गलाती 5:2 - कोन्छ्‌योककी सुङ

² ङ्‍येना, ङ पावल ख्‍यिराङला सिरिन। ख्‍यिरा यहूदी च्‍येतुप लुक्‍सु तेन्‍सुङ सिसिन ख्रीष्‍ट नेमा ख्‍यिराङला काङ साङ ख्‍येप्‍साङ मेङ्‍गिवी।

गलाती 5:2 Iomraidhean Croise

लोमा छ्‍येतिवी लाका 15:1

ती पेला यहूदिया नेसुर मी ललाइ एन्‍टिओखियाला वानी तेकी तेपा कितुप मीतिवाला “मोशाकी ठिमला सिक्‍यावु दोके यहूदीतिवी च्‍येतुप लुक्‍सु माक्‍यासुङ सिसिन कोन्‍छ्‍योककी ख्‍यिराङला दिक्‍पा ने थर मिज्‍यिवी।” सिनी येन्‍देन बिन्‍सुङ।

लोमा छ्‍येतिवी लाका 15:24

ङ्‍यिरा पर नेमा ललाइ मीतिवा ङ्‍यिराङला माटिवा क्‍यानी ख्‍यिरा ते गल्‍नी मेतुप ताम्‍ङेतिवा लाप्‍नी ख्‍यिराङला दुक्‍पा बिन्‍दुप ताङ सेम ना लङ्‍गुप ति ङ्‍यिरा हाक्‍कोसुङ।

लोमा छ्‍येतिवी लाका 15:5

यिने तेपा क्‍यावु फरिसी छ्‍योक्‍पाकी मीतिवा ललाइकी लानी यहूदी मिन्‍दुप मिरिक यम्‍बातिवी साङ च्‍येतुप लुक्‍सु क्‍यानी मोशाकी ठिमला युक गोकिवी सिनी सिक्‍यासुङ।

१ कोरिन्‍थी 16:21

दी टसी देलेक सिक्‍यावु ति ङ पावलकी लाक्‍पी राङ टिवु यिनो।

२ कोरिन्थी 10:1

ङ ख्‍यिरा चिप्‍ला वोतुप पेला ज्‍यिवा क्‍यानी ताम्‍ङे कि मुथुपी, यिने थाक्‍रिङ्‍बु वोतुप पेला ति ख्‍यिरा थोक्‍ला ङाडेङ क्‍यानी ताम्‍ङे किवी सिनी ख्‍यिरा ङला सिवी। ङ पावल ति ख्रीष्‍टकी दोके कुसु ज्‍यम्‍बु ताङ च्‍यम्‍बा क्‍यानी ख्‍यिराङला ठाकुरे सिरिन।

गलाती 5:11

ङे अच्‍युनुपतिवा, ङ च्‍येतुप लुक्‍सुकी कोर्ला तिराङ ख्‍याप्‍टाक किवी सिसिन, च्‍यिला तन्‍दा सेक साङ यहूदीतिवी ङला छेटाङ दुङल तेर्किवी? तुकै यिन्‍सिन ग्‍यङ्‍शिङला कलुप येशूकी दिक्‍पा ने थरुप लेन ल्‍यामु ख्‍याप्‍टाक कितुपला काङ साङ छेटाङ मे।

गलाती 5:6

दाक्‍पु ख्रीष्‍टला तेपा क्‍यासिन च्‍येतुप लुक्‍सु तेन्‍सिनाङ मातेन्‍सिनाङ काङ साङ ख्‍येपर मे, यिने ताम्‍ङे च्‍यिक ति काङ यिन सिसिन ङ्‍यिङ्‍ज्‍ये नेसुर दाक्‍पी मिजीला तेपा छ्‍या देन गोकिवी।

१ थेसलोनिकी 2:18

तुक क्‍यानी ङ्‍यिराङ ख्‍यिरा चाला वुङ्‍गुप नो क्‍यायिन। ङ पावल साङ थेङ्‍मा अलायी ख्‍यिरा ते वुङ्‍गुप छलिन, यिने शैतानकी ङ्‍यिराङला क्‍येक्‍सुङ।

फिलेमोन 1:19

दी यिकी ति ङ पावलकी लाक्‍पी राङ टिवु यिनो। ती छ्‍यावा ति ङे राङ तेतुप्‍नो। ख्‍योरो साङ ङ नेसुर राङ मिजी थोप्‍नी ङे थोक्‍ला ठिलेन च्‍योल गोवु वे। दी ताम्‍ङे ति ङे ख्‍युरुङला सि मोगोवी।

फिलेमोन 1:9

यिन्‍सिनाङ ङे ख्‍युरुङला ङ्‍यिङ्‍ज्‍ये क्‍यावु तप्‍की ख्‍युरुङला गोङ्‍बा शोयिन। ङ पावल मी गावा यिन, तमा येशू ख्रीष्‍टकी थोक्‍ला तसाम चोन्‍खाङला शोर्नी वे।

हिब्रू 4:2

दाक्‍पी हङ्‍गावातिवाला दोके दाक्‍पुला साङ लेन ल्‍यामु सिक्‍यानी वे। यिने तिवाला सिक्‍यावु सुङ ति तेर्मेला गाल वे। च्‍यिलासिसिन तिवी ती लेन ल्‍यामु थोसिनाङ तेपा माक्‍या।