गलाती 5:1 - कोन्छ्‌योककी सुङ

¹ ख्रीष्‍टकी दाक्‍पुला रङ्‍ज्‍येन नङ्‍गुपला दिक्‍पा ने थर च्‍यिनी वे। तुक क्‍यानी ख्‍यिराङ तेपा रम्‍बु जोनी गोमी दोके योक्‍पुकी मिजी माक्‍योङ।

गलाती 5:1 Iomraidhean Croise

मत्ती 23:4

तिवी खुरु च्‍येन्‍दी टानी मीतिवी ग्‍यप्‍ला ग्‍येल्गिवी, यिने खोप्‍राङ ति ती खुरु खुरुपला थो साङ मोतोङ्‍गिवी।

लूका 5:38

गुन्‍डुम छ्‍याङ सम्‍बा ति क्‍वा ग्‍यिवु सम्‍बी नाङ्‍ला राङ ज्‍योक गोकिवी।

लोमा छ्‍येतिवी लाका 15:10

तुक क्‍यानी च्‍यिला मलोक तेपा क्‍यावु यहूदी मिन्‍दुप मिरिक यम्‍बाकी मीतिवाला मोशाकी ठिमला वोतुप दुक्‍पा खुर च्‍यिनी कोन्‍छ्‍योकला खोक्‍पा ल्‍हेवी? ती दुक्‍पा ति दाक्‍पी पगावा हङ्‍गावी साङ खुर माथुप, दाक्‍पी साङ खुर माथुप।

रोमी 6:14

तुक क्‍यासिन दिक्‍पाकी ख्‍यिरा मिजीला ग्‍येला मिकिवी, च्‍यिलासिसिन ख्‍यिराङ ठिमकी ओङला मिन, कोन्‍छ्‍योककी नङ्‍गुप कटिनकी ओङला वे।

रोमी 6:18

ख्‍यिराङ दिक्‍पा ने थर्नी कोन्‍छ्‍योककी थोङ्‍दाङला लाका टेङ्‍बु कितुप योक्‍पु च्‍युङ्‍नी वे।

रोमी 7:3

तुक क्‍यानी ख्‍योवा माशि वोतुप पेला राङ तीकी मी यम्‍बी मुला जेन्‍दी क्‍यासिन तीकी शम्‍डेन क्‍यावु यिन, यिने ख्‍योवा शिसिमा मी यम्‍बी मुला जेन्‍दी क्‍यासिन ख्‍योवी ओङ नेसुर थरुप तप्‍की तीकी शम्‍डेन क्‍यावु मिन।

रोमी 7:6

यिने त याङ दाक्‍पु ठिमकी थोक्‍ला शिनी ठिमकी ओङ ने थर्नी वे। तुक क्‍यानी तन्‍दा दाक्‍पु ठिमकी थेप नाङ्‍ला टि वोतुप दोके किताङ नालु ङ्‍यिङ्‍बा मिन, कोन्‍छ्‍योककी थु चाङ्‍माकी सुङ्‍गुप किताङ नालु सम्‍बा क्‍यानी कोन्‍छ्‍योकला शब्‍ज्‍यी बुल्‍गिवी।

रोमी 8:15

त याङ ख्‍यिराङ ज्‍यिवा लङ्‍गुप दिक्‍पाकी ओङला मिन, कोन्‍छ्‍योककी थु चाङ्‍माकी ओङ थोपुप तप्‍की ख्‍यिराङ कोन्‍छ्‍योककी पेजातिवा यिन। तुक क्‍यानी दाक्‍पी कोन्‍छ्‍योकला “पपा” सिनी सि थुप्‍किवी।

रोमी 8:2

च्‍यिलासिसिन येशू ख्रीष्‍टला तेपा क्‍यासिमा मिजी सम्‍बा नङ्‍गुप कोन्‍छ्‍योककी थु चाङ्‍माकी ठिमकी ख्‍यिराङला दिक्‍पा ताङ शेपकी ठिम ने थर च्‍यिन वे।

१ कोरिन्‍थी 15:58

तुक क्‍यानी ङे ङ्‍यिङ्‍ज्‍येवु अच्‍युनुपतिवा, ख्‍यिराङ हम क्‍या देता। सी साङ ख्‍यिराङला येर मर कितुप मोजोशिता। ख्‍यिराङ ति चोवो येशूकी थोक्‍ला शब्‍ज्‍यी कितुला नरी फरिन ग्‍युका। च्‍यिलासिसिन ख्‍यिराङला छ्‍या वे, ख्‍यिरा चोवोकी थोक्‍ला टेमु क्‍यावु ति नाम्‍साङ तेर्मेला मोडोवी।

१ कोरिन्‍थी 16:13

ख्‍यिराङ च्‍याङ्‍से देता, तमा तेपा रम्‍बु क्‍यानी ङाडेङ ताङ ङार छ्‍येवु क्‍यानी देता।

