गलाती 6:1 - कोन्छ्‌योककी सुङ

¹ अच्‍युनुपतिवा, मी ललाइ दिक्‍पाला ख्‍येल्‍सुङ सिसिन ख्‍यिराङ तेपा कितुपतिवी कुसु ज्‍यम्‍बु क्‍यानी तीला ल्‍यामु जोप लाका की। ती पेला ख्‍यिराङ ति च्‍याङ्‍से किसा, मिसियाङ ख्‍यिराङ साङ दिक्‍पाला ख्‍येल्‍गितो।

गलाती 6:1 Iomraidhean Croise

मत्ती 11:29

ङ सेम वोल्‍मु ताङ कुसु ज्‍यम्‍बु वे, ख्‍यिराङ ङे ङ्‍याशिङ खुर्नी ङे नेसुर लोप। तुक क्‍यासिन ख्‍यिरा सेमला ङप्‍सु ङ्‍येकिवी।

मत्ती 26:69

ती पेला पत्रुस ति तेरी सिनाङ कोङ्‍यार छ्‍येकी खाङ्‍बी लेङाङकी फिला देनी नोक। तमा लावाम यी तीकी चाला वानी, “ख्‍युरुङ साङ गालीलला येशूकी मुला देतुप मी मिन?” सिनी सिक्‍यासुङ।

मत्ती 26:75

तमा “च्‍यवु कुकुरी देन्‍दुप सिनाङ गोमाला ख्‍योरो ङला थेङ्‍मा सुम ङो मेशेवी सिवी।” सिनी येशूकी सुङ्‍गुप ति टेन्‍नी पत्रुस ति पाङ्‍ला गल्‍नी कशेन ङुसुङ।

मत्ती 9:13

ख्‍यिराङ गल्‍नी ‘ङला गोवु ति बुल्‍वा मिन, यिने च्‍यम्‍बा यिन।’ सिरुप सुङगी तेन्‍दोक ति काङ यिन सिनी ल्‍यामो लोप। ङ ति खुरुङ राङ मी टेङ्‍बु यिन सिरुपतिवी थोक्‍ला मिन, यिने खुरुङ दिक्‍छेन यिन सिरुपतिवाला कतोङ्‍गुपला वावु यिन।”

रोमी 14:1

तेपा रम्‍बु मेतुपतिवाला साङ नासाम तङ्‍नी ल्‍यामु की। तिवी ताम्‍ङेला क्‍येन ग्‍यकुप ति माकी।

रोमी 15:1

दाक्‍पु तेपा रम्‍बु वोतुपतिवी तेपा रम्‍बु मेतुपतिवी नोरुप लाका क्‍यासिनाङ तिवाला हम क्‍यानी दे गोकिवी। दाक्‍पु तिराङ गा कितुप लाका माकी।

रोमी 8:6

दिक्‍पी नासाम ति शेप यिन, यिने कोन्‍छ्‍योककी थु चाङ्‍माकी नासाम ति मिजी ताङ लोदिमु यिन।

१ कोरिन्‍थी 10:12

तुक क्‍यानी ख्‍यिराङ तेपा रम्‍बु वे सिनी सिरुपतिवा च्‍याङ्‍से क्‍यानी देता। मिसियाङ ख्‍यिराङ तला ग्‍यकितो।

१ कोरिन्‍थी 14:37

सी साङ खुरुङ ति कोन्‍छ्‍योककी लुङ्‍तेम्‍बा याङ्‍ना कोन्‍छ्‍योककी थु चाङ्‍मा थोपुप मी यिन सिनी नोकिवी सिसिन तीकी ङे टिवु ताम्‍ङे ति चोवो येशूकी क यिन सिनी सेमला लङ्‍शी।

