गलाती 5:3 - कोन्छ्‌योककी सुङ

³ यहूदी च्‍येतुप लुक्‍सु तेन्‍दुपतिवा तेरीला येलुङ ङ सिरिन। सी च्‍येतुप लुक्‍सु तेन्‍गिवे, तीकी तेरी मोशाकी ठिम ति तेन्‍दुपला चेक लाङ गोकिवी।

गलाती 5:3 Iomraidhean Croise

मत्ती 23:16

ख्‍यिराङ मिक मोथोङ्‍गुप गोमा कितुपतिवा! ख्‍यिराङला मोताप सुकुप यिनो! ख्‍यिरा ‘सी कोन्‍छ्‍योककी ल्‍हङाङला न क्‍यल्‍सिन काङ मिकिवी, यिने कोन्‍छ्‍योककी ल्‍हङाङकी सेरला न क्‍यल्‍सिन ती ति तेन्‍तेन कि गोकिवी।’ सिनी मीतिवाला लोप्‍किवी।

मत्ती 23:18

येलुङ ख्‍यिरा ‘सी छोटीला न क्‍यल्‍सिन काङ मिकिवी, यिने ती छोटीकी खला पुलुप बुल्‍वाला न क्‍यल्‍सिन ती ति तेन्‍तेन कि गोकिवी।’ सिनी मीतिवाला लोप्‍किवी।

लूका 16:28

ङे अच्‍युनुप पिन ङ वे। तीकी तिवाला च्‍याङ्‍से क्‍यानी दे च्‍यिनी तिवा दी छेटाङ ख्‍येलुप दासाला वुङ मेख्‍येल्‍शी।’

लोमा छ्‍येतिवी लाका 15:1

ती पेला यहूदिया नेसुर मी ललाइ एन्‍टिओखियाला वानी तेकी तेपा कितुप मीतिवाला “मोशाकी ठिमला सिक्‍यावु दोके यहूदीतिवी च्‍येतुप लुक्‍सु माक्‍यासुङ सिसिन कोन्‍छ्‍योककी ख्‍यिराङला दिक्‍पा ने थर मिज्‍यिवी।” सिनी येन्‍देन बिन्‍सुङ।

लोमा छ्‍येतिवी लाका 2:40

पत्रुसकी यम्‍बा ताम्‍ङेतिवा साङ बङी सिक्‍यासुङ। तमा तिङ्‍ला तिवाला दुक सिनी टोङ्‍गु बिन्‍सुङ, “ख्‍यिराङ दी दुक्‍टाकी गिपा ने र्‍होकुप लाका किसा।”

लोमा छ्‍येतिवी लाका 20:21

ङ दिक्‍छेन यिनोक सिनी सेम ग्‍युर्नी कोन्‍छ्‍योककी सुङला ङ्‍येन्‍दुप ताङ येशूला तेपा कि गोकिवी सिरुप ताम्‍ङे ति यहूदीतिवा ताङ ग्रीकतिवाला ङे पङ्‍बु बिनिन।

रोमी 2:25

दोजो ख्‍युरुङ कोन्‍छ्‍योककी नङ्‍गुप ठिमला युकिवी सिसिन यहूदीतिवी च्‍येतुप लुक्‍सु तेन्‍दुप साङ तेन्‍दोक वे, यिने ठिम मातेन्‍सुङ सिसिन च्‍येतुप लुक्‍सु तेन्‍दुप साङ तेन्‍दोक मे। ख्‍युरुङ ति यहूदी मिन्‍दुप मिरिक यम्‍बाकी मीतिवा दोके राङ यिन।

गलाती 3:10

तमा मोशाकी ठिमला तिराङ तेन्‍नी टेङ्‍बु च्‍युङ्‍गुप छोलुपतिवा तेरीला पर्च्या फोकिवी। च्‍यिलासिसिन कोन्‍छ्‍योककी सुङला दुक सिनी टि वे, “मोशाकी ठिमला वोतुप क तेरीला नरी मेङ्‍येन्‍दुप मीतिवाला पर्च्या फोकिवी।”

गलाती 5:2

ङ्‍येना, ङ पावल ख्‍यिराङला सिरिन। ख्‍यिरा यहूदी च्‍येतुप लुक्‍सु तेन्‍सुङ सिसिन ख्रीष्‍ट नेमा ख्‍यिराङला काङ साङ ख्‍येप्‍साङ मेङ्‍गिवी।

गलाती 5:6

दाक्‍पु ख्रीष्‍टला तेपा क्‍यासिन च्‍येतुप लुक्‍सु तेन्‍सिनाङ मातेन्‍सिनाङ काङ साङ ख्‍येपर मे, यिने ताम्‍ङे च्‍यिक ति काङ यिन सिसिन ङ्‍यिङ्‍ज्‍ये नेसुर दाक्‍पी मिजीला तेपा छ्‍या देन गोकिवी।

एफिसी 4:17

ती तप्‍की ङ दी ताम्‍ङे ति चोवो येशूकी मिङला ठाकुरे सिरिन। यहूदी मिन्‍दुप मिरिक यम्‍बाकी मीतिवी तेर्मेकी नासामतिवा तङ्‍नी मिजी क्‍यङ्‍गुप दोके ख्‍यिराङ ति तफेन्‍ला तुका मिजी माक्‍योङ।

१ थेसलोनिकी 4:6

तमा सी साङ खोरो नुपला मेलोक्‍पा मिकिशी। च्‍यिलासिसिन दी तेरी ताम्‍ङेकी छ्‍येर्पा तेरुप ति कोन्‍छ्‍योक राङ यिन। ङ्‍यिरा ख्‍यिराङला गोमाला राङ सिक्‍यायिन।

१ यूहन्‍ना 4:14

ङ्‍यिरा थोङ्‍गुप पङ्‍बु ति काङ यिन सिसिन, कोन्‍छ्‍योककी खोरे सेवु साङ जम्‍बुलिङकी मीतिवा दिक्‍पा ने थर ज्‍यितुपला नाङ्‍सुङ।