१ कोरिन्‍थी 7:22

च्‍यिलासिसिन कोन्‍छ्‍योककी कताङ नङ्‍गुप पेला सु योक्‍पु नोके, ती ति त याङ थर्नी कोन्‍छ्‍योककी गिपा च्‍युङ्‍गुप यिन। तुक राङ क्‍यानी सु मी यम्‍बी ओङला मेवे, तिवाला कोन्‍छ्‍योककी कताङ नङ्‍गुप पेला ख्रीष्‍टकी थोक्‍ला शब्‍ज्‍यी कितुप योक्‍पु यिन।

२ कोरिन्थी 11:20

ख्‍यिराङला मी ललाइकी योक्‍पु जोसिनाङ, याङ्‍ना टुक्‍तेर क्‍यानी सोसिनाङ, याङ्‍ना ख्‍यिराङ नेसुर ख्‍येप्‍साङ लासिनाङ, याङ्‍ना ख्‍यिराङला दप्‍शे ग्‍यप्‍सिनाङ, याङ्‍ना डम्‍बाला राङ पोप्‍सिनाङ ख्‍यिराङ हम क्‍यानी देकिवी।

२ कोरिन्थी 3:17

चोवो कोन्‍छ्‍योक ति थु चाङ्‍मा यिन। कनी कोन्‍छ्‍योककी थु चाङ्‍मा नोके, ते रङ्‍ज्‍येन थोप्‍किवी।

गलाती 2:4

च्‍यिलासिसिन मेटेङ्‍बु शेतुप अच्‍युनुपतिवी दाक्‍पुला च्‍येतुप लुक्‍सु कि गोकिवी सिनी सिक्‍यासुङ। तुक क्‍यावु तेन्‍दोक ति तिवी दाक्‍पु ख्रीष्‍टला तेपा क्‍यानी रङ्‍ज्‍येन थोपुपतिवाला खोरो योक्‍पु जोपला यिन।

गलाती 3:25

यिने त दाक्‍पी येशूला तेपा क्‍यावु तप्‍की दाक्‍पुला गेकेन दोके गोमा कितुप मोशाकी ठिम ति मोगोवी।

गलाती 4:26

यिने देवाच्‍येनला वोतुप यरूशलेमकी तेन्‍दोक ति योक्‍मु मिन, दाक्‍पी आमा यिन।

गलाती 4:31

तुक क्‍यानी ङे अच्‍युनुपतिवा, दाक्‍पु ति योक्‍मी थाकाकी ति मिन, कोन्‍छ्‍योककी थाक्‍छ्‍येन नङ्‍गुप अब्राहामकी पेर्मी थाकाकी गिपा यिन।

गलाती 4:9

यिने त याङ ख्‍यिरा कोन्‍छ्‍योकला ङो शेनी वे, खोकी साङ ख्‍यिराङला ङो शेनी वे। यिन्‍सिनाङ ख्‍यिराङ च्‍यिला ओङ मेतुप ताङ फेन मोथोवु जम्‍बुलिङकी ल्हलुकी ओङला लोक्‍नी शब्‍ज्‍यी कितुप नो किवी?

गलाती 5:13

ङे अच्‍युनुपतिवा, कोन्‍छ्‍योककी ख्‍यिराङला कताङ नङ्‍गुप तेन्‍दोक ति ख्‍यिराङला रङ्‍ज्‍येन नङ्‍गुपला यिन। तुक क्‍यानी ख्‍यिराङ दिक्‍पा कितुप क्‍युर्नी च्‍यिककी च्‍यिकला ङ्‍यिङ्‍ज्‍ये क्‍यानी शब्‍ज्‍यी की।

एफिसी 6:14

ती तप्‍की ख्‍यिराङ केल्‍दाङला जिनोक मेतुप करा च्‍यी। तमा छेकोकला टेङ्‍बुकी क्‍योरुप च्‍यालक कोन।

फिलिप्पी 1:27

त खक्‍छ्‍येवु ताम्‍ङे ति दी राङ यिन, ख्‍यिरा मिजी ति ख्रीष्‍टकी लेन ल्‍यामुला सुङ्‍गुप दोके च्‍युङ्‍शी। तुक क्‍यानी ङ ख्‍यिरा ते वोसिनाङ माङुसिनाङ ख्‍यिराङ सेम च्‍यिक्‍पा राङ च्‍युङ्‍नी डेकला देतुप ताङ लेन ल्‍यामुला वोतुप तेपाकी थोक्‍ला मुला राङ हुर्ताक क्‍यावु ति ङे थो थुप्‍शी।

१ थेसलोनिकी 3:8

ख्‍यिरा कोन्‍छ्‍योकला तेपा रम्‍बु क्‍यानी देतुप तप्‍की ङ्‍यिराङ सेम लोदिमु क्‍यानी दे थुप्‍किवी।

