गलाती 5:11 - कोन्छ्‌योककी सुङ

¹¹ ङे अच्‍युनुपतिवा, ङ च्‍येतुप लुक्‍सुकी कोर्ला तिराङ ख्‍याप्‍टाक किवी सिसिन, च्‍यिला तन्‍दा सेक साङ यहूदीतिवी ङला छेटाङ दुङल तेर्किवी? तुकै यिन्‍सिन ग्‍यङ्‍शिङला कलुप येशूकी दिक्‍पा ने थरुप लेन ल्‍यामु ख्‍याप्‍टाक कितुपला काङ साङ छेटाङ मे।

गलाती 5:11 Iomraidhean Croise

लोमा छ्‍येतिवी लाका 16:3

पावलकी तीला मुला राङ टिनी डोप नो क्‍यानोक। तमा ते देतुप यहूदीतिवी खोकी पपा ति ग्रीक यिन सिरुप ति तिवा तेरीला छ्‍या वोतुप तप्‍की पावलकी तीला यहूदीतिवी च्‍येतुप लुक्‍सु क्‍यानोक।

लोमा छ्‍येतिवी लाका 21:21

तिवी ख्‍योरो कोर्ला ताम्‍ङे चेयी थोनोक। ती ति यहूदी मिन्‍दुप मिरिक यम्‍बाकी मीतिवी पर्ला देतुप यहूदीतिवाला मोशाकी ठिम क्‍युर्नी ज्‍योकुप ताङ तिवी आङातिवाला यहूदीतिवी च्‍येतुप लुक्‍सु ताङ यम्‍बा लुक्‍सु साङ मातेन सिनी ख्‍योरो लापुप यिन सिनोक।

लोमा छ्‍येतिवी लाका 21:28

“ओ इस्राएलकी मीतिवा, दाल्‍जा किटे की! दी मी तीकी कनी साङ मीतिवाला दाक्‍पी गिपा ताङ दाक्‍पी ठिम ताङ दी ल्‍हङाङकी थोक्‍ला येन्‍देन मेलोवा तेर किनोक। तोजो तिराङ मिन, दीकी याङ ग्रीककी मीतिवाला साङ ल्‍हङाङ नाङ्‍ला टि वानी दी दासा चाङ्‍माला मेचेङ्‍गा जोसुङ।” सिनी सिक्‍यासुङ।

१ कोरिन्‍थी 1:18

ख्रीष्‍ट दाक्‍पी दिक्‍पी थोक्‍ला ग्‍यङ्‍शिङला कल्‍नी टुङ्‍गुप कोर्ला लेन ल्‍यामु ख्‍याप्‍टाक कितुप पेला तेपा माक्‍यानी ना डोपतिवी “ती ति तेर्मे यिन।” सिनी सिवी, यिने दाक्‍पु दिक्‍पा ने थरुपतिवी याङ “ती ति कोन्‍छ्‍योककी नङ्‍गुप ङार यिन।” सिनी सिवी।

१ कोरिन्‍थी 1:23

यिन्‍सिनाङ ङ्‍यिराङ ति ग्‍यङ्‍शिङला कल्‍नी टुङ्‍गुप येशू ख्रीष्‍टकी कोर्ला सुङ ख्‍याप्‍टाक किवी। ती सुङ ङ्‍येन्‍दुप पेला यहूदीतिवी दी ताम्‍ङे ति कोन्‍छ्‍योकला मारे तोङ्‍गुप यिन सिनी सिवी, ग्रीकतिवी दी ताम्‍ङे ति फेन मोथोवु यिन सिनी सिवी।

१ कोरिन्‍थी 15:30

तमा ङ्‍यिराङ ति च्‍यिला ङ्‍यी ताङ नुप्‍ज्‍या दुक्‍पा खुर्किवी रो?

गलाती 2:3

यिने ङे मुला वोतुप तीतस ति ग्रीककी मी यिन्‍सिनाङ तीला सी साङ यहूदीतिवी च्‍येतुप लुक्‍सु कि राङ गोकिवी सिनी माक्‍या।

गलाती 3:1

ओ गलातीकी मी अम्‍बारङ्‍शिङतिवा, ख्‍यिराङला सी लुसुङ? येशू ख्रीष्‍ट ग्‍यङ्‍शिङला कलुप ति ख्‍यिरा मिककी राङ थोङ्‍गुप मिन?

गलाती 4:29

ती पेला मी नोवा नेमा क्‍येवु तीकी कोन्‍छ्‍योककी थु चाङ्‍मा नेमा क्‍येवु तीला दुक्‍पा ताङ छेटाङ तेर्किनोक। ती दोके तन्‍दा साङ दाक्‍पी तुकै राङ थोङ्‍गिवी।

गलाती 6:12

खुरुङला टेङ्‍बु छ्‍या देन्‍दुप गा लङ्‍गुपतिवी ख्‍यिराङला यहूदी च्‍येतुप लुक्‍सु तेन गोकिवी सिवी। तीकी तेन्‍दोक ति तिवा येशू ख्रीष्‍टकी ग्‍यङ्‍शिङकी तेन्‍दोकला वुङ्‍गुप छेटाङ दुङल नेसुर र्‍होकुपकी थोक्‍ला यिन।

गलाती 6:17

तफेन नेज्‍युनी ङला सी साङ दुक्‍पा मेतेर्शी, च्‍यिलासिसिन खोला शब्‍ज्‍यी क्‍यावु यिन सिरुप पङ्‍बुकी मडीतिवा बङी ङे जुला वे।