गलाती 5:16 - कोन्छ्‌योककी सुङ

¹⁶ ङ ख्‍यिराङला टोङ्‍गु तेरिन, ती ति काङ यिन सिसिन ख्‍यिराङ कोन्‍छ्‍योककी थु चाङ्‍माकी ओङला युसुङ सिसिन जुकी दुक्‍टा वोतुप दिक्‍पी ओङला दे मोगोवी।

गलाती 5:16 Iomraidhean Croise

रोमी 6:12

ती तप्‍की तफेन्‍ला ख्‍यिरा शिनी डोप जु ति दिक्‍पी ओङला ख्‍येल माज्‍यी, ख्‍यिरा मिजीला ख्‍यिरा जुकी सेम मेलोवाकी ग्‍येला कि माज्‍यी।

रोमी 8:1

तुक क्‍यानी त याङ येशू ख्रीष्‍टला तेपा कितुपतिवाला कोन्‍छ्‍योककी पर्च्या मोफोकिवी।

१ कोरिन्‍थी 7:29

अच्‍युनुपतिवा, ङे सिक्‍यावु ताम्‍ङे ति दी राङ यिन। तिङ्‍मी तुजे वा वे। तफेन्‍ला पेर्मी वोतुपतिवा पेर्मी मेतुप दोके क्‍यानी कोन्‍छ्‍योककी थोक्‍ला शब्‍ज्‍यी पुल्‍नी दे।

२ कोरिन्थी 7:1

तुक क्‍यानी ङे ङ्‍यिङ्‍ज्‍येवु अच्‍युनुपतिवा, कोन्‍छ्‍योककी दाक्‍पुला ती ताम्‍ङेतिवा थाक्‍छ्‍येन नङ्‍गुप तप्‍की दाक्‍पी जु ताङ सेम मेचेङ्‍गा जोप तेरी परकी ताम्‍ङे मेटेङ्‍बु नेसुर कुतुक देतुप। तमा कोन्‍छ्‍योकला ताङ्‍देन क्‍यानी वुतुङ के चाङ्‍मा वोतुप मिजी क्‍योङ्‍गुप।

गलाती 3:17

ङे सिक्‍यावु ताम्‍ङे ति काङ यिन सिसिन, कोन्‍छ्‍योककी थेङ्‍मा यी अब्राहाम ताङ मुला थाक्‍छ्‍येन नङ्‍गुप ताम्‍ङेला लो सयी ज्‍यी ताङ खल सुम ज्‍युक्‍ला जोवु मोशाकी टिवु ठिमकी क्‍युर्नी मोज्‍योकिवी।

गलाती 6:8

तुक क्‍यानी ख्‍युरुङ खोरो जुकी थोक्‍ला तिराङ जुकिवी सिसिन ख्‍योरो जु नेसुर मेलोक्‍पा तिराङ ङकिवी, यिने कोन्‍छ्‍योककी थु चाङ्‍माकी थोक्‍ला जुकिवी सिसिन खोकी थु चाङ्‍मा नेसुर नाम्‍साङ मिशिवु मिजीकी थोक्‍ला ङकिवी।

एफिसी 2:3

ती दोके तोङ्‍ला दाक्‍पी साङ सेमला शरुप तेरी लाका मेलोक्‍पातिवा क्‍यानी मिजी क्‍योङ्‍गुप ताङ रङगी जु ताङ सेमगी नोवाला युवुजा। तुक क्‍यानी दाक्‍पु साङ मी यम्‍बा दोके कोन्‍छ्‌योककी पर्च्या फोकुप गिपा च्‍युङ्‍गुप यिन।

कलस्सी 2:11

ख्‍यिराङ खोला तेपा क्‍यानी यहूदी च्‍येतुप लुक्‍सु क्‍यावु यिन। ती च्‍येतुप लुक्‍सु ति मी लाक्‍पी क्‍यावु मिन, ख्रीष्‍ट नेमा राङ च्‍युङ्‍गुप यिन। ती ति ख्‍यिराङला वोतुप दिक्‍पाकी किताङ नालु क्‍युरुप यिन।

१ पत्रुस 1:14

ख्‍यिराङ कोन्‍छ्‍योककी कला ङ्‍येन्‍दुप खोकी पुज्‍युङपुमतिवा यिन्‍दुप तप्‍की गोमाला कोन्‍छ्‍योकला ङो माशेवु पेला क्‍यावु दोके सेम नोजु कितुप क्‍युर।

१ पत्रुस 1:22

त ख्‍यिराङ खोकी सुङ टेङ्‍बुला युनी ख्‍यिरा मिजी ति टेङ्‍बु च्‍युङ्‍गुप तप्‍की रङगी अच्‍युनुपतिवाला खोनक्‍पा माक्‍यानी ङ्‍यिङ्‍ज्‍ये कियी वे, तरोङ साङ सेमगी दिङ नेज्‍यु च्‍यिककी च्‍यिकला छासे ङ्‍यिङ्‍ज्‍ये की।

१ पत्रुस 2:11

तुक क्‍यानी ङ्‍यिङ्‍ज्‍येवु अच्‍युनुपतिवा, ङ ख्‍यिराङला गोङ्‍बा शोयी। दी जम्‍बुलिङला दाक्‍पु ति ङ्‍यिमा चेयी पर सेक तिराङ देतुप छ्‍यिग्‍यपकी मी ताङ टम्‍नी देतुप मी दोके यिन सिरुप हाक्‍कोनी ख्‍यिरा सेमगी तेन्‍दोकला लङ्‍गुप जुकी नासाम दुक्‍टा नेसुर कुतुक दे।

१ पत्रुस 4:6

ती तप्‍की शेपतिवाला साङ लेन ल्‍यामु ख्‍याप्‍टाक क्‍यावु यिन। तुक क्‍यानी तिवा दी जम्‍बुलिङला देतुप पेला तिवी क्‍यावु लाकाकी थोक्‍ला ठिम फोक्‍सिनाङ नम्‍शिङ ति कोन्‍छ्‍योक ताङ मुला देकिवी।