१ कोरिन्‍थी 2:15

कोन्‍छ्‍योककी थु चाङ्‍मा वोतुप मी तीकी तेरी ताम्‍ङेतिवा ल्‍यामु वोतुप मेतुप ल्‍हेवी, यिने ती मी तीला मी यम्‍बा सी साङ ल्‍यामु वोतुप मेतुप ल्‍हा मुथुपी।

१ कोरिन्‍थी 3:1

अच्‍युनुपतिवा, ङ ख्‍यिरा मुला ताम्‍ङे कितुप पेला कोन्‍छ्‍योककी थु चाङ्‍मा वोपुप मीतिवी मुला ताम्‍ङे क्‍यावु दोके माक्‍या, यिने जम्‍बुलिङकी ओङला वोतुप मीतिवाला दोके ताङ ख्रीष्‍टला मलोक तेपा क्‍यावु तप्‍की आङा टिक्‍पेतिवाला क्‍यावु दोके ताम्‍ङे क्‍यायिन।

१ कोरिन्‍थी 4:21

ख्‍यिरा नासाम काङ वे? ङ ख्‍यिरा ते वुङ्‍गुप पेला ख्‍यिराङला वोरु देन्‍दुपला वुङ्‍गुप की, सेम बोल्‍मु क्‍यानी ङ्‍यिङ्‍ज्‍ये कितुपला वुङ्‍गुप?

१ कोरिन्‍थी 7:5

ख्‍योवा ताङ पेर्मी च्‍यिककी च्‍यिकला मुला राङ ङ्‍यिलोकुप कोर्ला मेवी सिनी मासिर। ख्‍यिराङ मुला राङ ताम्‍ङे क्‍यानी चेयी पर सेक मोपोर तिराङ कितुपला कुतुक देसिनाङ यम्‍बा पेला ति मुला राङ दे। मिसियाङ ख्‍यिराङ सेम डेकला दे माथुप्‍नी शैतानकी खोक्‍पा ल्‍हापला ख्‍येल्‍गिवी।

२ कोरिन्थी 10:1

ङ ख्‍यिरा चिप्‍ला वोतुप पेला ज्‍यिवा क्‍यानी ताम्‍ङे कि मुथुपी, यिने थाक्‍रिङ्‍बु वोतुप पेला ति ख्‍यिरा थोक्‍ला ङाडेङ क्‍यानी ताम्‍ङे किवी सिनी ख्‍यिरा ङला सिवी। ङ पावल ति ख्रीष्‍टकी दोके कुसु ज्‍यम्‍बु ताङ च्‍यम्‍बा क्‍यानी ख्‍यिराङला ठाकुरे सिरिन।

२ कोरिन्थी 2:7

त याङ ख्‍यिरा तीला माफ बिन्‍नी टोङ्‍गु तेर गोकिवी। मिसियाङ ती मी ति छासे सेम्‍दुक लानी तेपा कितुप साङ क्‍युर्नी ज्‍योक थुप्‍किवी।

२ कोरिन्थी 2:8

तुक क्‍यानी ख्‍यिरा तीला छासे क्‍यानी ङ्‍यिङ्‍ज्‍ये कितुप ति छ्‍या तेन सिनी ङ ख्‍यिराङला ठाकुरे सिरिन।

गलाती 5:23

कुसु ज्‍यम्‍बु ताङ डेकला देतुप तेरी लाकातिवा वुङ्‍गिवी। तीकी तेन्‍दोकला लङ्‍गुप ति काङ साङ ठिम मे।

गलाती 6:18

अच्‍युनुपतिवा, दाक्‍पी चोवो येशू ख्रीष्‍टकी कटिन ति ख्‍यिरा सेमला वुङ्‍शी। आमिन।

१ थेसलोनिकी 4:1

तेरी सिनाङ तिङ्‍ला अच्‍युनुपतिवा, चोवो येशूकी मिङला ङ्‍यिराङ ठाकुरे सिनी ख्‍यिराङला गोङ्‍बा शुनी टोङ्‍गु तेरिनो। ख्‍यिरा मिजी चुक क्‍यानी क्‍योङ गोकिवी, चुक क्‍यानी कोन्‍छ्‍योकला गा लोङ गोकिवी सिनी ख्‍यिरा ङ्‍यिरा नेसुर लाप्‍सुङ। तमा तन्‍दा सेक ती दोके कियी वे, तरोङ साङ ख्‍यिराङ मङ मङ फरिन ग्‍युक।

