गलाती 5:6 - कोन्छ्‌योककी सुङ

⁶ दाक्‍पु ख्रीष्‍टला तेपा क्‍यासिन च्‍येतुप लुक्‍सु तेन्‍सिनाङ मातेन्‍सिनाङ काङ साङ ख्‍येपर मे, यिने ताम्‍ङे च्‍यिक ति काङ यिन सिसिन ङ्‍यिङ्‍ज्‍ये नेसुर दाक्‍पी मिजीला तेपा छ्‍या देन गोकिवी।

गलाती 5:6 Iomraidhean Croise

लूका 7:5

च्‍यिलासिसिन ती ति दाक्‍पी मिरिकला ङ्‍यिङ्‍ज्‍ये कितुप मी यिन, दाक्‍पी यहूदी छ्‍योखाङ साङ जो बिन्‍सुङ।”

१ कोरिन्‍थी 13:13

तुक क्‍यानी तेपा कितुप ताङ रेवा कितुप ताङ ङ्‍यिङ्‍ज्‍ये कितुप दी सुमतिवा ति नरी लुकिवी, यिन्‍सिनाङ दिवा सुमकी पर्ला खक्‍छ्‍येवु ति ङ्‍यिङ्‍ज्‍ये कितुप राङ यिन।

१ कोरिन्‍थी 7:19

च्‍येतुप लुक्‍सु क्‍यावु ताङ माक्‍यावु ति खक्‍छ्‍येवु मिन, यिने कोन्‍छ्‍योककी कला ङ्‍येन्‍दुप ति खक्‍छ्‍येवु यिन।

२ कोरिन्थी 5:14

ङ्‍यिराङ याङ ख्रीष्‍टकी ङ्‍यिङ्‍ज्‍येकी ओङला राङ वे। तुक क्‍यानी ङ्‍यिराङ दी ताम्‍ङे ति तेन्‍तेन वोतुप हाक्‍कोकिवी। मी तेरीकी दिक्‍पी थोक्‍ला ख्रीष्‍ट टुङ्‍सुङ। ती तप्‍की मी तेरी खोकी मुला राङ शेप यिन।

गलाती 3:26

तमा ख्रीष्‍ट येशूला तेपा क्‍यावु तप्‍की ख्‍यिराङ तेरी कोन्‍छ्‍योककी पेजातिवा यिन।

गलाती 3:28

तुक क्‍यानी कोन्‍छ्‍योककी थोङ्‍दाङला ख्‍यिरा नाङ्‍ला काङ ख्‍ये मे, यहूदी साङ मिन, ग्रीककी मी साङ मिन। योक्‍पु साङ मिन, ज्‍यिन्‍दाक साङ मिन। पुम्‍पेजा साङ मिन, ख्‍योक्‍पेजा साङ मिन। येशू ख्रीष्‍टला तेपा क्‍यासिमा ख्‍यिराङ तेरी च्‍यिक्‍पा राङ यिन।

गलाती 6:15

च्‍यिलासिसिन ख्रीष्‍ट येशू नेसुर खक्‍छ्‍येवु मिजी सम्‍बा ङ्‍येसिमा यहूदी च्‍येतुप लुक्‍सु क्‍यासिनाङ माक्‍यासिनाङ काङ साङ ख्‍येप्‍साङ मे।

एफिसी 6:23

पपा कोन्‍छ्‌योक ताङ चोवो येशू ख्रीष्‍ट नेमा खोला तेपा कितुपतिवा तेरीला तेपा नेसुर वुङ्‍गुप ङ्‍यिङ्‍ज्‍ये ताङ लोदिमु वुङ्‍शी।

कलस्सी 1:4

च्‍यिलासिसिन ख्‍यिरा ख्रीष्‍ट येशूला तेपा क्‍यावु ताङ कोन्‍छ्‍योककी चाङ्‍मा वोतुप मीतिवाला ङ्‍यिङ्‍ज्‍ये क्‍यावु ति ङ्‍यिरा थोसुङ।

कलस्सी 3:11

कोन्‍छ्‍योककी मिजी सम्‍बा जो नङ्‍गुप तप्‍की दे याङ ग्रीक ताङ यहूदी, च्‍येतुप लुक्‍सु क्‍यावु ताङ च्‍येतुप लुक्‍सु माक्‍यावु, छ्‍यिग्‍यपकी मी ताङ च्‍योलाम ल्‍यामु मेतुप मी, योक्‍पु ताङ योक्‍पु मिन्‍दुप मीतिवी पर्ला काङ साङ ख्‍ये मे। यिने ख्रीष्‍ट तिराङ तेरी सिनाङ खक्‍छ्‍येवु वे, तमा खो ति तेरी मीतिवी मुला ज्‍यु वे।

१ थेसलोनिकी 1:3

च्‍यिलासिसिन दाक्‍पी पपा कोन्‍छ्‍योककी थोङ्‍दाङला ख्‍यिरा लाका खोङ्‍तेर्मु क्‍यावु ताङ मी यम्‍बाला ङ्‍यिङ्‍ज्‍ये क्‍यावु ताङ चोवो येशू ख्रीष्‍टला रेवा क्‍यानी गुन देतुप तप्‍की यिन।

हिब्रू 11:8

तेपा नेसुर राङ अब्राहामला कोन्‍छ्‍योककी कताङ नङ्‍गुप पेला तीकी खोकी सुङला ङ्‍येन्‍नी खुरुङ कनी डोयी वे सिरुप ति छ्‍या मेसिनाङ खोकी ग्‍युक सिनी सुङ्‍गुप दासाला गाल्‍सुङ। ती दासा ति कोन्‍छ्‍योककी ज्‍युक्‍ला तीला तेरिन सिनी थाक्‍छ्‍येतुप दासा यिन।

१ पत्रुस 1:8

ख्‍यिरा खोला नाम्‍साङ माथोङ्‍सिनाङ खोला ङ्‍यिङ्‍ज्‍ये किवी, तन्‍दा ख्‍यिरा खोला माथोङ्‍सिनाङ ख्‍यिरा खोला तेपा किवी, तमा ख्‍यिराङला नाम्‍साङ ताम्‍ङे क्‍या मिसिन्‍दुप गा ताङ किर्मु गिवी।