गलाती 5:10 - कोन्छ्‌योककी सुङ

¹⁰ ख्‍यिराङ तेरी यम्‍बा थाकाला मोडोवी सिनी ङ चोवो कोन्‍छ्‍योकला तेन्‍तेन वे। यिने सी खोकी मुला वोतुप मीला लुनी टिन डिवे, तीला कोन्‍छ्‍योककी पर्च्या फोकिवी।

गलाती 5:10 Iomraidhean Croise

लोमा छ्‍येतिवी लाका 15:24

ङ्‍यिरा पर नेमा ललाइ मीतिवा ङ्‍यिराङला माटिवा क्‍यानी ख्‍यिरा ते गल्‍नी मेतुप ताम्‍ङेतिवा लाप्‍नी ख्‍यिराङला दुक्‍पा बिन्‍दुप ताङ सेम ना लङ्‍गुप ति ङ्‍यिरा हाक्‍कोसुङ।

१ कोरिन्‍थी 5:5

ती पेला तुका लाका मेलोक्‍पा कितुप मी ति शैतानला चेक ते! तुक क्‍यासिन तीकी जु ति नाडोशी, यिने तीकी सेम ति चोवो फेपुप तुजेला र्‍होक्‍शी।

२ कोरिन्थी 1:15

ती ताम्‍ङे ति ङला तेन्‍तेन वोतुप तप्‍की गोमाला ङे ख्‍यिराङला ठेतुपला वुङ्‍गुप नो क्‍यायी। तुक क्‍यासिन ङ ख्‍यिरा ते थेङ्‍मा ङ्‍यी वासिमा ख्‍यिराङला लोदिमु च्‍युङ्‍गिवी।

२ कोरिन्थी 10:2

ङ ख्‍यिरा ते वुङ्‍गुप पेला ङ्‍यिराङ ति जम्‍बुलिङकी मीतिवी दोके किताङ नालु किनोक सिनी सिरुप मीतिवाला छासे ङाडेङ क्‍यानी ताम्‍ङे किवी। ती पेला ख्‍यिराङला साङ तिवाला दोके क्‍यानी ङाडेङ क्‍यानी सि मोगोशिता।

२ कोरिन्थी 10:6

ख्‍यिरा ख्रीष्‍टकी कतिवा तेरी ङ्‍येन्‍दुप छे सिन्‍सिमा खोकी कला मेङ्‍येन्‍दुपतिवा तेरीला ङ्‍यिराङ ठिम कितुपला टडिक क्‍यानी देतिनो।

२ कोरिन्थी 13:10

ख्‍यिरा मु नेसुर ङ थाक्‍रिङ्‍बु वोतुप तप्‍की दी यिकी टिकिन वोतो। दीकी तेन्‍दोक ति ङ ख्‍यिरा ते वुङ्‍गुप पेला चोवोकी ङला नङ्‍गुप ओङ्‍ज्‍येन नेसुर ङे ख्‍यिराङला च्‍युरुवु कि मोगोशिता। ती ओङ्‍ज्‍येन ति ख्यिराङला ना तोङ्‍गुपला मिन, तेपा रम्‍बु जोपला यिन।

२ कोरिन्थी 2:3

गोमाला ङे ख्‍यिराङला ती यिकी टिवु ति ङ ख्‍यिरा ते वुङ्‍गुप पेला ङला गा लोङ्‍गुप मीतिवी राङ ङला सेम्‍दुक मोलोङ्‍शी सिनी यिन। च्‍यिलासिसिन ङला सेम गा लङ्‍गुप ति ख्‍यिराङ तेरीला सेम गा लङ्‍गुप यिन सिरुप ति ङला तेन्‍तेन वे।

२ कोरिन्थी 2:6

ख्‍यिरा पर्ला मी माङ्‍शोक नेसुर तुका मीला याङ चुका परकी छ्‍येर्पा कल्‍सिनाङ ग्‍यावा यिन।

२ कोरिन्थी 5:16

तफेन्‍ला ङ्‍यिराङ सुला साङ जम्‍बुलिङकी मीतिवी मीला ल्‍हावु दोके क्‍यानी मल्‍हावी। थेङ्‍मा यी ङ्‍यिरा साङ ख्रीष्‍टला तुक राङ क्‍यानी ल्‍हावु यिन, यिने त याङ तुक क्‍यानी मल्‍हावी।

२ कोरिन्थी 7:16

तमा ङे ख्‍यिराङला छासे लो तेन्‍दुप तप्‍की ङला गा लानी वे।

२ कोरिन्थी 8:22

तीतसकी मुला यम्‍बा नुप मिरा च्‍यिक साङ ङ्‍यिरा ख्‍यिरा ते तोङ्‍यिन वोतो। तीला ङ्‍यिरा थेङ्‍मा अलायी सेक तिन्‍नी ल्‍हासिमा छासे ङर्मा क्‍यानी दाल्‍जा कितुप थोङ्‍सुङ। तीकी ख्‍यिराङला छासे लो तेन्‍दुप तप्‍की मङ ङार छ्‍येवु गल वे।

