुका जिन्‍बा पुलुप ति कोन्‍छ्‍योकला सेमला डिवी।

हिब्रू 3:6

यिने ख्रीष्‍ट ति कोन्‍छ्‍योककी पुज्‍युङ यिन्‍दुप तप्‍की खोकी मिछाङकी मीतिवी थोक्‍ला खोङ्‍तेर्मु च्‍युङ वे। दोजो दाक्‍पी रेवा क्‍यावु ताम्‍ङेला ङाडेङ ताङ तेके क्‍यानी नरी देसुङ सिसिन दाक्‍पु साङ कोन्‍छ्‍योककी मिछाङकी मीतिवा च्‍युङ्‍गिवी।

हिब्रू 6:10

ख्‍यिरा यम्‍बा तेपा कितुपतिवाला शब्‍ज्‍यी क्‍यासुङ, तमा तरोङ साङ कियी वे। कोन्‍छ्‍योक ति मीला ख्‍ये मापेवा क्‍यानी ठिम क्‍या नङ्‍गुप कोन्‍छ्‍योक यिन। खोला तेपा कितुपतिवाला ख्‍यिरा शब्‍ज्‍यी क्‍यावु ताङ ङ्‍यिङ्‍ज्‍ये क्‍यावु ति खोकी मेज्‍येवी।

१ पत्रुस 2:5

ख्‍यिराङ साङ कोन्‍छ्‍योककी मिजी नङ्‍गुप दो दोके यिन। खोकी ती दोतिवा दुम्‍नी खोरे थु चाङ्‍माकी ल्‍हङाङ जो नङ्‍गिवी। तुक क्‍यानी ख्‍यिराङ ति येशू ख्रीष्‍ट नेसुर सेम टेङ्‍बु क्‍यानी कोन्‍छ्‍योकला गा लङ्‍गुप जिन्‍बा बुलुप चाङ्‍मा वोतुप कोङ्‍यारतिवा यिनो।

१ पत्रुस 4:17

च्‍यिलासिसिन कोन्‍छ्‍योककी खोरे मीतिवाला ठिम क्‍या नङ्‍गुप तुजे गो जुवु पेला लेप्‍नी वे। खोकी सुङला ङ्‍येन्‍दुपतिवाला साङ खोकी ठिम क्‍या नङ्‍गिवी सिसिन खोकी सुङला तेपा मिकिवुतिवाला याङ चुका पर्च्या मङ्‍मु के फोकिताङ?

१ यूहन्‍ना 5:1

येशू ति दिक्‍पा ने थर ज्‍यितुप ख्रीष्‍ट राङ यिन सिनी तेपा कितुपतिवा तेरी कोन्‍छ्‍योककी पुज्‍युङपुम यिन। सी पपाला ङ्‍यिङ्‍ज्‍ये किवे, तीकी खोकी पुज्‍युङला साङ ङ्‍यिङ्‍ज्‍ये किवी।

३ यूहन्‍ना 1:10

ती तप्‍की ङ वासिमा तीकी क्‍यावु लाकाकी कोर्ला ताम्‍ङे कितिनो। च्‍यिलासिसिन तीकी ङ्‍यिरा तेन्‍दोकला ताम्‍ङे मेलोवा क्‍यानी युकिनोक। तोजो तिराङ मिन, कोन्‍छ्‍योककी सुङ ख्‍याप्‍टाक कितुपतिवाला साङ गासो मुशुनोक, गासो शोप नो कितुपतिवाला साङ ग्‍येकिनोक। तमा तिवाला चर्च नेमा तेन्‍नी तोङ्‍गिनोक।

३ यूहन्‍ना 1:11

ङे ङ्‍यिङ्‍ज्‍येवु नुपो, मेलोवा कितुप लुमु मासे, ल्‍यामु तिराङ की। सी ल्‍यामु किवे, ती ति कोन्‍छ्‍योककी मी यिन। सी मेलोवा किवे, ती ति कोन्‍छ्‍योकला माथोङ्‍गुप मी यिन।

३ यूहन्‍ना 1:3

माङ्‍शोक तेपा कितुप नुपतिवा ङे ते वानी ख्‍योरो मिजी टेङ्‍बुकी कोर्ला पङ्‍बु बिन्‍सुङ। तुक क्‍यानी ङला छासे लोदिमु च्‍युङ्‍सुङ।