२ थेसलोनिकी 3:15

यिन्‍सिनाङ तिवाला डला माजो, यिने रङगी नुपला दोके क्‍यानी टोङ्‍गु बिन।

२ तिमोथी 2:25

कुसु ज्‍यम्‍बु क्‍यानी रङगी तेन्‍दोकला लङ्‍गुप मीतिवाला साङ ल्‍यामु क्‍यानी लोप गोकिवी। तुक क्‍यासिन कोन्‍छ्‍योककी तिवाला साङ सेम ग्‍युर च्‍यिनी तिवी खोकी सुङ टेङ्‍बुला तेपा कि थुप्‍किवी।

हिब्रू 12:13

तमा ख्‍यिराङ युकुप लाम ति थेकाङ जोसा, तुक क्‍यासिन काङ्‍बा रम्‍बु मेतुपतिवी काङ्‍बी छिङ्‍गुर ति मोटोल्‍शी, यिने टेक्‍शी।

हिब्रू 13:3

ख्‍यिराङ खुरुङ साङ चोन्‍खाङला वोतुप दोके नासाम तङ्‍नी चोन्‍खाङला शोरुप तिवाला ङ्‍याम किसा। तमा मीतिवी पाङ्‍शर तङ्‍गुपतिवाला साङ नासाम तोङ, च्‍यिलासिसिन ख्‍यिराङ साङ जुला राङ वे।

याकूब 3:13

ख्‍यिरा पर्ला रिक्‍पा ताङ येन्‍देन वोतुप मी सु वे? तीकी खोरो किताङ नालु ल्‍यामु नेसुर खुरुङला वोतुप रिक्‍पा ताङ येन्‍देन छ्‍या तेन। ती किताङ नालु ति कुसु ज्‍यम्‍बु ताङ रिक्‍पा नेसुर वुङ गोकिवी।

याकूब 3:2

दाक्‍पु तेरीकी च्‍यिक मे च्‍यिक याङ मेलोवा क्‍यावु राङ गिवी। चुका मी तीकी खोरो ख डेकला ज्‍योकिवे, तीकी खोरो जुला साङ डेकला ज्‍योकिवी। तमा ती ति मी टेङ्‍बु च्‍युङ्‍गिवी।

१ पत्रुस 3:15

यिने येशू ख्रीष्‍टला चोवो सिनी सेमगी दिङ नेज्‍यु मोवा की। तमा ख्‍यिरा क्‍यावु रेवाकी कोर्ला ललाइकी ख्‍यिराङला टिसिन तीकी टिलेन तेरुपला नरी टडिक क्‍यानी दे। यिने ख्‍यिराङ कुसु ज्‍यम्‍बु कितुप ताङ ताङ्‍देन क्‍यानी किसा।

१ यूहन्‍ना 5:16

सी साङ यम्‍बा नुपकी दिक्‍पा कितुप थोङ्‍सुङ, यिने ती दिक्‍पा ति ङ्‍येलाला क्‍योलुप दिक्‍पा मिन्‍सिन, तीकी तिवी थोक्‍ला कोन्‍छ्‍योकला मोपोर कि गोकिवी। तीकी क्‍यावु दिक्‍पा ति ङ्‍येलाला क्‍योलुप दोके मेसिन कोन्‍छ्‍योककी तीला मिजी नङ्‍गिवी। यिने ङ्‍येलाला क्‍योलुप दिक्‍पा साङ वे। तीकी थोक्‍ला ति ङ सुला साङ गोङ्‍बा शु सिनी मिसिर।