गलाती 1:7

चोवो येशू ख्रीष्‍टकी लेन ल्‍यामु मिसिन चुका ति साङ टेङ्‍बु मे, यिने मी ललाइकी यम्‍बा लेन ल्‍यामु शेनी ती लेन ल्‍यामुला क्‍योसुङ।

गलाती 2:4

च्‍यिलासिसिन मेटेङ्‍बु शेतुप अच्‍युनुपतिवी दाक्‍पुला च्‍येतुप लुक्‍सु कि गोकिवी सिनी सिक्‍यासुङ। तुक क्‍यावु तेन्‍दोक ति तिवी दाक्‍पु ख्रीष्‍टला तेपा क्‍यानी रङ्‍ज्‍येन थोपुपतिवाला खोरो योक्‍पु जोपला यिन।

गलाती 2:6

मी छ्‍ये यिन सिरुप मीतिवी ङे ताम्‍ङे काङ साङ मापो। तिवा छ्‍ये वोसिनाङ ङे थोक्‍ला काङ साङ मिन। च्‍यिलासिसिन कोन्‍छ्‍योककी मीला ल्‍हानी मिन, मी सेम ल्‍हानी ठिम क्‍या नङ्‍गिवी।

गलाती 3:1

ओ गलातीकी मी अम्‍बारङ्‍शिङतिवा, ख्‍यिराङला सी लुसुङ? येशू ख्रीष्‍ट ग्‍यङ्‍शिङला कलुप ति ख्‍यिरा मिककी राङ थोङ्‍गुप मिन?

गलाती 4:11

ङे दुक्‍पा क्‍यानी क्‍यावु लाका ति तेर्मेला डिते सिनी ङला पप लङ्‍गिनोक।

गलाती 4:17

यम्‍बा लेन ल्‍यामु मेटेङ्‍बुला क्‍योकुप मीतिवी ख्‍यिराङला ताम्‍ङे ल्‍यामु जोनी लुकिवी। ती ति तिवी सेम टेङ्‍बु क्‍यानी मिन, ङे मु नेसुर कुतुक पेनी खोप्‍रे ताम्‍ङेला ङर्मा जोपला यिन।

गलाती 4:20

ङ ख्‍यिरा मुला वोतुप यिन्‍सिन ख्‍यिराङला ङे ल्‍यामो क्‍यानी ताम्‍ङे कितुप्‍जा, यिने ङ थाक्‍रिङ्‍बु वोतुप तप्‍की ख्‍यला ख्‍यिला गाल्‍सुङ।

गलाती 5:12

सी ख्‍यिराङला टुक्‍शिङ ग्‍यप्‍नी च्‍येतुप लुक्‍सु तेन ज्‍यितुप छोल्‍गिवे, तीकी खोरो जुकी येन्‍लक राङ च्‍येसिन वुङ्‍गुप्‍जा।

गलाती 5:7

ख्‍यिरा तेपा ति रम्‍बु डोयी नोक, यिने सी ख्‍यिराङला दी लाका टेङ्‍बु कितुप नेसुर क्‍येक्‍सुङ?

गलाती 6:17

तफेन नेज्‍युनी ङला सी साङ दुक्‍पा मेतेर्शी, च्‍यिलासिसिन खोला शब्‍ज्‍यी क्‍यावु यिन सिरुप पङ्‍बुकी मडीतिवा बङी ङे जुला वे।

फिलिप्पी 3:15

तमा दाक्‍पु तेपा क्‍यानी रम्‍बु वोतुप मीतिवा तेरीकी तुकै नासाम तोङ गोकिवी। दोजो ललाइ मीतिवी नासाम ति कुतुक कुतुक वोसुङ सिसिन ती ति कोन्‍छ्‍योककी ख्‍यिराङला ठछ्‍येली छ्‍या देन्‍गिवी।

२ थेसलोनिकी 3:4

ङ्‍यिरा ख्‍यिराङला काङ की सिक्‍यावे, ती ति ख्‍यिरा कियी साङ वे, ती लाका ति तिङ्‍ला साङ किवी सिनी ङ्‍यिराङला छासे तेन्‍तेन वे।

१ तिमोथी 1:20

तिवी पर्ला हुमेनियस ताङ अलेक्‍जेन्‍डर साङ यिन। तिवी कोन्‍छ्‍योकला मारे तोङ्‍गुप मेङ्‍नोक सिरुप ति हाक्‍कोशी सिनी ङे तिवाला शैतानकी लकला ख्‍येल च्‍यितुप यिन।

फिलेमोन 1:21

ख्‍युरुङ ङे खला ङ्‍येन्‍गिवी सिनी रेवा क्‍यानी ङ दी यिकी ति टिकिन वोतो। ख्‍योरो ङे सिक्‍यावु सिनाङ ल्‍हक्‍पा किवी सिरुप ति ङला नो वे।