२ थेसलोनिकी 2:15

ती तप्‍की अच्‍युनुपतिवा, तेपा रम्‍बु क्‍यानी ङ्‍यिरा ख्‍याप्‍टाक क्‍यावु सुङ याङ्‍ना ङ्‍यिरा तङ्‍गुप यिकी नेसुर ख्‍यिराङला ङ्‍येतुप येन्‍देनला युसा।

हिब्रू 10:23

दाक्‍पुला थाक्‍छ्‍येन नङ्‍गुप कोन्‍छ्‍योक ति खोङ्‍तेर्मु वोतुप तप्‍की दाक्‍पु यिसिक मिसिक माक्‍यानी मीतिवी दोङ्‍ला दाक्‍पी ताम्‍ङे क्‍यावु रेवाला रम्‍बु क्‍यानी देतुप।

हिब्रू 3:14

दाक्‍पी गोमाला तेपा कितुप पेला तेन्‍तेन क्‍यावु ताम्‍ङेला तिङ्‍ला सेक डेकला देसिन दाक्‍पु ख्रीष्‍टला वोतुप ति तेरी मुला राङ थोप्‍किवी।

हिब्रू 3:6

यिने ख्रीष्‍ट ति कोन्‍छ्‍योककी पुज्‍युङ यिन्‍दुप तप्‍की खोकी मिछाङकी मीतिवी थोक्‍ला खोङ्‍तेर्मु च्‍युङ वे। दोजो दाक्‍पी रेवा क्‍यावु ताम्‍ङेला ङाडेङ ताङ तेके क्‍यानी नरी देसुङ सिसिन दाक्‍पु साङ कोन्‍छ्‍योककी मिछाङकी मीतिवा च्‍युङ्‍गिवी।

हिब्रू 4:14

तुक क्‍यानी देवाच्‍येनला तेक्‍नी फेवु कोन्‍छ्‍योककी सेवु येशू ति चोछ्‍ये वोतुप तेरी सिनाङ कोङ्‍यार छ्‍ये यिन्‍दुप तप्‍की दाक्‍पी मीतिवी मिङ्‍गाला सेमला लानी तेन्‍तेन क्‍यावु तेपाला मङ रम्‍बु क्‍यानी देतुप।

१ पत्रुस 2:16

ख्‍यिराङ ति दिक्‍पी ओङ नेमा रङ्‍ज्‍येन थोप्‍नी वे, तुक क्‍यानी रङ्‍ज्‍येन वोतुप मीतिवा दोके मिजी क्‍योङ। रङ्‍ज्‍येन थोपुप तप्‍की ख्‍यिराङ ति काङ लाका मेलोवा क्‍यासिनाङ गिवी सिनी नासाम मातोङ, यिने कोन्‍छ्‍योकला शब्‍ज्‍यी कितुप योक्‍पु दोके च्‍युङ्‍नी मिजी क्‍योङ।

२ पत्रुस 2:19

तिवी मीतिवाला दिक्‍पा ने रङ्‍ज्‍येन थोप्‍किवी सिनी थाक्‍छ्‍येकिवी, यिने खोप्‍राङ ति दिक्‍पी ओङला राङ ख्‍येल वे। च्‍यिलासिसिन ख्‍यिराङ चुका मी ति ती ओङला ख्‍येल वे, ती मी ति तीकी योक्‍पु यिन।

यहूदा 1:3

ङे ङ्‍यिङ्‍ज्‍येवु अच्‍युनुपतिवा, दाक्‍पु तेरीला थोपुप थर्वाकी कोर्ला ङ ख्‍यिराङला टिकुपला छासे नो लासुङ। यिने त याङ कोन्‍छ्‍योककी खोरे मीतिवाला थेङ्‍मा च्‍यिक नङ्‍सिमा नरीकी नरी लुवु तेपा ति ख्‍यिरा छासे रम्‍बु क्‍यानी र्‍होक सिनी ङाडेङ तेरुपला ङे दी यिकी टिकुप ति ल्‍यामु यिन सिनी नोसुङ।

ज्‍यल्‍का 2:25

यिने ङ वुङ्‍दा सेक ख्‍यिराङला वोतुप येन्‍देनला ल्‍यामु क्‍यानी देता।

ज्‍यल्‍का 3:3

ती तप्‍की गोमाला ख्‍योरो लापुप ताङ थोवु ताम्‍ङे ति नासाम तोङ। तमा तीला ङ्‍येन्‍नी दिक्‍पा ने ग्‍युर। ख्‍युरुङ मालासिन ङ ख्‍यिरा हाक्‍माकोवा क्‍यानी शार्क्येक वुङ्‍यिनो। ङ चो पेला गिवी सिरुप तुजे ति ख्‍यिरा हाक्‍मोकोतो।